Sektarmál skattrannsóknarstjóra ríkisins á hendur A

Sektarmál skattrannsóknarstjóra ríkisins á hendur A .

Skattaðili: X ehf.

Úrskurður yfirskattanefndar nr. 32/2005 í máli nr. 92/2004, kveðinn upp 16. febrúar 2005:

Verknaðarlýsing: A, sem sjálfstæðum atvinnurekanda og síðan sem stjórnarmanni og framkvæmdastjóra með prókúruumboð hjá X ehf, var gefið að sök að hafa ekki staðið innheimtumanni ríkissjóðs að fullu skil á afdreginni staðgreiðslu opinberra gjalda launamanna X ehf. vegna greiðslutímabilanna janúar, febrúar, mars, apríl, maí og júní tekjuárið 2002. Vangoldin afdregin skilaskyld staðgreiðsla opinberra gjalda launamanna X ehf. vegna framangreindra greiðslutímabila nam samtals kr. 2.011.670, auk álags, dráttarvaxta og kostnaðar.

A var gefið að sök að hafa ekki staðið innheimtumanni ríkissjóðs skil á viðrisaukaskatti sem innheimtur var í sjálfstæðum rekstri hans vegna uppgjörstímabilsins nóvember-desember tekjuárið 2001, og síðar í rekstri X ehf. vegna uppgjörstímabilanna janúar-febrúar, mars-apríl, maí-júní og júlí-ágúst tekjuárið 2002. Vangoldinn innheimtur virðisaukaskattur til innheimtumanns ríkissjóðs vegna framangreindra uppgjörstímabila nam samtals kr. 5.354.554, auk álags, dráttarvaxta og kostnaðar.

Niðurstaða: Sannað þótti að A hefði gerst sekur um þá háttsemi sem honum var gefin að sök.

Brot talin varða við: 2. mgr. 30. gr. laga nr. 45/1987, sbr. 2. gr. laga nr. 42/1995, og 1. mgr. 40 gr. laga nr. 50/1988, sbr. 3. gr. laga nr. 42/1995.

Úrskurðuð sekt: A var gert að greiða 8.800.000 kr. til ríkissjóðs.

Sektarmál skattrannsóknarstjóra ríkisins á hendur A, B, C og D.

Skattaðili: X ehf.

Úrskurður yfirskattanefndar nr. 33/2005 í máli nr. 71/2004, kveðinn upp 16. febrúar 2005:

Verknaðarlýsing: A, sem fyrrum stjórnarmanni með prókúruumboð frá 2. apríl 2001 hjá X ehf., var gefið að sök að hafa ekki staðið innheimtumanni ríkissjóðs að fullu skil á afdreginni staðgreiðslu opinberra gjalda launamanna X ehf. vegna greiðslutímabilanna maí, júní, júlí og ágúst tekjuárið 2001 og að hafa vanrækt að standa innheimtumanni ríkissjóðs skil á skilagrein staðgreiðslu opinberra gjalda vegna launagreiðslna ágúst 2001. B, sem fyrrum daglegum stjórnandí X ehf. frá stofnun félagsins til 2. apríl 2001 og með prókúruumboð hjá félaginu frá stofnun þess, var gefið að sök að hafa ekki staðið innheimtumanni ríkissjóðs að fullu skil á afdreginni staðgreiðslu opinberra gjalda launamanna X ehf. vegna greiðslutímabilanna nóvember og desember tekjuárið 2000 og maí, júní, júlí og ágúst tekjuárið 2001 og að hafa vanrækt að standa innheimtumanni ríkissjóðs skil á skilagrein staðgreiðslu opinberra gjalda vegna launagreiðslu í ágúst 2001. C, sem daglegum stjórnanda frá 2. apríl 2001 í X ehf., var gefið að sök að hafa ekki staðið innheimtumanni ríkissjóðs að fullu skil á afdreginni staðgreiðslu opinberra gjalda launamanna X ehf. vegna greiðslutímabilanna maí, júní, júlí og ágúst tekjuárið 2001 og að hafa vanrækt að standa innheimtumanni ríkissjóðs skil á skilagrein staðgreiðslu opinberra gjalda vegna launagreiðslna ágúst 2001. D, sem fyrrum stjórnarformanni með prókúruumboð hjá X ehf. frá stofnun félagsins til 2. apríl 2001, var gefið að sök að hafa ekki staðið innheimtumanni ríkissjóðs að fullu skil á afdreginni staðgreiðslu opinberra gjalda launamanna X ehf. vegna greiðslutímabilanna nóvember og desember tekjuárið 2000. Vangoldin afdregin skilaskyld staðgreiðsla opinberra gjalda launamanna X ehf. vegna framangreindra greiðslutímabila nam samtals kr. 733.373, auk álags, dráttarvaxta og kostnaðar.

A var gefið að sök að hafa ekki staðið innheimtumanni ríkissjóðs skil á viðrisaukaskatti, sem innheimtur var í rekstri X ehf., vegna uppgjörstímabilanna mars-apríl og maí-júní tekjuárið 2001. B var gefið að sök að hafa ekki staðið innheimtumanni ríkissjóðs skil á viðrisaukaskatti, sem innheimtur var í rekstri X ehf., vegna uppgjörstímabilanna september-október og nóvember-desember tekjuárið 2000 og mars-apríl og maí-júní tekjuárið 2001. C var gefið að sök að hafa ekki staðið innheimtumanni ríkissjóðs skil á viðrisaukaskatti, sem innheimtur var í rekstri X ehf., vegna uppgjörstímabilanna mars-apríl og maí-júní tekjuárið 2001. D var gefið að sök að hafa ekki staðið innheimtumanni ríkissjóðs skil á viðrisaukaskatti, sem innheimtur var í rekstri X ehf., vegna uppgjörstímabilanna september-október og nóvember-desember tekjuárið 2000 og mars-apríl tekjuárið 2001. Vangoldinn innheimtur virðisaukaskattur til innheimtumanns ríkissjóðs vegna framangreindra uppgjörstímabila nam samtals kr. 2.190.967.

Niðurstaða: Sannað þótti að A, B, C og D hefðu gerst sekir um þá háttsemi sem þeim var gefin að sök.

Brot talin varða við: 2. mgr. 30. gr. laga nr. 45/1987, sbr. 2. gr. laga nr. 42/1995, og 1. mgr. 40 gr. laga nr. 50/1988, sbr. 3. gr. laga nr. 42/1995.

Úrskurðuð sekt: A var gert að greiða 750.000 kr. til ríkissjóðs. B var gert að greiða 1.600.000 kr. til ríkissjóðs. C var gert að greiða 750.000 kr. til ríkissjóðs. D var gert að greiða 1.600.000 kr. til ríkissjóðs.

Sektarmál skattrannsóknarstjóra ríkisins á hendur A.

Skattaðili: A.

Úrskurður yfirskattanefndar nr. 34/2005 í máli nr. 74/2004, kveðinn upp 16. febrúar 2005:

Verknaðarlýsing: A var gefið að sök að hafa, að því er best verður séð af ásetningi, en í það minnsta af stórkostlegu hirðuleysi, vanrækt að standa skil á skattframtölum og fylgigögnum þeirra, þ.m.t. ársreikningum, vegna álagningar opinberra gjalda gjaldárin 1998 og 1999, vegna rekstraráranna 1997 og 1998. Með því vanrækti A að gera grein fyrir rekstrartekjum vegna sjálfstæðrar starfsemi sinnar umrædd ár. A stóð skil á skattframtölum ásamt fylgigögnum, þ.m.t. ársreikningum fyrir umrædd ár eftir framtalsfrest eða þann 27. desember 2000. Umrædd skattframtöl hafa verið lögð til grundvallar álagningar.

A var gefið að sök að hafa, að því er best verður séð af ásetningi, en í það minnsta af stórkostlegu hirðuleysi, staðið skil á efnislega röngum virðisaukaskattskýrslum vegna uppgjörstímabilanna mars-apríl, maí-júní, júlí-ágúst og september-október vegna rekstrarársins 1997, og vanrækt að standa skattstjóra skil á virðisaukaskattskýrslum vegna uppgjörstímabilsins nóvember-desember vegna rekstrarársins 1997 og allra uppgjörstímabila rekstrarársins 1998. Með framangreindu vanrækti A að gera grein fyrir virðisaukaskattskyldri veltu og innheimtum virðisaukaskatti vegna sjálfstæðrar starfsemi sinnar vegna umræddra uppgjörstímabila nema að mjög takmörkuðu leyti.

A var gefið að sök að hafa, að því er best verður séð af ásetningi, en í það minnsta af stórkostlegu hirðuleysi, vanrækt að tilkynna um sjálfstæða starfsemi sína sem launagreiðanda og vanrækt að standa skil á greinargerðum um reiknað endurgjald vegna staðgreiðslu opinberra gjalda og tryggingagjaldsskýrslum fyrir greiðslutímabil rekstraráranna 1997 og 1998. Með því móti kom A sé hjá greiðslum skilskyldrar staðgreiðslu opinberra gjalda og tryggingagjalds af reiknuðu endurgjaldi.

Niðurstaða: Sannað þótti að A hefði gerst sekur um brot á lögum um virðisaukaskatt. Ekki þótti tilefni til sektarákvörðunar á hendur A vegna vanskila á framtölum. Þá þótti ekki sýnt fram á með rannsókn skattrannsóknarstjóra ríkisins að gera bæri A sekt vegna vanrækslu á tilkynningarskyldu og ekki var talinn hafa verið lagður nægilegur grundvöllur að sektarákvörðun vegna staðgreiðsluskila að öðru leyti.

Brot talin varða við: 1. mgr. 40 gr. laga nr. 50/1988, sbr. 3. gr. laga nr. 42/1995.

Úrskurðuð sekt: A var gert að greiða 750.000 kr. til ríkissjóðs.

Sektarmál skattrannsóknarstjóra ríkisins á hendur A .

Skattaðili: X ehf.

Úrskurður yfirskattanefndar nr. 35/2005 í máli nr. 122/2004, kveðinn upp 16. febrúar 2005:

Verknaðarlýsing: A, sem stjórnarmanni með prókúruumboð og daglegum stjórnanda hjá X ehf. var gefið að sök að hafa staðið skil á röngum skilagreinum staðgreiðslu opinberra gjalda launamanna X ehf. til innheimtumanns ríkissjóðs vegna greiðslutímabilanna mars, apríl, maí, júní og júlí tekjuárið 2001, og að hafa vanrækt að standa innheimtumanni ríkissjóðs skil á skilagreinum staðgreiðslu opinberra gjalda vegna launagreiðslna X ehf. vegna febrúar og ágúst tekjuárið 2001. Þá var A gefið að sök að hafa ekki staðið innheimtumanni ríkissjóðs skil á afdreginni staðgreiðslu opinberra gjalda launamanna X ehf. vegna greiðslutímabilanna febrúar, mars apríl, maí, júní, júlí, ágúst, september, október, nóvember og desember tekjuárið 2001, og janúar, febrúar, mars apríl, maí, júní, júlí og ágúst tekjuárið 2002. Vangoldin afdregin skilaskyld staðgreiðsla opinberra gjalda launamanna X ehf. vegna framangreindra greiðslutímabila nam samtals kr. 1.193.764, auk álags, dráttarvaxta og kostnaðar.

A var gefið að sök að hafa ekki staðið innheimtumanni ríkissjóðs skil á viðrisaukaskattsskýrslum X ehf. vegna uppgjörstímabilanna september-október og nóvember-desember tekjuárið 2001. Þá var A gefið að sök að hafa ekki staðið innheimtumanni ríkissjóðs skil á virðisaukaskatti sem innheimtur var í rekstri X ehf. vegna uppgjörstímabilanna júlí-ágúst, september-október og nóvember-desember tekjuárið 2001, og mars-apríl og maí-júní tekjuárið 2002. Vangoldinn innheimtur virðisaukaskattur til innheimtumanns ríkissjóðs vegna framangreindra uppgjörstímabila nam samtals kr. 1.240.092.

Niðurstaða: Ekki talið hafa verið sýnt fram á grundvöll fyrir ákvörðun sektar á hendur A samkvæmt 2. mgr. 30. gr laga nr. 45/1987, um staðgreiðslu opinberra gjalda. Sannað þótti að A hefði gerst sekur um þau brot gegn lögum um virðisaukaskatt sem honum voru gefin að sök.

Brot talin varða við: 2. mgr. 30. gr. laga nr. 45/1987, sbr. 2. gr. laga nr. 42/1995, og 1. mgr. 40 gr. laga nr. 50/1988, sbr. 2. og 3. gr. laga nr. 42/1995.

Úrskurðuð sekt: A var gert að greiða 2.900.000 kr. til ríkissjóðs.

Sektarmál skattrannsóknarstjóra ríkisins á hendur A .

Skattaðili: A.

Úrskurður yfirskattanefndar nr. 36/2005 í máli nr. 91/2004, kveðinn upp 16. febrúar 2005:

A var gefið að sök að hafa, að því er best verður séð af ásetningi, en í það minnsta af stórkostlegu hirðuleysi, staðið skil á efnislega röngum viðrisaukaskattsskýrslum vegna uppgjörstímabilanna mars-apríl, júlí-ágúst og nóvember-desember vegna rekstrarársins 1999, og allra uppgjörstímabila rekstrarársins 2000, með því að ýmist vantelja eða oftelja virðisaukaskattskylda veltu og útskatt á skýrslunum og/eða oftelja þar innskatt.

Niðurstaða: Sannað þótti að A hefði gerst sekur um þá háttsemi sem honum var gefin að sök. Saknæmisskilyrði voru þó ekki talin uppfyllt að því er varðaði vantaldar tekjur og skattskylda veltu að fjárhæð kr. 259.336 árið 1999 og kr. 1.649.027 árið 2000, og var A ekki gerð sekt vegna þessa.

Brot talin varða við: 1. mgr. 109. gr. laga nr. 90/2003 og 1. mgr. 40 gr. laga nr. 50/1988, sbr. 3. gr. laga nr. 42/1995.

Úrskurðuð sekt: A var gert að greiða 4.000.000 kr. til ríkissjóðs og 900.000 kr. til borgarsjóðs.

Sektarmál skattrannsóknarstjóra ríkisins á hendur A.

Skattaðili: A.

Úrskurður yfirskattanefndar nr. 37/2005 í máli nr. 7/2005, kveðinn upp 16. febrúar 2005:

Verknaðarlýsing: A var gefið að sök að hafa vanrækt að standa að fullu skil á virðisaukaskatti sem innheimtur var í sjálfstæðum rekstri hans vegna uppgjörstímabilanna september-október og nóvember-desember tekjuárið 1999, og janúar-febrúar, mars-apríl og maí-júní tekjuárið 2000. Þá var A gefið að sök að hafa vanrækt að standa innheimtumanni ríkissjóðs á lögmæltum tíma skil á virðisaukaskattsskýrslum í sjálfstæðum rekstri hans vegna uppgjörstímabilanna september-október og nóvember-desember tekjuárið 1999, og janúar-febrúar og mars-apríl tekjuárið 2000. Vangoldinn innheimtur virðisaukaskattur til innheimtumanns ríkissjóðs vegna framangreindra uppgjörstímabila nam samtals kr. 1.016.098.

Niðurstaða: Ekki tókst að birta kröfugerð vegna sektarmeðferðar hjá yfirskattanefnd fyrir gjaldanda. Þar sem afstaða gjaldanda um meðferð málsins lá ekki fyrir, þóttu skilyrði ekki uppfyllt til þess að fjalla um málið fyrir yfirskattanefnd og var málinu því vísað frá.

Sektarmál skattrannsóknarstjóra ríkisins á hendur A .

Skattaðili: A.

Úrskurður yfirskattanefndar nr. 38/2005 í máli nr. 431/2004, kveðinn upp 16. febrúar 2005:

Verknaðarlýsing: Krafa um að yfirskattanefnd taki mál til sektarmeðferðar vegna brots á lögum nr. 75/1981, um tekjuskatt og eignarskatt, sbr. nú lög 90/2003, um tekjuskatt og eignarskatt, og lögum nr. 50/1988, um virðisaukaskatt, framin vegna tekjuáranna 1997, 1998 og 1999. Með bréfi lýsti umboðsmaður gjaldanda því yfir að gjaldandi vildi ekki hlíta því að yfirskattanefnd afgreiddi mál hans.

Niðurstaða: Mál sent skattrannsóknarstjóra ríkisins.

Sektarmál skattrannsóknarstjóra ríkisins á hendur A og D.

Skattaðili: X ehf.

Úrskurður yfirskattanefndar nr. 58/2005 í máli nr. 73/2004, kveðinn upp 16. mars 2005:

Verknaðarlýsing: A, sem framkvæmdastjóra með prókúruumboð fyrir X ehf., og D, sem stjórnarformanni hjá X ehf., var gefið að sök að hafa ekki staðið innheimtumanni ríkissjóðs að fullu skil á afdreginni staðgreiðslu opinberra gjalda launamanna X ehf. vegna greiðslutímabilanna apríl, maí, júní, júlí og ágúst tekjuárið 2002. B, sem stjórnarformanni og daglegum stjórnanda hjá X ehf., og C, sem meðstjórnanda og daglegum stjórnanda hjá X ehf., var gefið að sök að hafa ekki staðið innheimtumanni ríkissjóðs að fullu skil á afdreginni staðgreiðslu opinberra gjalda launamanna X ehf. vegna september, október, nóvember og desember tekjuárið 2002 og janúar tekjuárið 2003. Vangoldin afdregin skilaskyld staðgreiðsla opinberra gjalda launamanna X ehf. vegna framangreindra greiðslutímabila nam samtals kr. 3.349.984, auk álags, dráttarvaxta og kostnaðar.

A var gefið að sök að hafa ekki staðið innheimtumanni ríkissjóðs skil á viðrisaukaskatti sem innheimtur var í rekstri X ehf. vegna uppgjörstímabilsins júlí-ágúst tekjuárið 2002. B og C var gefið að sök að hafa ekki staðið innheimtumanni ríkissjóðs skil á virðisaukaskatti sem innheimtur var í rekstri X ehf. vegna uppgjörstímabilanna september-október og nóvember-desember tekjuárið 2002. Vangoldinn innheimtur virðisaukaskattur til innheimtumanns ríkissjóðs vegna framangreindra uppgjörstímabila nam samtals kr. 289.176.

Niðurstaða: Sannað þótti að A og D hefðu gerst sekir um þá háttsemi sem þeim var gefin að sök. Þar sem mál B og C varðaði að öllu leyti önnur greiðslu- og uppgjörstímabil var þáttur þeirra tekinn til úrlausnar í öðrum úrskurði yfirskattanefndar.

Brot talin varða við: 2. mgr. 30. gr. laga nr. 45/1987, sbr. 2. gr. laga nr. 42/1995, og 1. mgr. 40 gr. laga nr. 50/1988, sbr. 3. gr. laga nr. 42/1995.

Úrskurðuð sekt: A var gert að greiða 1.800.000 kr. til ríkissjóðs. D var gert að greiða 1.800.000 kr. til ríkissjóðs.

Sektarmál skattrannsóknarstjóra ríkisins á hendur B og C.

Skattaðili: X ehf.

Úrskurður yfirskattanefndar nr. 59/2005 í máli nr. 73.1/2004, kveðinn upp 16. mars 2005:

Niðurstaða: Ekki þótti sýnt fram á með rannsókn skattrannsóknarstjóra ríkisins að B bæri refsiábyrgð vegna þeirrar háttsemi sem greindi í kröfugerð skattrannsóknarstjóra ríkisins.Var B því ekki gerð sekt. Sannað þótti að C hefði gerst sekur um þá háttsemi sem honum var gefin að sök. Þar sem mál A og D varðaði að öllu leyti önnur greiðslu- og uppgjörstímabil var þáttur þeirra tekinn til úrlausnar í öðrum úrskurði yfirskattanefndar.

Brot talin varða við: 2. mgr. 30. gr. laga nr. 45/1987, sbr. 2. gr. laga nr. 42/1995, og 1. mgr. 40 gr. laga nr. 50/1988, sbr. 3. gr. laga nr. 42/1995.

Úrskurðuð sekt: B var ekki gerð sekt. C var gert að greiða 3.300.000 kr. til ríkissjóðs.

Sektarmál skattrannsóknarstjóra ríkisins á hendur A og X ehf.

Skattaðili: X ehf.

Úrskurður yfirskattanefndar nr. 60/2005 í máli nr. 117/2004, kveðinn upp 16. mars 2005:

Verknaðarlýsing: A, sem stjórnarmanni og framkvæmdastjóra X ehf., var gefið að sök að hafa ekki staðið að fullu skil á afdreginni og skilaskyldri staðgreiðslu opinberra gjalda launamanna X ehf. til innheimtumanns ríkissjóðs, samkvæmt staðgreiðsluskilagreinum félagsins, fyrir greiðslutímabilin apríl, júlí, ágúst, september, október, nóvember og desember tekjuárið 1999, janúar, febrúar, apríl, maí og desember tekjuárið 2000 og öll greiðslutímabil tekjuársins 2001. Samtals nam vangoldin afdregin skilaskyld staðgreiðsla opinberra gjalda launamanna X ehf. vegna framangreindra greiðslutímabila nam samtals kr. 7.190.913.

A var ennfremur gefið að sök að hafa ekki staðið að fullu skil á innheimtum virðisaukaskatti X ehf., til innheimtumanns ríkissjóðs, samkvæmt virðisaukaskattsskýrslu félagsins, vegna uppgjörstímabilsins september-október tekjuárið 2001. Samtals nam vangoldinn innheimtur virðisaukaskattur til innheimtumanns ríkissjóðs kr. 550.000, vegna framangreinds uppgjörstímabils.

Niðurstaða: Sannað þótti að A hefði gerst sekur um þá háttsemi sem honum var gefin að sök. Bú X ehf. hafði verið tekið til gjaldþrotaskipta þegar úrskurður nefndarinnar var kveðinn upp og var félaginu því ekki gerð sekt.

Brot talin varða við: 2. mgr. 30. gr. laga nr. 45/1987, sbr. 2. gr. laga nr. 42/1995, og 1. mgr. 40 gr. laga nr. 50/1988, sbr. 3. gr. laga nr. 42/1995.

Úrskurðuð sekt: A var gert að greiða 9.600.000 kr. til ríkissjóðs. X ehf. var ekki gerð sekt í máli þessu.

Sektarmál skattrannsóknarstjóra ríkisins á hendur A.

Skattaðili: X ehf.

Úrskurður yfirskattanefndar nr. 61/2005 í máli nr. 177/2004, kveðinn upp 16. mars 2005:

Verknaðarlýsing: A, sem fyrrum stjórnarmanni og framkvæmdastjóra með prókúruumboð hjá X ehf., var gefið að sök að hafa vanrækt að standa innheimtumanni ríkissjóðs skil á afdreginni staðgreiðslu opinberra gjalda launamanna X ehf. vegna greiðslutímabilanna janúar, febrúar, mars, apríl, maí, júní, júlí, ágúst, september og október tekjuárið 2002. Vangoldin afdregin skilaskyld staðgreiðsla opinberra gjalda launamanna X ehf. vegna framangreindra greiðslutímabila nam samtals kr. 771.798, auk álags, dráttarvaxta og kostnaðar.

A var gefið að sök að hafa ekki staðið innheimtumanni ríkissjóðs að fullu skil á viðrisaukaskatti sem innheimtur var í rekstri X ehf. vegna uppgjörstímabilanna nóvember-desember tekjuárið 1999, september-október og nóvember-desember tekjuárið 2000, janúar-febrúar, mars-apríl, maí-júní og júlí-ágúst tekjuárið 2001, og mars-apríl tekjuárið 2002. Þá var A gefið að sök að hafa vanrækt að standa innheimtumanni ríkissjóðs skil á virðisaukaskattskýrslum vegna uppgjörstímabilanna nóvember-desember tekjuárið 1999 og mars-apríl tekjuárið 2002. Vangoldinn innheimtur virðisaukaskattur til innheimtumanns ríkissjóðs vegna framangreindra uppgjörstímabila nam samtals kr. 4.592.624.

Niðurstaða: Sannað þótti að A hefði gerst sekur um þá háttsemi sem honum var gefin að sök.

Brot talin varða við: 2. mgr. 30. gr. laga nr. 45/1987, sbr. 2. gr. laga nr. 42/1995, og 1. mgr. 40 gr. laga nr. 50/1988, sbr. 3. gr. laga nr. 42/1995.

Úrskurðuð sekt: A var gert að greiða 7.200.000 kr. til ríkissjóðs.

Sektarmál skattrannsóknarstjóra ríkisins á hendur A.

Skattaðili: X ehf.

Úrskurður yfirskattanefndar nr. 62/2005 í máli nr. 194/2004, kveðinn upp 16. mars 2005:

Verknaðarlýsing: A, sem fyrrum stjórnarmanni hjá X ehf., var gefið að sök að hafa vanrækt að standa innheimtumanni ríkissjóðs skil á afdreginni staðgreiðslu opinberra gjalda launamanna X ehf. vegna greiðslutímabilanna desember tekjuárið 1999 og janúar, febrúar, mars og apríl tekjuárið 2000. B, sem fyrrum stjórnarmanni hjá X ehf., var gefið að sök að hafa vanrækt að standa innheimtumanni ríkissjóðs skil á afdreginni staðgreiðslu opinberra gjalda launamanna X ehf. vegna greiðslutímabilanna ágúst, september, október, nóvember og desember tekjuárið 1998, og janúar, febrúar, mars, apríl, maí, júní, júlí, ágúst, september, október og nóvember tekjuárið 1999. Vangoldin afdregin skilaskyld staðgreiðsla opinberra gjalda launamanna X ehf. vegna framangreindra greiðslutímabila nam samtals kr. 3.139.053, auk álags, dráttarvaxta og kostnaðar.

A var gefið að sök að hafa ekki staðið innheimtumanni ríkissjóðs að fullu skil á virðisaukaskatti sem innheimtur var í rekstri X ehf. vegna uppgjörstímabilanna nóvember-desember tekjuárið 1999 og janúar-febrúar tekjuárið 2000. B var gefið að sök að hafa ekki staðið innheimtumanni ríkissjóðs að fullu skil á viðrisaukaskatti sem innheimtur var í rekstri X ehf. vegna uppgjörstímabilanna mars-apríl, maí-júní, júlí-ágúst og september-október tekjuárið 1999. Vangoldinn innheimtur virðisaukaskattur til innheimtumanns ríkissjóðs vegna framangreindra uppgjörstímabila nam samtals kr. 1.338.512.

Niðurstaða: Sannað þótti að A hefði gerst sekur um þá háttsemi sem honum var gefin að sök. Þar sem mál B varðaði að öllu leyti önnur greiðslu- og uppgjörstímabil en mál A, var sá þáttur sektarkröfunnar tekinn til úrlausnar í öðrum úrskurði nefndarinnar.

Brot talin varða við: 2. mgr. 30. gr. laga nr. 45/1987, sbr. 2. gr. laga nr. 42/1995, og 1. mgr. 40 gr. laga nr. 50/1988, sbr. 3. gr. laga nr. 42/1995.

Úrskurðuð sekt: A var gert að greiða 1.450.000 kr. til ríkissjóðs.

Sektarmál skattrannsóknarstjóra ríkisins á hendur B.

Skattaðili: X ehf.

Úrskurður yfirskattanefndar nr. 63/2005 í máli nr. 194-1/2004, kveðinn upp 16. mars 2005:

A var gefið að sök að hafa ekki staðið innheimtumanni ríkissjóðs að fullu skil á virðisaukaskatti sem innheimtur var í rekstri X ehf. vegna uppgjörstímabilanna nóvember-desember tekjuárið 1999 og janúar-febrúar tekjuárið 2000. B var gefið að sök að hafa ekki staðið innheimtumanni ríkissjóðs að fullu skil á virðisaukaskatti sem innheimtur var í rekstri X ehf. vegna uppgjörstímabilanna mars-apríl, maí-júní, júlí-ágúst og september-október tekjuárið 1999. Vangoldinn innheimtur virðisaukaskattur til innheimtumanns ríkissjóðs vegna framangreindra uppgjörstímabila nam samtals kr. 1.338.512.

Niðurstaða: Sannað þótti að B hefði gerst sek um þá háttsemi sem henni var gefin að sök. Þar sem mál A varðaði að öllu leyti önnur greiðslu- og uppgjörstímabil en mál B, var sá þáttur sektarkröfunnar tekinn til úrlausnar í öðrum úrskurði nefndarinnar.

Brot talin varða við: 2. mgr. 30. gr. laga nr. 45/1987, sbr. 2. gr. laga nr. 42/1995, og 1. mgr. 40 gr. laga nr. 50/1988, sbr. 3. gr. laga nr. 42/1995.

Úrskurðuð sekt: A var gert að greiða 5.200.000 kr. til ríkissjóðs.

Sektarmál skattrannsóknarstjóra ríkisins á hendur A.

Skattaðili: X ehf.

Úrskurður yfirskattanefndar nr. 64/2005 í máli nr. 116/2004, kveðinn upp 16. mars 2005:

Verknaðarlýsing: A, stjórnarmanni með prókúruumboð og daglegum stjórnanda hjá X ehf., var gefið að sök að hafa ekki staðið innheimtumanni ríkissjóðs að fullu skil á virðisaukaskatti sem innheimtur var í rekstri X ehf. vegna uppgjörstímabilanna júlí-ágúst, september-október og nóvember-desember tekjuárið 2001. Vangoldinn innheimtur virðisaukaskattur til innheimtumanns ríkissjóðs vegna framangreindra uppgjörstímabila nam samtals kr. 2.885.809, auk álags, dráttarvaxta og kostnaðar.

Niðurstaða: Sannað þótti að A hefði gerst sekur um þá háttsemi sem honum var gefin að sök.

Brot talin varða við: 1. mgr. 40 gr. laga nr. 50/1988, sbr. 3. gr. laga nr. 42/1995.

Úrskurðuð sekt: A var gert að greiða 4.100.000 kr. til ríkissjóðs.

Sektarmál skattrannsóknarstjóra ríkisins á hendur A.

Skattaðili: X ehf.

Úrskurður yfirskattanefndar nr. 107/2005 í máli nr. 164/2004, kveðinn upp 4. maí 2005:

Verknaðarlýsing: A, sem stjórnarmanni og framkvæmdastjóra með prókúruumboð hjá X ehf., var gefið að sök að hafa ekki staðið skil á skilagreinum staðgreiðslu opinberra gjalda launamanna X ehf. til innheimtumanns ríkissjóðs vegna greiðslutímabilanna mars, apríl, maí, júní, júlí, ágúst, september, október, nóvember og desember tekjuárið 2001. Þá var A gefið að sök að hafa ekki staðið innheimtumanni ríkissjóðs skil á afdreginni staðgreiðslu opinberra gjalda launamanna X ehf. vegna sömu greiðslutímabila tekjuárið 2001. Vangoldin afdregin skilaskyld staðgreiðsla opinberra gjalda launamanna X ehf. vegna framangreindra greiðslutímabila nam samtals kr. 405.339, auk álags, dráttarvaxta og kostnaðar.

Niðurstaða: Sannað þótti að A hefði gerst sekur um þá háttsemi sem honum var gefin að sök.

Brot talin varða við: 2. mgr. 30. gr. laga nr. 45/1987, sbr. 2. gr. laga nr. 42/1995.

Úrskurðuð sekt: A var gert að greiða 770.000 kr. til ríkissjóðs.

Sektarmál skattrannsóknarstjóra ríkisins á hendur A.

Skattaðili: X ehf. og Z ehf.

Úrskurður yfirskattanefndar nr. 108/2005 í máli nr. 257/2004, kveðinn upp 5. maí 2005:

Verknaðarlýsing: A, sem fyrrum stjórnarmanni og framkvæmdastjóra hjá X ehf., var gefið að sök að hafa vanrækt að standa innheimtumanni ríkissjóðs skil á afdreginni staðgreiðslu opinberra gjalda launamanna X ehf. vegna greiðslutímabilanna maí, júní, júlí, ágúst og september tekjuárið 2002. Vangoldin afdregin skilaskyld staðgreiðsla opinberra gjalda launamanna X ehf. vegna framangreindra greiðslutímabila nam samtals kr. 414.735, auk álags, dráttarvaxta og kostnaðar. Þá var A, sem fyrrum stjórnarmanni og framkvæmdastjóra Z ehf., gefið að sök að hafa vanrækt að standa innheimtumanni ríkissjóðs skil á afdreginni staðgreiðslu opinberra gjalda launamanna Z ehf. vegna greiðslutímabilanna júní og júlí tekjuárið 2000, auk þess að hafa vanrækt að standa innheimtumanni ríkissjóðs skil á skilagreinum staðgreiðslu opinberra gjalda vegna sömu greiðslutímabila. Vangoldin afdregin skilaskyld staðgreiðsla opinberra gjalda launamanna Z ehf. vegna framangreindra greiðslutímabila nam samtals kr. 95.751, auk álags, dráttarvaxta og kostnaðar.

A var gefið að sök að hafa vanrækt að standa innheimtumanni ríkissjóðs að fullu skil á virðisaukaskatti sem innheimtur var í rekstri X ehf. vegna uppgjörstímabilanna mars-apríl, maí-júní, júlí-ágúst, september-október og nóvember-desember tekjuárið 2002 og janúar-febrúar og mars-apríl tekjuárið 2003. Auk þess var A gefið að sök að hafa vanrækt að standa innheimtumanni ríkissjóðs skil á virðisaukaskattskýrslum í rekstri félagsins vegna uppgjörstímabilanna mars-apríl, maí-júní og júlí-ágúst tekjuárið 2002. Vangoldinn innheimtur virðisaukaskattur til innheimtumanns ríkissjóðs vegna framangreindra uppgjörstímabila nam samtals kr. 199.470. Þá var A gefið að sök að hafa vanrækt að standa innheimtumanni ríkissjóðs að fullu skil á virðisaukaskatti sem innheimtur var í rekstri Z ehf. vegna uppgjörstímabilanna júlí-ágúst, september-október og nóvember-desember tekjuárið 2000 og janúar-febrúar tekjuárið 2001. Vangoldinn innheimtur virðisaukaskattur til innheimtumanns ríkissjóðs vegna framangreindra uppgjörstímabila nam samtals kr. 174.942.

Niðurstaða: Sannað þótti að A hefði gerst sekur um þá háttsemi sem honum var gefin að sök.

Brot talin varða við: 2. mgr. 30. gr. laga nr. 45/1987, sbr. 2. gr. laga nr. 42/1995, og 1. mgr. 40 gr. laga nr. 50/1988, sbr. 3. gr. laga nr. 42/1995.

Úrskurðuð sekt: A var gert að greiða 1.360.000 kr. til ríkissjóðs.

Sektarmál skattrannsóknarstjóra ríkisins á hendur A og B.

Skattaðili: X ehf.

Úrskurður yfirskattanefndar nr. 109/2005 í máli nr. 206/2004, kveðinn upp 4. maí 2005:

Verknaðarlýsing: A, sem fyrrum stjórnarmanni með prókúruumboð hjá X ehf., og B, sem fyrrum framkvæmdastjóra með prókúruumboð hjá X ehf., var gefið að sök að hafa vanrækt að standa innheimtumanni ríkissjóðs skil á afdreginni staðgreiðslu opinberra gjalda launamanna X ehf. vegna greiðslutímabilanna janúar, febrúar, mars, apríl, maí og júní tekjuárið 2001, og að hafa vanrækt að standa innheimtumanni ríkissjóðs skil á skilagreinum staðgreiðslu opinberra gjalda vegna launamanna X ehf. vegna sömu greiðslutímabila. Vangoldin afdregin skilaskyld staðgreiðsla opinberra gjalda launamanna X ehf. vegna framangreindra greiðslutímabila nam samtals kr. 1.021.644, auk álags, dráttarvaxta og kostnaðar.

A og B var gefið að sök að hafa ekki staðið innheimtumanni ríkissjóðs skil á virðisaukaskatti sem innheimtur var í rekstri X ehf. vegna uppgjörstímabilanna mars-apríl, maí-júní og júlí-ágúst tekjuárið 2001. Vangoldinn innheimtur virðisaukaskattur til innheimtumanns ríkissjóðs vegna framangreindra uppgjörstímabila nam samtals kr. 1.222.223.

Niðurstaða: Ekki taldist sannað að A og B hefðu vanrækt að standa skil á afdreginni staðgreiðslu opinberra gjalda. Að öðru leyti þótti sannað að A og B hefðu gerst sekir um þá háttsemi sem þeim var gefin að sök.

Brot talin varða við: 2. mgr. 30. gr. laga nr. 45/1987, sbr. 2. gr. laga nr. 42/1995, og 1. mgr. 40 gr. laga nr. 50/1988, sbr. 3. gr. laga nr. 42/1995.

Úrskurðuð sekt: A var gert að greiða 850.000 kr. til ríkissjóðs. B var gert að greiða 850.000 kr. til ríkissjóðs.

Sektarmál skattrannsóknarstjóra ríkisins á hendur A.

Skattaðili: X ehf.

Úrskurður yfirskattanefndar nr. 110/2005 í máli nr. 224/2004, kveðinn upp 4. maí 2005:

Verknaðarlýsing: A, sem fyrrum daglegum stjórnanda og með prókúruumboð í X ehf., var gefið að sök að hafa vanrækt að standa innheimtumanni ríkissjóðs skil á afdreginni staðgreiðslu opinberra gjalda launamanna X ehf. vegna greiðslutímabilanna júní, júlí, ágúst, september, október, nóvember og desember tekjuárið 2001. Þá var A gefið að sök að hafa vanrækt að standa innheimtumanni ríkissjóðs skil á skilagreinum staðgreiðslu opinberra gjalda vegna launagreiðslna félagsins fyrir greiðslutímabilin október, nóvember og desember tekjuárið 2001. Vangoldin afdregin skilaskyld staðgreiðsla opinberra gjalda launamanna X ehf. vegna framangreindra greiðslutímabila nam samtals kr. 5.265.808, auk álags, dráttarvaxta og kostnaðar.

Niðurstaða: Ekki þótti nægilega öruggt, þrátt fyrir að engar athugasemdir hefðu verið gerðar af hálfu A að afdregin staðgreiðsla í október, nóvember og desember 2001, næmi þeim fjárhæðum sem á var byggt í kröfugerð. Að öðru leyti þótti sannað að A hefði gerst sek um þá háttsemi sem þeim var gefin að sök.

Brot talin varða við: 2. mgr. 30. gr. laga nr. 45/1987, sbr. 2. gr. laga nr. 42/1995.

Úrskurðuð sekt: A var gert að greiða 5.300.000 kr. til ríkissjóðs.

Sektarmál skattrannsóknarstjóra ríkisins á hendur A, B og C.

Skattaðili: X ehf.

Úrskurður yfirskattanefndar nr. 111/2005 í máli nr. 169/2004, kveðinn upp 4. maí 2005:

Verknaðarlýsing: A, sem stjórnarmanni með prókúruumboð hjá X ehf., B, sem stjórnarmanni og daglegum stjórnanda með prókúruumboð hjá X ehf., og C sem daglegum stjórnanda með prókúruumboð hjá X ehf. var gefið að sök að hafa vanrækt að standa innheimtumanni ríkissjóðs að fullu skil á afdreginni staðgreiðslu opinberra gjalda launamanna X ehf. vegna greiðslutímabilanna janúar, febrúar, mars og apríl tekjuárið 2002. Vangoldin afdregin skilaskyld staðgreiðsla opinberra gjalda launamanna X ehf. vegna framangreindra greiðslutímabila nam samtals kr. 1.345.349, auk álags, dráttarvaxta og kostnaðar.

A, B og C var gefið að sök að hafa ekki staðið innheimtumanni ríkissjóðs að fullu skil á virðisaukaskatti sem innheimtur var í rekstri X ehf. vegna uppgjörstímabilanna janúar-febrúar, mars-apríl og maí-júní tekjuárið 2002. Vangoldinn innheimtur virðisaukaskattur til innheimtumanns ríkissjóðs vegna framangreindra uppgjörstímabila nam samtals kr. 1.348.846.

Niðurstaða: Sannað þótti að A, B og C hefðu gerst sek um þá háttsemi sem þeim var gefin að sök.

Brot talin varða við: 2. mgr. 30. gr. laga nr. 45/1987, sbr. 2. gr. laga nr. 42/1995, og 1. mgr. 40 gr. laga nr. 50/1988, sbr. 3. gr. laga nr. 42/1995.

Úrskurðuð sekt: A var gert að greiða 1.300.000 kr. til ríkissjóðs. B var gert að greiða 1.300.000 kr. til ríkissjóðs. C var gert að greiða 1.300.000 kr. til ríkissjóðs.

Sektarmál skattrannsóknarstjóra ríkisins á hendur A.

Skattaðili: X ehf.

Úrskurður yfirskattanefndar nr. 112/2005 í máli nr. 244/2004, kveðinn upp 4. maí 2005:

Verknaðarlýsing: A, sem fyrrum daglegum stjórnanda X ehf., var gefið að sök að hafa vanrækt að standa innheimtumanni ríkissjóðs skil á afdreginni staðgreiðslu opinberra gjalda launamanna X ehf. vegna greiðslutímabilanna júní, júlí, október, nóvember og desember tekjuárið 1998, janúar, febrúar, mars, apríl, maí, júní, júlí, ágúst og desember tekjuárið 1999, júlí, ágúst, september, nóvember og desember tekjuárið 2000, og janúar, febrúar, mars, apríl, maí, júní, júlí og ágúst tekjuárið 2001. Þá var A gefið að sök að hafa vanrækt að standa innheimtumanni ríkissjóðs skil á skilagreinum staðgreiðslu opinberra gjalda vegna launagreiðslna félagsins fyrir greiðslutímabilin júní, júlí, október, nóvember og desember tekjuárið 1998, og janúar, febrúar, mars, apríl, maí, júní, júlí ágúst og desember tekjuárið 1999. Vangoldin afdregin skilaskyld staðgreiðsla opinberra gjalda launamanna X ehf. vegna framangreindra greiðslutímabila nam samtals kr. 1.579.212, auk álags, dráttarvaxta og kostnaðar.

Niðurstaða: Sannað þótti að A hefði gerst sekur um þá háttsemi sem honum var gefin að sök.

Brot talin varða við: 2. mgr. 30. gr. laga nr. 45/1987, sbr. 2. gr. laga nr. 42/1995.

Úrskurðuð sekt: A var gert að greiða 750.000 kr. til ríkissjóðs.

Sektarmál skattrannsóknarstjóra ríkisins á hendur A .

Skattaðili: A.

Úrskurður yfirskattanefndar nr. 113/2005 í máli nr. 18/2005, kveðinn upp 4. maí 2005:

Verknaðarlýsing: Krafa um að yfirskattanefnd taki mál til sektarmeðferðar vegna brots á lögum nr. 75/1981, um tekjuskatt og eignarskatt, sbr. nú lög 90/2003, um tekjuskatt og eignarskatt, og lögum nr. 50/1988, um virðisaukaskatt, framin vegna tekjuáranna 1998, 1999 og 2000. Með bréfi lýsti umboðsmaður gjaldanda því yfir að gjaldandi vildi ekki hlíta því að yfirskattanefnd afgreiði mál hans.

Niðurstaða: Mál sent skattrannsóknarstjóra ríkisins.

Sektarmál skattrannsóknarstjóra ríkisins á hendur A.

Skattaðili: A.

Úrskurður yfirskattanefndar nr. 114/2005 í máli nr. 44/2005, kveðinn upp 4. maí 2005:

Verknaðarlýsing: A var gefið að sök að hafa, að því er best verður séð af ásetningi, en í það minnsta af stórkostlegu hirðuleysi, staðið skil á efnislega röngum skattframtölum ásamt fylgigögnum þeirra vegna álagningar opinberra gjalda gjaldárin 1999, 2000, 2001, 2002 og 2003 vegna tekjuáranna 1998, 1999, 2000, 2001 og 2002, með því að vantelja rekstrartekjur um kr. 250.278 vegna tekjuársins 1998, um kr. 1.002.529 vegna tekjuársins 1999, um kr. 723.869 vegna tekjuársins 2000, um kr. 2.919.831 vegna tekjuársins 2001 og um kr. 3.204.785 vegna tekjuársins 2002, eða samtals kr. 8.101.292, sem eru til komnar vegna sjálfstæðrar starfsemi A. Þetta leiddi til ákvörðunar lægri tekjuskatts- og útsvarsstofna á A en vera bar nefnd ár, og þar með ákvörðunar lægri tekjuskatts og útsvars.

A var gefið að sök að hafa, að því er best verður séð af ásetningi, en í það minnsta af stórkostlegu hirðuleysi, vanrækt að standa skil á virðisaukaskattskýrslum vegna virðisaukaskattskyldrar starfsemi sinnar vegna uppgjörstímabila virðisaukaskatts tekjuárin 1998, 1999, 2000, 2001 og 2002 og vantelja með því skattskylda veltu og virðisaukaskatt (útskatt) vegna starfsemi sinnar. Nemur vantalin skattskyld velta kr. 8.221.306 og vantalin útskattur kr. 2.180.614.

A var gefið að sök að hafa, að því er frekast verður séð af ásetningi, en í það minnsta af stórkostlegu hirðuleysi, vanrækt að standa skil á skilagreinum staðgreiðslu opinberra gjalda og tryggingagjalds vegna reiknaðs endurgjalds, vegna sjálfstæðrar starfsemi hans á tekjuárunum 1998, 1999, 2000 og 2001. Með því kom A sér hjá því að greiða skilaskylda staðgreiðslu tekjuskatts, útsvars og tryggingagjald af reiknuðu endurgjaldi eins og honum bar. Þá var A gefið að sök að hafa, að því er frekast verður séð af ásetningi, en í það minnsta af stórkostlegu hirðuleysi, vanrækt að standa skil á skilagreinum staðgreiðslu opinberra gjalda og tryggingagjalds vegna reiknaðs endurgjalds, vegna sjálfstæðrar starfsemi hans á tekjuárinu 2002. Með því kom A sér hjá því að greiða skilaskylda staðgreiðslu tekjuskatts, útsvars og tryggingagjald af reiknuðu endurgjaldi eins og honum bar.

Niðurstaða: Ekki tókst að birta gjaldanda að mál þetta færi í sektarmeðferð hjá yfirskattanefnd. Þar sem að afstaða gjaldanda um meðferð málsins lá ekki fyrir, þóttu skilyrði ekki uppfyllt til þess að fjalla um málið fyrir yfirskattanefnd og var málinu því vísað frá.

Sektarmál skattrannsóknarstjóra ríkisins á hendur A og B.

Skattaðili: X ehf.

Úrskurður yfirskattanefndar nr. 138/2005 í máli nr. 315/2004, kveðinn upp 8. júní 2005:

Verknaðarlýsing: A og B, sem stjórnarmönnum hjá X ehf., var gefið að sök að hafa ekki staðið innheimtumanni ríkissjóðs að fullu skil á afdreginni staðgreiðslu opinberra gjalda launamanna X ehf. vegna greiðslutímabilanna maí og júní tekjuárið 2001. Vangoldin afdregin skilaskyld staðgreiðsla opinberra gjalda launamanna X ehf. vegna framangreindra greiðslutímabila nam samtals kr. 2.992.313, auk álags, dráttarvaxta og kostnaðar.

A og B var gefið að sök að hafa ekki staðið innheimtumanni ríkissjóðs skil á virðisaukaskatti sem innheimtur var í rekstri X ehf. vegna uppgjörstímabilsins mars-apríl tekjuárið 2001. Vangoldinn innheimtur virðisaukaskattur til innheimtumanns ríkissjóðs vegna framangreinds uppgjörstímabils nam samtals kr. 152.512.

Niðurstaða: Ekki þótti hafa verið sýnt fram á að grundvöllur væri fyrir sektarákvörðun vegna meintra brota á lögum um staðgreiðslu opinberra gjalda, nr. 45/1987. Þá var talið að þrátt fyrir að ljóst væri að huglægum refsiskilyrðum væri fullnægt að því er varðaði brot á lögum um virðisaukaskatt, nr. 50/1988, yrði ekki litið fram hjá viðleitni helstu hluthafa X ehf. til að standa skil á vangoldinni staðgreiðslu, virðisaukaskatti og öðrum gjöldum, áður en óskað var gjaldþrotaskipta á búi félagsins. Þá þótti fjárhæð virðisaukaskatts í málinu hafa þýðingu. Þótti ekki tilefni til sektarákvörðunar á hendur A og B í máli þessu og var sektarkörfu skattrannsóknarstjóra ríkisins hafnað.

Úrskurðuð sekt: A og B var ekki gerð sekt í málinu.

Sektarmál skattrannsóknarstjóra ríkisins á hendur A.

Skattaðili: X ehf.

Úrskurður yfirskattanefndar nr. 139/2005 í máli nr. 423/2004, kveðinn upp 8. júní 2005:

Verknaðarlýsing: A, sem stjórnarmanni og framkvæmdastjóra með prókúruumboð hjá X ehf., var gefið að sök að hafa vanrækt að standa innheimtumanni ríkissjóðs skil á afdreginni staðgreiðslu opinberra gjalda launamanna X ehf. vegna greiðslutímabilanna október og nóvember tekjuárið 2002. Þá var A gefið að sök að hafa vanrækt að standa innheimtumanni ríkissjóðs á lögmæltum tíma skil á skilagreinum staðgreiðslu opinberra gjalda vegna launagreiðslna fyrir fyrrgreind greiðslutímabil. Vangoldin afdregin skilaskyld staðgreiðsla opinberra gjalda launamanna X ehf. vegna framangreindra greiðslutímabila nam samtals kr. 1.243.880, auk álags, dráttarvaxta og kostnaðar.

Niðurstaða: Sannað þótti að A hefði gerst sekur um þá háttsemi sem honum var gefin að sök.

Brot talin varða við: 2. mgr. 30. gr. laga nr. 45/1987, sbr. 2. gr. laga nr. 42/1995.

Úrskurðuð sekt: A var gert að greiða 1.300.000 kr. til ríkissjóðs.

Sektarmál skattrannsóknarstjóra ríkisins á hendur A.

Skattaðili: X ehf.

Úrskurður yfirskattanefndar nr. 140/2005 í máli nr. 416/2004, kveðinn upp 8. júní 2005:

Verknaðarlýsing: A, sem stjórnarmanni og daglegum stjórnanda X ehf., var gefið að sök að hafa ekki staðið innheimtumanni ríkissjóðs að fullu skil á virðisaukaskatti sem innheimtur var í rekstri X ehf. vegna uppgjörstímabilanna mars-apríl, maí-júní og júlí-ágúst tekjuárið 2000 og janúar-febrúar, mars-apríl, maí-júní, júlí-ágúst og september-október tekjuárið 2001. Þá var A gefið að sök að hafa vanrækt að standa innheimtumanni ríkissjóðs skil á virðisaukaskattskýrslum vegna fyrrgreindra uppgjörstímabila á lögmæltum tíma. Vangoldinn innheimtur virðisaukaskattur til innheimtumanns ríkissjóðs vegna framangreindra uppgjörstímabila nam samtals kr. 2.097.258.

Niðurstaða: Sannað þótti að A hefði gerst sekur um þá háttsemi sem honum var gefin að sök.

Brot talin varða við: 1. mgr. 40 gr. laga nr. 50/1988, sbr. 3. gr. laga nr. 42/1995.

Úrskurðuð sekt: A var gert að greiða 3.550.000 kr. til ríkissjóðs.

Sektarmál skattrannsóknarstjóra ríkisins á hendur A.

Skattaðili: X ehf.

Úrskurður yfirskattanefndar nr. 141/2005 í máli nr. 415/2004, kveðinn upp 8. júní 2005:

Verknaðarlýsing: A, sem stjórnarmanni og daglegum stjórnanda X ehf., var gefið að sök að hafa vanrækt að standa innheimtumanni ríkissjóðs að fullu skil á afdreginni staðgreiðslu opinberra gjalda launamanna X ehf. vegna greiðslutímabilanna desember tekjuárið 2002 og janúar, febrúar, mars, apríl, maí og júní tekjuárið 2003. Þá var A gefið að sök að hafa vanrækt að standa innheimtumanni ríkissjóðs á lögmæltum tíma skil á skilagreinum staðgreiðslu opinberra gjalda vegna greiðslutímabilanna desember 2002 og febrúar, mars, apríl, maí og júní tekjuárið 2003 vegna launagreiðslna X ehf. Vangoldin afdregin skilaskyld staðgreiðsla opinberra gjalda launamanna X ehf. vegna framangreindra greiðslutímabila nam samtals kr. 1.610.214, auk álags, dráttarvaxta og kostnaðar.

A var gefið að sök að hafa ekki staðið innheimtumanni ríkissjóðs að fullu skil á virðisaukaskatti sem innheimtur var í rekstri X ehf. vegna uppgjörstímabilanna nóvember-desember tekjuárið 2002 og janúar-febrúar, mars-apríl og maí-júní tekjuárið 2003. Þá var A gefið að sök að hafa vanrækt að standa innheimtumanni ríkissjóðs á lögmæltum tíma skil á virðisaukaskattskýrslum X ehf. vegna uppgjörstímabilanna nóvember-desember tekjuárið 2002 og janúar-febrúar og maí-júní tekjuárið 2003. Vangoldinn innheimtur virðisaukaskattur til innheimtumanns ríkissjóðs vegna framangreindra uppgjörstímabila nam samtals kr. 2.297.843.

Niðurstaða: Sannað þótti að A hefði gerst sekur um þá háttsemi sem honum var gefin að sök.

Brot talin varða við: 2. mgr. 30. gr. laga nr. 45/1987, sbr. 2. gr. laga nr. 42/1995, og 1. mgr. 40 gr. laga nr. 50/1988, sbr. 3. gr. laga nr. 42/1995.

Úrskurðuð sekt: A var gert að greiða 6.700.000 kr. til ríkissjóðs.

Sektarmál skattrannsóknarstjóra ríkisins á hendur A.

Skattaðili: X ehf.

Úrskurður yfirskattanefndar nr. 142/2005 í máli nr. 414/2004, kveðinn upp 8. júní 2005:

Verknaðarlýsing: A, sem stjórnarmanni og daglegum stjórnanda X ehf., var gefið að sök að hafa vanrækt að standa innheimtumanni ríkissjóðs skil á afdreginni staðgreiðslu opinberra gjalda launamanna X ehf. vegna greiðslutímabilanna nóvember og desember tekjuárið 2002 og janúar, febrúar og mars tekjuárið 2003. Þá var A gefið að sök að hafa vanrækt að standa innheimtumanni ríkissjóðs á lögmæltum tíma skil á skilagreinum staðgreiðslu opinberra gjalda vegna launagreiðslna fyrir fyrrgreind greiðslutímabil. Vangoldin afdregin skilaskyld staðgreiðsla opinberra gjalda launamanna X ehf. vegna framangreindra greiðslutímabila nam samtals kr. 1.974.230, auk álags, dráttarvaxta og kostnaðar.

A var gefið að sök að hafa ekki staðið innheimtumanni ríkissjóðs að fullu skil á virðisaukaskatti sem innheimtur var í rekstri X ehf. vegna uppgjörstímabilanna september-október og nóvember-desember tekjuárið 2003. Þá var A gefið að sök að hafa vanrækt að standa innheimtumanni ríkissjóðs á lögmæltum tíma skil á virðisaukaskattskýrslum X ehf. vegna fyrrgreindra uppgjörstímabila. Vangoldinn innheimtur virðisaukaskattur til innheimtumanns ríkissjóðs vegna framangreindra uppgjörstímabila nam samtals kr. 1.603.078.

Niðurstaða: Sannað þótti að A hefði gerst sekur um þá háttsemi sem honum var gefin að sök.

Brot talin varða við: 2. mgr. 30. gr. laga nr. 45/1987, sbr. 2. gr. laga nr. 42/1995, og 1. mgr. 40 gr. laga nr. 50/1988, sbr. 3. gr. laga nr. 42/1995.

Úrskurðuð sekt: A var gert að greiða 6.800.000 kr. til ríkissjóðs.

Sektarmál skattrannsóknarstjóra ríkisins á hendur A og B.

Skattaðili: A og B.

Úrskurður yfirskattanefndar nr. 143/2005 í máli nr. 93/2004, kveðinn upp 8. júní 2005:

Verknaðarlýsing: A var gefið að sök að hafa, að því er best verður séð af ásetningi, en í það minnsta af stórkostlegu hirðuleysi, staðið skil á röngum skattframtölum vegna álagningar opinberra gjalda gjaldárin 1998, 1999 og 2000, vegna tekjuáranna 1997, 1998 og 1999, með því að vantelja rekstrartekjur sínar í framtölunum um kr. 1.297.480 vegna tekjuársins 1997, kr. 1.779.118 vegna tekjuársins 1998 og kr. 1.886.373 vegna tekjuársins 1999, eða samtals um kr. 4.962.971, sem til voru komnar vegna sjálfstæðrar starfsemi hans. Þetta gerði A með því annars vegar að vanrækja að færa viðskipti á sölureikninga o.þ.m. í bókhald sitt og í skattframtöl; hins vegar með því að vanrækja að gera grein fyrir sölu samkvæmt öllum sölureikningum útgefnum á árinu 1999 í bókhaldi og skattframtali sínu vegna þess árs.

B var gefið að sök að hafa, að því er best verður séð af ásetningi, en í það minnsta af stórkostlegu hirðuleysi, staðið að gerð hinna röngu skattframtala ásamt A; að því er varðar skattframtal gjaldársins 1998 eigin hendi, en að því er varðar skattframtöl gjaldáranna 1999 og 2000 með því að láta þeim aðila sem annaðist gerð skattframtalanna í hendur ófullnægjandi gögn varðandi sjálfstæða starfsemi A. Með þessum hætti aðstoðaði hún A við ranga skýrslugjöf til skattyfirvalda.

A var gefið að sök að hafa, að því er best verður séð af ásetningi, en í það minnsta af stórkostlegu hirðuleysi, staðið skil á efnislega röngum virðisaukaskattsskýrslum vegna virðisaukaskattsskyldrar starfsemi sinnar vegna allra uppgjörstímabila virðisaukaskatts tekjuárin 1997, 1998 og 1999, með því að oftelja, en þó oftast vantelja skattskylda veltu og virðisaukaskatt (útskatt) á virðisaukaskattsskýrslum. Nam vantalin skattskyld velta samtals kr. 4.962.971 og vantalinn útskattur samtals kr. 1.215.905.

B var gefið að sök að hafa, að því er best verður séð af ásetningi, en í það minnsta af stórkostlegu hirðuleysi, staðið að gerð hinna röngu virðisaukaskattsskýrslna ásamt A; ýmist eigin hendi, eða með því að láta öðrum aðila, sem annaðist gerð virðisaukaskattsskýrslnanna ásamt henni, í hendur ófullnægjandi gögn varðandi sjálfstæða starfsemi A. Undirritaði B allar virðisaukaskattskýrslurnar og stóð skil á þeim til skattyfirvalda, meðvituð um að þær væru rangar. Með þessum hætti aðstoðaði hún A við ranga skýrslugjöf til skattyfirvalda.

Niðurstaða: Sannað þótti að A hefði gerst sekur um þá háttsemi sem honum var gefin að sök. Sannað þótti að B hefði gerst sek um að hafa veitt A atbeina við framkvæmd skattalagabrota, með því að annast gerð rekstraryfirlits vegna sjálfstæðrar starfsemi A fyrir rekstrarárið 1997, og annast gerð virðisaukaskattsskýrslna öll uppgjörstímabil áranna 1997, 1998 og 1999 fyrir hönd A, þrátt fyrir vitneskju um að ekki væri gerð grein fyrir öllum rekstrartekjum og skattskyldri veltu A í skýrslum þessum.

Brot talin varða við: A: 1. og 3. mgr. 109. gr. laga nr. 90/2003 um tekjuskatt og eignarskatt, sbr. 2. mgr. 22. gr. laga nr. 4/1995 um tekjustofna sveitarfélaga og 1. mgr. 40. gr. laga nr. 50/1988, sbr. 3. gr. laga nr. 42/1995. B: 1. mgr., sbr. 7. mgr. 109. gr. laga nr. 90/2003 og 1. mgr., sbr. 7. mgr. 40. gr. laga nr. 50/1988.

Úrskurðuð sekt: A var gert að greiða 2.800.000 kr. til ríkissjóðs og 200.000 kr. til sveitarsjóðs. B var gert að greiða 650.000 kr. til ríkissjóðs og 50.000 kr. til sveitarsjóðs.

Sektarmál skattrannsóknarstjóra ríkisins á hendur A, B og C.

Skattaðili: A, B og C.

Úrskurður yfirskattanefndar nr. 191/2005 í máli nr. 245/2005, kveðinn upp 13. júlí 2005:

Verknaðarlýsing: Krafa um að yfirskattanefnd taki mál til sektarmeðferðar vegna brots á lögum nr. 45/1987, um staðgreiðslu opinberra gjalda, með áorðnum breytingum, framin vegna tekjuársins 2003. Með bréfi lýsti umboðsmaður gjaldanda því yfir að gjaldandendur vildu ekki hlíta því að yfirskattanefnd afgreiddi mál þeirra.

Niðurstaða: Mál sent skattrannsóknarstjóra ríkisins.

Sektarmál skattrannsóknarstjóra ríkisins á hendur A .

Skattaðili: A.

Úrskurður yfirskattanefndar nr. 192/2005 í máli nr. 90/2004, kveðinn upp 13. júlí 2005:

Verknaðarlýsing: A var gefið að sök að hafa, að því er best verður séð af ásetningi, en í það minnsta af stórkostlegu hirðuleysi, staðið skil á efnislega röngum skattframtölum og fylgigögnum þeirra, þ.m.t. ársreikningum vegna álagningar opinberra gjalda gjaldárin 1998, 1999 og 2000 vegna rekstraráranna 1997, 1998 og 1999, með því að vantelja rekstartekjur vegna sjálfstæðrar starfsemi sinnar á gögnunum. A var með sjálfstæða starfsemi á umræddum árum og gaf út sölureikninga án þess að gera skattyfirvöldum grein fyrir þeim tekjum nema að takmörkuðu leyti. Vantaldar rekstrartekjur námu kr. 2.641.835 vegna rekstrarársins 1997, kr. 1.930.075 vegna rekstrarársins 1998 og kr. 5.668.370 vegna rekstrarársins 1999.

A var gefið að sök að hafa, að því er best verður séð af ásetningi, en í það minnsta af stórkostlegu hirðuleysi, staðið skil á efnislega röngum virðisaukaskattsskýrslum vegna allra uppgjörstímabila rekstraráranna 1997, 1998 og 1999, með því að vantelja/oftelja virðisaukaskattskylda veltu og útskatt á skýrslunum.

Niðurstaða: Sannað þótti að A hefði gerst sekur um þá háttsemi sem honum var gefin að sök. A krafðist þess að tekið yrði tillit til tapaðra viðskiptakrafna hans á hendur X hf. Óumdeilt var að A hefði ekki fengið þessa sölureikninga greidda, að öðru leyti en 200.000 króna innborgun. Bú X hf. hafði verið tekið til skipta og höfðu engar eignir fundist í búinu. Að þessu virtu þótti rétt að lækka fjárhæð vantalinna rekstrartekna og skattskyldrar veltur árið 1999, sem sektarkrafa tók til, um kr. 673,143, með tilliti til greindra viðskiptakrafna.

Brot talin varða við: 3. mgr. 109. gr. laga nr. 90/2003 og 1. mgr. 40 gr. laga nr. 50/1988, sbr. 3. gr. laga nr. 42/1995.

Úrskurðuð sekt: A var gert að greiða 5.000.000 kr. til ríkissjóðs og 100.000 kr. til bæjarsjóðs.

Sektarmál skattrannsóknarstjóra ríkisins á hendur A.

Skattaðili: X ehf.

Úrskurður yfirskattanefndar nr. 193/2005 í máli nr. 433/2004, kveðinn upp 13. júlí 2005:

Verknaðarlýsing: A, sem stjórnarmanni og daglegum stjórnanda með prókúruumboð hjá X ehf., var gefið að sök að hafa vanrækt að standa innheimtumanni ríkissjóðs skil á afdreginni staðgreiðslu opinberra gjalda launamanna X ehf. vegna greiðslutímabilanna nóvember og desember tekjuárið 2001 og janúar, febrúar, mars, apríl og maí tekjuárið 2002. Þá var A gefið að sök að hafa vanrækt að standa innheimtumanni ríkissjóðs á lögmæltum tíma skil á skilagreinum staðgreiðslu opinberra gjalda vegna fyrrgreindra greiðslutímabila. Vangoldin afdregin skilaskyld staðgreiðsla opinberra gjalda launamanna X ehf. vegna framangreindra greiðslutímabila nam samtals kr. 642.867, auk álags, dráttarvaxta og kostnaðar.

A var gefið að sök að hafa vanrækt að standa innheimtumanni ríkissjóðs að fullu skil á virðisaukaskatti sem innheimtur var í rekstri X ehf. vegna uppgjörstímabilanna september-október og nóvember-desember tekjuárið 2001, og janúar-febrúar og mars-apríl tekjuárið 2002. Þá var A gefið að sök að hafa vanrækt að standa innheimtumanni ríkissjóðs á lögmæltum tíma skil á virðisaukaskattskýrslum X ehf. vegna fyrrgreindra uppgjörstímabila. Vangoldinn innheimtur virðisaukaskattur til innheimtumanns ríkissjóðs vegna framangreindra uppgjörstímabila nam samtals kr. 634.592.

Niðurstaða: Sannað þótti að A hefði gerst sekur um þá háttsemi sem honum var gefin að sök.

Brot talin varða við: 2. mgr. 30. gr. laga nr. 45/1987, sbr. 2. gr. laga nr. 42/1995, og 1. mgr. 40 gr. laga nr. 50/1988, sbr. 3. gr. laga nr. 42/1995.

Úrskurðuð sekt: A var gert að greiða 1.750.000 kr. til ríkissjóðs.

Sektarmál skattrannsóknarstjóra ríkisins á hendur A.

Skattaðili: A og X ehf.

Úrskurður yfirskattanefndar nr. 194/2005 í máli nr. 397/2004, kveðinn upp 13. júlí 2005:

Verknaðarlýsing: A, vegna sjálfstæðs atvinnureksturs og sem stjórnarmanni og framkvæmdastjóra X ehf., var gefið að sök að hafa vanrækt að standa innheimtumanni ríkissjóðs skil á afdreginni staðgreiðslu opinberra gjalda þriggja launamanna X ehf. á tekjuárinu 2000. Þá var A gefið að sök að hafa vanrækt að standa innheimtumanni ríkissjóðs skil á skilagreinum staðgreiðslu opinberra gjalda vegna launagreiðslna félagsins til umræddra launamanna á tekjuárinu 2000. Vangoldin afdregin skilaskyld staðgreiðsla opinberra gjalda launamanna X ehf. vegna tekjuársins 2000 nam samtals kr. 895.940, auk álags, dráttarvaxta og kostnaðar.

A var jafnframt gefið að sök að hafa vanrækt að standa innheimtumanni ríkissjóðs skil á afdreginni staðgreiðslu opinberra gjalda launamanna sinna í eigin atvinnurekstri vegna greiðslutímabilanna janúar, febrúar, mars, apríl, maí, júní og júlí tekjuárið 1999, september, október, nóvember og desember tekjuárið 2000, janúar, febrúar, mars, apríl, maí, júní, júlí, ágúst, september, október, nóvember og desember tekjuárið 2001, og janúar, febrúar, mars, apríl, maí, júní og júlí tekjuárið 2002. Þá var A gefið að sök að hafa vanrækt að standa innheimtumanni ríkissjóðs skil á skilagreinum staðgreiðslu opinberra gjalda vegna umræddra greiðslutímabila. Vangoldin afdregin skilaskyld staðgreiðsla opinberra gjalda launamanna A vegna tekjuáranna 1999, 2000, 2001 og 2002 nam samtals kr. 1.745.615, auk álags, dráttarvaxta og kostnaðar.

A var gefið að sök að hafa ekki staðið innheimtumanni ríkissjóðs skil á virðisaukaskatti sem innheimtur var í rekstri X ehf. vegna uppgjörstímabilanna janúar-febrúar, mars-apríl, maí-júní og júlí-ágúst tekjuárið 2000. Þá var umræddum virðisaukaskattskýrslum ekki skilað á lögmæltum tíma til innheimtumanns ríkissjóðs. Vangoldinn innheimtur virðisaukaskattur til innheimtumanns ríkissjóðs vegna framangreindra uppgjörstímabila nam samtals kr. 848.266.

A var jafnframt gefið að sök að hafa ekki staðið innheimtumanni ríkissjóðs skil á virðisaukaskatti sem innheimtur var í sjálfstæðum rekstri hans vegna uppgjörstímabilanna janúar-febrúar og september-október tekjuárið 2001, og janúar-febrúar tekjuárið 2002. Þá var virðisaukaskattsskýrslum ekki skilað á lögmæltum tíma til innheimtumanns ríkissjóðs. Vangoldinn innheimtur virðisaukaskattur til innheimtumanns ríkissjóðs vegna framangreindra uppgjörstímabila nam samtals kr. 526.751.

Niðurstaða: Sannað þótti að A hefði gerst sekur um þá háttsemi sem honum var gefin að sök.

Brot talin varða við: 2. mgr. 30. gr. laga nr. 45/1987, sbr. 2. gr. laga nr. 42/1995, og 1. mgr. 40 gr. laga nr. 50/1988, sbr. 3. gr. laga nr. 42/1995.

Úrskurðuð sekt: A var gert að greiða 5.800.000 kr. til ríkissjóðs.

Sektarmál skattrannsóknarstjóra ríkisins á hendur A.

Skattaðili: A.

Úrskurður yfirskattanefndar nr. 195/2005 í máli nr. 399/2004, kveðinn upp 13. júlí 2005:

Verknaðarlýsing: A var gefið að sök að hafa ekki staðið innheimtumanni ríkissjóðs að fullu skil á virðisaukaskatti sem innheimtur var í rekstri hans vegna uppgjörstímabilanna september-október og nóvember-desember tekjuárið 1998, nóvember-desember tekjuárið 1999 og uppgjörstímabilanna september-október og nóvember-desember tekjuárið 2000. Vangoldinn innheimtur virðisaukaskattur til innheimtumanns ríkissjóðs vegna framangreindra uppgjörstímabila nam kr. 1.385.066.

Niðurstaða: Sannað þótti að A hefði gerst sekur um þá háttsemi sem honum var gefin að sök.

Brot talin varða við: 2. mgr. 30. gr. laga nr. 45/1987, sbr. 2. gr. laga nr. 42/1995, og 1. mgr. 40 gr. laga nr. 50/1988, sbr. 3. gr. laga nr. 42/1995.

Úrskurðuð sekt: A var gert að greiða 2.600.000 kr. til ríkissjóðs.

Sektarmál skattrannsóknarstjóra ríkisins á hendur A.

Skattaðili: A.

Úrskurður yfirskattanefndar nr. 243/2005 í máli nr. 297/2005, kveðinn upp 7. september 2005:

Verknaðarlýsing: A var gefið að sök að hafa vanrækt að standa innheimtumanni ríkissjóðs skil á virðisaukaskatti sem innheimtur var í sjálfstæðum rekstri hans vegna uppgjörstímabilanna júlí-ágúst, september-október og nóvember-desember tekjuárið 1999, janúar-febrúar, mars-apríl, maí-júní, júlí-ágúst, september-október og nóvember-desember tekjuárið 2000, janúar-febrúar, mars-apríl, maí-júní, júlí-ágúst, september-október og nóvember-desember tekjuárið 2001, janúar-febrúar, mars-apríl, maí-júní, júlí-ágúst, september-október og nóvember-desember tekjuárið 2002, janúar-febrúar, mars-apríl, maí-júní, júlí-ágúst, september-október og nóvember-desember tekjuárið 2003 og janúar-febrúar, mars-apríl og maí-júní tekjuárið 2004. Þá var A gefið að sök að hafa vanrækt að standa innheimtumanni ríkissjóðs skil á virðisaukaskattsskýrslum í sjálfstæðum rekstri sínum vegna fyrrgreindra uppgjörstímabila, utan uppgjörstímabilsins janúar-febrúar tekjuárið 2001, en þeirri virðisaukaskattsskýrslu var skilað innheimtumanni ríkissjóðs á lögmæltum tíma. Vangoldinn innheimtur virðisaukaskattur til innheimtumanns ríkissjóðs vegna framangreindra uppgjörstímabila nam samtals kr. 3.552.881.

Niðurstaða: Ekki tókst að birta kröfugerð vegna sektarmeðferðar hjá yfirskattanefnd fyrir gjaldanda. Þar sem afstaða gjaldanda um meðferð málsins lá ekki fyrir, þóttu skilyrði ekki uppfyllttil þess að fjalla um málið fyrir yfirskattanefnd og var málinu því vísað frá.

Sektarmál skattrannsóknarstjóra ríkisins á hendur A.

Skattaðili: X ehf.

Úrskurður yfirskattanefndar nr. 305/2005 í máli nr. 434/2004, kveðinn upp 26. október 2005:

Verknaðarlýsing: A, sem stjórnarmanni og daglegum stjórnanda með prókúruumboð í skattaðilanum X ehf., var gefið að sök að hafa vanrækt að standa innheimtumanni ríkissjóðs að fullu skil á afdreginni staðgreiðslu opinberra gjalda launamanna X ehf. vegna greiðslutímabilanna júní, júlí, ágúst, september og október tekjuárið 2001 og ágúst, september, október, nóvember og desember tekjuárið 2002. Þá var A gefið að sök að hafa vanrækt að standa innheimtumanni ríkissjóðs á lögmæltum tíma skil á skilagreinum staðgreiðslu opinberra gjalda vegna fyrrgreindra greiðslutímabila. Vangoldin afdregin skilaskyld staðgreiðsla opinberra gjalda launamanna X ehf. vegna framangreindra greiðslutímabila nam samtals kr. 1.893.905, auk álags, dráttarvaxta og kostnaðar.

A var gefið að sök að hafa ekki staðið innheimtumanni ríkissjóðs að fullu skil á virðisaukaskatti sem innheimtur var í rekstri X ehf. vegna uppgjörstímabilanna júlí-ágúst og september-október tekjuárið 2002. Þá var A gefið að sök að hafa vanrækt að standa innheimtumanni ríkissjóðs á lögmæltum tíma skil á virðisaukaskattsskýrslum X ehf. vegna sömu uppgjörstímabila. Vangoldinn innheimtur virðisaukaskattur til innheimtumanns ríkissjóðs vegna framangreindra uppgjörstímabila nam samtals kr. 1.204.692, auk álags, dráttarvaxta og kostnaðar.

Niðurstaða: Sannað þótti að A hefði gerst sekur þau vanskil á staðgreiðslu opinberra gjalda sem honum voru gefin að sök. Ekki var talið að nægur grundvöllur hefði verið lagður að sektarákvörðun á hendur A vegna þeirra vanskila á virðisaukaskatti sem honum voru gefin að sök.

Brot talin varða við: 2. mgr. 30. gr. laga nr. 45/1987, sbr. 2. gr. laga nr. 42/1995.

Úrskurðuð sekt: A var gert að greiða 900.000 kr. til ríkissjóðs.

Sektarmál skattrannsóknarstjóra ríkisins á hendur A.

Skattaðili: A.

Úrskurður yfirskattanefndar nr. 306/2005 í máli nr. 17/2005, kveðinn upp 26. október 2005:

Verknaðarlýsing: A var gefið að sök að hafa vanrækt að standa innheimtumanni ríkissjóðs að fullu skil á afdreginni staðgreiðslu opinberra gjalda launamanna í sjálfstæðum rekstri hans vegna greiðslutímabilanna janúar, júní, október, nóvember og desember tekjuárið 2001 og október og desember tekjuárið 2002. Þá var A gefið að sök að hafa vanrækt að standa innheimtumanni ríkissjóðs á lögmæltum tíma skil á skilagreinum staðgreiðslu opinberra gjalda vegna fyrrgreindra greiðslutímabila. Vangoldin afdregin skilaskyld staðgreiðsla opinberra gjalda launamanna A vegna framangreindra greiðslutímabila nam samtals kr. 568.701, auk álags, dráttarvaxta og kostnaðar.

A var gefið að sök að hafa ekki staðið innheimtumanni ríkissjóðs að fullu skil á virðisaukaskatti sem innheimtur var í sjálfstæðum rekstri hans vegna uppgjörstímabilanna september-október og nóvember-desember tekjuárið 2000, janúar-febrúar, mars-apríl, maí-júní, júlí-ágúst, september-október og nóvember-desember tekjuárið 2001, janúar-febrúar, mars-apríl, júlí-ágúst, september-október og nóvember-desember tekjuárið 2002, og janúar-febrúar og mars-apríl tekjuárið 2003. Þá var A gefið að sök að hafa vanrækt að standa innheimtumanni ríkissjóðs á lögmæltum tíma skil á virðisaukaskattsskýrslum í sjálfstæðum rekstri sínum vegna uppgjörstímabilanna nóvember-desember tekjuárið 2000, janúar-febrúar, mars-apríl, maí-júní, september-október og nóvember-desember tekjuárið 2001, janúar-febrúar, mars-apríl, september-október og nóvember-desember tekjuárið 2002 og mars-apríl tekjuárið 2003. Vangoldinn innheimtur virðisaukaskattur til vegna framangreindra uppgjörstímabila nam samtals kr. 5.369.304.

Niðurstaða: Sannað þótti að A hefði gerst sekur þau vanskil á staðgreiðslu opinberra gjalda sem honum voru gefin að sök. Þá þótti sannað að A hefði gerst sekur um þau vanskil virðisaukaskatti árin 2000, 2002 og 2003, sem honum voru gefin að sök. Ekki var talið að viðhlítandi rannsókn hefði farið fram af hálfu skattrannsóknarstjóra ríkisins vegna virðisaukaskattsskila A árið 2001, m.a. um huglæga afstöðu hans. Var því ekki talið að viðhlítandi grundvöllur að sektarákvörðun lægi fyrir vegna vanskila á virðisaukaskatti vegna umræddra uppgjörstímabila á tekjuárinu 2001.

Brot talin varða við: 2. mgr. 30. gr. laga nr. 45/1987, sbr. 2. gr. laga nr. 42/1995, og 1. mgr. 40 gr. laga nr. 50/1988, sbr. 3. gr. laga nr. 42/1995.

Úrskurðuð sekt: A var gert að greiða 2.000.000 kr. til ríkissjóðs.

Sektarmál skattrannsóknarstjóra ríkisins á hendur A.

Skattaðili: X ehf.

Úrskurður yfirskattanefndar nr. 307/2005 í máli nr. 59/2005, kveðinn upp 26. október 2005:

Verknaðarlýsing: A, sem stjórnarmanni með prókúruumboð X ehf., var gefið að sök að hafa vanrækt að standa innheimtumanni ríkissjóðs skil á afdreginni staðgreiðslu opinberra gjalda launamanna X ehf. vegna greiðslutímabilanna febrúar, mars, apríl, maí, júní, júlí, ágúst, september, október, nóvember og desember tekjuárið 1999, janúar, febrúar, mars og apríl tekjuárið 2000 og vegna mars og fleiri ótilgreindra tímabila á árinu 2002. Þá var A gefið að sök að hafa vanrækt að standa skil á skilagreinum vegna staðgreiðslu opinberra gjalda vegna tveggja launamanna X ehf. á árinu 2002 tilgreint sem tímabil 13 í uppflettikerfi Skýrr. Þá var A gefið að sök, að hafa vanrækt að standa innheimtumanni ríkissjóðs skil á skilagreinum vegna staðgreiðslu opinberra gjalda á lögmæltum tíma vegna greiðslutímabilanna febrúar, mars, apríl, maí, júní, júlí, ágúst, október og desember tekjuárið 1999 og apríl tekjuárið 2000. Vangoldin afdregin skilaskyld staðgreiðsla opinberra gjalda launamanna X ehf. vegna framangreindra greiðslutímabila nam samtals kr. 2.398.318.

A var gefið að sök að hafa vanrækt að standa innheimtumanni ríkissjóðs skil á virðisaukaskatti sem innheimtur var í rekstri X ehf. vegna uppgjörstímabilanna maí-júní, júlí-ágúst, september-október og nóvember-desember tekjuárið 1999, janúar-febrúar, mars-apríl og nóvember-desember tekjuárið 2000, nóvember til desember tekjuárið 2001 og janúar-febrúar og nóvember-desember tekjuárið 2002. Þá var A gefið að sök, að hafa vanrækt að standa innheimtumanni ríkissjóðs skil á virðisaukaskattsskýrslum á lögmæltum tíma vegna uppgjörstímabilanna maí-júní og júlí-ágúst tekjuárið 1999, mars-apríl tekjuárið 2000, nóvember-desember tekjuárið 2001 og janúar-febrúar og nóvember-desember tekjuárið 2002. Vangoldinn innheimtur virðisaukaskattur til innheimtumanns ríkissjóðs vegna framangreindra uppgjörstímabila nam samtals kr. 4.374.026.

Niðurstaða: Sannað þótti að A hefði gerst sekur um þá háttsemi sem honum var gefin að sök.

Brot talin varða við: 2. mgr. 30. gr. laga nr. 45/1987, sbr. 2. gr. laga nr. 42/1995, og 1. mgr. 40 gr. laga nr. 50/1988, sbr. 3. gr. laga nr. 42/1995.

Úrskurðuð sekt: A var gert að greiða 10.000.000 kr. til ríkissjóðs.

Sektarmál skattrannsóknarstjóra ríkisins á hendur A.

Skattaðili: X ehf.

Úrskurður yfirskattanefndar nr. 308/2005 í máli nr. 424/2004, kveðinn upp 26. október 2005:

Verknaðarlýsing: A, sem stjórnarmanni og daglegum stjórnanda skattaðilans X ehf., var gefið að sök að hafa vanrækt að standa innheimtumanni ríkissjóðs að fullu skil á afdreginni staðgreiðslu opinberra gjalda launamanna X ehf. vegna greiðslutímabilanna mars, apríl, maí, júní, júlí, ágúst, september, október, nóvember og desember tekjuárið 2000, og janúar, febrúar, mars, apríl, maí, júní og júlí tekjuárið 2001. Þá var A gefið að sök að hafa vanrækt að standa innheimtumanni ríkissjóðs á lögmæltum tíma skil á skilagreinum staðgreiðslu opinberra gjalda launamanna X ehf. vegna fyrrgreindra greiðslutímabila á tekjuárinu 2000, og að hafa eigi staðið innheimtumanni ríkissjóðs skil á skilagreinum staðgreiðslu opinberra gjalda launamanna X ehf. vegna fyrrgreindra uppgjörstímabila á tekjuárinu 2001. Vangoldin afdregin skilaskyld staðgreiðsla opinberra gjalda launamanna X ehf. vegna framangreindra greiðslutímabila nam samtals kr. 4.465.979, auk álags, dráttarvaxta og kostnaðar.

A var gefið að sök að hafa vanrækt að standa innheimtumanni ríkissjóðs skil á virðisaukaskatti sem innheimtur var í rekstri X ehf. vegna uppgjörstímabilanna mars-apríl, júlí-ágúst, september-október og nóvember-desember tekjuárið 2000 og maí-júní og júlí-ágúst tekjuárið 2001. Þá var A gefið að sök að hafa vanrækt að standa innheimtumanni ríkissjóðs á lögmæltum tíma skil á virðisaukaskattsskýrslum launamanna X ehf. vegna sömu uppgjörstímabila. Vangoldinn innheimtur virðisaukaskattur til innheimtumanns ríkissjóðs vegna framangreindra uppgjörstímabila nam samtals kr. 2.376.785.

Niðurstaða: Sannað þótti að A hefði gerst sekur þau vanskil á staðgreiðslu opinberra gjalda sem honum voru gefin að sök vegna ársins 2000. Ekki var talið að nægur grundvöllur hefði verið lagður að sektarákvörðun á hendur A vegna vangreiddrar staðgreiðslu tilgreind greiðslutímabil tekjuárið 2001. Þá var ekki talið að nægur grundvöllur hefði verið lagður að sektarákvörðun á hendur A vegna þeirra vanskila á virðisaukaskatti, sem honum voru gefin að sök.

Brot talin varða við: 2. mgr. 30. gr. laga nr. 45/1987, sbr. 2. gr. laga nr. 42/1995.

Úrskurðuð sekt: A var gert að greiða 5.500.000 kr. til ríkissjóðs.

Sektarmál skattrannsóknarstjóra ríkisins á hendur A .

Skattaðili: A.

Úrskurður yfirskattanefndar nr. 309/2005 í máli nr. 400/2004, kveðinn upp 26. október 2005:

Verknaðarlýsing: A var gefið að sök að hafa, að því er best verður séð af ásetningi, en í það minnsta af stórkostlegu hirðuleysi, staðið skil á röngum skattframtölum vegna álagningar opinberra gjalda gjaldárin 1999, 2000 og 2001, vegna tekjuáranna 1998, 1999 og 2000, með því að vantelja rekstrartekjur sínar í framtölunum um kr. 2.503.000 vegna tekjuársins 1998, kr. 1.101.500 vegna tekjuársins 1999 og kr. 2.326.250 vegna tekjuársins 2000, eða samtals um kr. 5.930.750, sem til voru komnar vegna sjálfstæðrar starfsemi hans. Þetta gerði A með því annars vegnar að vanrækja að færa viðskipti á sölureikninga o.þ.m. í bókhald sitt og í skattframtöl; hins vegar með því að vanrækja að gera grein fyrir sölu samkvæmt sölureikningum útgefnum á árinu 2000 í bókhaldi og skattframtali sínu vegna þess árs. Leiddi hin ranga tilgreining rekstrartekna til ákvörðunar lægri tekjuskatts- og útsvarsstofna A en vera bar öll þau gjaldár sem um ræðir, o.þ.m. ákvörðunar lægri tekjuskatts og útsvars hans.

Niðurstaða: Sannað þótti að A hefði gerst sekur um þá háttsemi sem honum var gefin að sök. Yfirskattanefnd taldi þó rétt, eins og málið lá fyrir, að taka tillit til viðbáru gjaldanda að því er varðaði tiltekin vanfærð útgjöld. Þar sem engin gögn lágu fyrir um fjárhæð vanfærðra útgjalda voru þau metin að álitum, kr. 1.500.000 gjalaárið 1999, 650.0000 gjaldárið 2000 og kr. 1.500.000 gjaldárið 2001.

Brot talin varða við: 1. mgr. 109. gr. laga nr. 90/2003, sbr. og 2. mgr. 22. gr. laga nr. 4/1995.

Úrskurðuð sekt: A var gert að greiða 700.000 kr. til ríkissjóðs og 300.000 kr. til sveitarsjóðs.

Sektarmál skattrannsóknarstjóra ríkisins á hendur A .

Skattaðili: A.

Úrskurður yfirskattanefndar nr. 310/2005 í máli nr. 355/2005, kveðinn upp 26. október 2005:

Verknaðarlýsing: A var gefið að sök að hafa, að því er best verður séð af ásetningi, en í það minnsta af stórkostlegu hirðuleysi, vanrækt að standa skil á skattframtali og fylgigögnum þess vegna álagningar opinberra gjalda gjaldárið 2002, vegna rekstrarársins 2001, og vanframtelja með því tekjur sínar sem til voru komnar vegna sjálfstæðrar starfsemi hans að fjárhæð kr. 2.851.137. Möguleg vanframtalin rekstrargjöld A vegna rekstrarársins 2001 námu kr. 65.680.

A var gefið að sök að hafa, að því er best verður séð af ásetningi, en í það minnsta af stórkostlegu hirðuleysi, staðið skil á röngum virðisaukaskattsskýrslum vegna virðisaukaskattskyldrar starfsemi sinnar vegna uppgjörstímabila virðisaukaskatts tekjuárið 2001 og vantelja með því skattskylda veltu og virðisaukaskatt (útskatt) vegna starfsemi sinnar. Samkvæmt niðurstöðu skattrannsóknarstjóra ríkisins nam vantalin skattskyld velta kr. 2.851.137 vegna uppgjörstímabila á rekstrarárinu 2001. Nam vantalinn útskattur kr. 698.528 rekstrarárið 2001. Mögulegur innskattur nam kr. 15.611.

Niðurstaða: Ekki tókst að birta gjaldanda að mál þetta færi í sektarmeðferð hjá yfirskattanefnd. Þar sem að afstaða gjaldanda um meðferð málsins lá ekki fyrir, þóttu skilyrði ekki uppfyllttil þess að fjalla um málið fyrir yfirskattanefnd og var málinu því vísað frá.

Sektarmál skattrannsóknarstjóra ríkisins á hendur A .

Skattaðili: A.

Úrskurður yfirskattanefndar nr. 311/2005 í máli nr. 357/2005, kveðinn upp 26. október 2005:

Verknaðarlýsing: A var gefið að sök að hafa, að því er best verður séð af ásetningi, en í það minnsta af stórkostlegu hirðuleysi, vanrækt að standa skil á skattframtölum og fylgigögnum þeirra vegna álagningar opinberra gjalda gjaldárin 2003 og 2004, vegna rekstraráranna 2002 og 2003, og með því vanrækt að gera grein fyrir tekjum samtals um kr. 9.702.217, sem eru til komnar vegna starfa A. Framangreind háttsemi leiddi til ákvörðunar lægri tekjuskatts og útsvars á rekstrarárunum 2002 og 2003.

A var gefið að sök að hafa, að því er best verður séð af ásetningi, en í það minnsta af stórkostlegu hirðuleysi, vanrækt að standa skil á virðisaukaskattsskýrslum vegna virðisaukaskattskyldrar starfsemi sinnar vegna uppgjörstímabilanna janúar-febrúar, mars-apríl, maí-júní, júlí-ágúst, september-október og nóvember-desember rekstrarárið 2002 og janúar-febrúar, mars-apríl, maí-júní, júlí-ágúst og september-október tekjuárið 2003 og vantelja með því skattskylda veltu og virðisaukaskatt (útskatt) vegna starfsemi sinnar. Samkvæmt niðurstöðu rannsóknar skattrannsóknarstjóra ríkisins nam vanframtalin skattskyld velta kr. 4.939.639 vegna uppgjörstímabila á rekstrarárinu 2002 og kr. 4.762.578 vegna uppgjörstímabila á rekstrarárinu 2003. Nam vanframtalinn útskattur kr. 1.210.215 rekstrarárið 2002 og kr. 1.166.833 rekstrarárið 2003.

Sektarmál skattrannsóknarstjóra ríkisins á hendur A .

Skattaðili: A.

Úrskurður yfirskattanefndar nr. 320/2005 í máli nr. 417/2004, kveðinn upp 26. október 2005:

Verknaðarlýsing: A var gefið að sök að hafa, að því er best verður séð af ásetningi, en í það minnsta af stórkostlegu hirðuleysi, vanrækt að standa skil á skattframtali vegna álagningar opinberra gjalda gjaldárið 2002, vegna tekjuársins 2001, og vantelja með því tekjur sínar sem til voru komnar vegna starfa A að fjárhæð kr. 5.460.000.

A var gefið að sök að hafa, að því er best verður séð af ásetningi, en í það minnsta af stórkostlegu hirðuleysi, vanrækt að standa skil á virðisaukaskattsskýrslum vegna virðisaukaskattskyldrar starfsemi sinnar vegna uppgjörstímabila virðisaukaskatts tekjuárið 2001 og vantelja með því skattskylda veltu og virðisaukaskatt (útskatt) vegna starfsemi sinnar. Nam vantalin skattskyld velta kr. 1.224.492 og vantalinn útskattur kr. 300.000.

A var gefið að sök að hafa, að því er best verður séð af ásetningi, en í það minnsta af stórkostlegu hirðuleysi, vanrækt að tilkynna um sjálfstæða starfsemi sína sem launagreiðandi og vanrækt að standa skil á greinargerð um reiknað endurgjald vegna staðgreiðslu opinberra gjalda og skilagreinum launagreiðslna og tryggingagjalds vegna reiknaðs endurgjalds, þrátt fyrir sjálfstæða starfsemi á tekjuárinu 2001. Með því móti kom A sér hjá því að greiða skilaskylda staðgreiðslu tekjuskatts, útsvars og tryggingagjald af reiknuðu endurgjaldi eins og henni bar.

Niðurstaða: Sannað þótti að A hefði gerst sek um þá háttsemi sem henni var gefin að sök.

Brot talin varða við: 6. mgr. 109. gr. laga nr. 90/2003, sbr. og 2. mgr. 22. gr. laga nr. 4/1995.

Úrskurðuð sekt: A var gert að greiða 100.000 kr. til ríkissjóðs og 40.000 kr. til borgarsjóðs.

Sektarmál skattrannsóknarstjóra ríkisins á hendur A og X ehf.

Skattaðili: X ehf.

Úrskurður yfirskattanefndar nr. 321/2005 í máli nr. 425/2004, kveðinn upp 26. október 2005:

Verknaðarlýsing: A, sem stjórnarmanni og framkvæmdarstjóra með prókúruumboð hjá X ehf., var gefið að sök að hafa vanrækt að standa innheimtumanni ríkissjóðs að fullu skil á afdreginni staðgreiðslu opinberra gjalda launamanna X ehf. vegna greiðslutímabilanna janúar, febrúar, mars, maí, október, nóvember og desember tekjuárið 2001 og janúar, febrúar, maí, júní, júlí, ágúst, september, október, nóvember og desember tekjuárið 2002. Þá var A gefið að sök að hafa vanrækt að standa innheimtumanni ríkissjóðs á lögmæltum tíma skil á skilagreinum staðgreiðslu opinberra gjalda vegna fyrrgreindra greiðslutímabila, utan greiðslutímabilanna maí og nóvember tekjuárið 2001. Vangoldin afdregin skilaskyld staðgreiðsla opinberra gjalda launamanna X ehf. vegna framangreindra greiðslutímabila nam samtals kr. 1.496.262, auk álags, dráttarvaxta og kostnaðar.

A var gefið að sök að hafa vanrækt að standa innheimtumanni ríkissjóðs að fullu skil á virðisaukaskatti sem innheimtur var í rekstri X ehf. vegna uppgjörstímabilanna nóvember-desember tekjuárið 2000, og mars-apríl, maí-júní og nóvember-desember tekjuárið 2002. Þá var A gefið að sök að hafa vanrækt að standa innheimtumanni ríkissjóðs á lögmæltum tíma skil á virðisaukaskattsskýrslum X ehf. vegna fyrrgreindra uppgjörstímabila. Vangoldinn innheimtur virðisaukaskattur til innheimtumanns ríkissjóðs vegna framangreindra uppgjörstímabila nam samtals kr. 1.682.958.

Niðurstaða: Sannað þótti að A hefði gerst sek um þá háttsemi sem henni var gefin að sök. Bú X ehf. hafði verið tekið til gjaldþrotaskipta þegar úrskurður nefndarinnar var kveðinn upp og var félaginu því ekki gerð sekt.

Brot talin varða við: 2. mgr. 30. gr. laga nr. 45/1987, sbr. 2. gr. laga nr. 42/1995, og 1. mgr. 40 gr. laga nr. 50/1988, sbr. 3. gr. laga nr. 42/1995.

Úrskurðuð sekt: A var gert að greiða 1.600.000 kr. til ríkissjóðs. X ehf. var ekki gerð sekt í máli þessu.

Sektarmál skattrannsóknarstjóra ríkisins á hendur A.

Skattaðili: X ehf.

Úrskurður yfirskattanefndar nr. 322/2005 í máli nr. 449/2004, kveðinn upp 26. október 2005:

Verknaðarlýsing: A, sem stjórnarmanni og daglegum stjórnanda með prókúruumboð X ehf., var gefið að sök að hafa vanrækt að standa innheimtumanni ríkissjóðs skil á afdreginni staðgreiðslu opinberra gjalda launamanna X ehf. vegna greiðslutímabilanna mars, apríl, maí, júní, júlí, ágúst, september, október, nóvember og desember tekjuárið 2002 og janúar, febrúar og mars tekjuárið 2003. Þá var A gefið að sök að hafa vanrækt að standa innheimtumanni ríkissjóðs á lögmæltum tíma skil á skilagreinum staðgreiðslu opinberra gjalda vegna greiðslutímabilanna mars, apríl, maí, júní, júlí, ágúst, september, október, nóvember og desember tekjuárið 2002, og janúar og febrúar tekjuárið 2003 vegna launagreiðslna X ehf. Vangoldin afdregin skilaskyld staðgreiðsla opinberra gjalda launamanna X ehf. vegna framangreindra greiðslutímabila nam samtals kr. 1.177.359, auk álags, dráttarvaxta og kostnaðar.

Niðurstaða: Sannað þótti að A hefði gerst sekur um þá háttsemi sem honum var gefin að sök.

Brot talin varða við: 2. mgr. 30. gr. laga nr. 45/1987, sbr. 2. gr. laga nr. 42/1995, og 1. mgr. 40 gr. laga nr. 50/1988, sbr. 3. gr. laga nr. 42/1995.

Úrskurðuð sekt: A var gert að greiða 8.400.000 kr. til ríkissjóðs.

Sektarmál skattrannsóknarstjóra ríkisins á hendur A.

Skattaðili: X ehf.

Úrskurður yfirskattanefndar nr. 323/2005 í máli nr. 398/2004, kveðinn upp 26. október 2005:

Verknaðarlýsing: A, sem framkvæmdastjóra með prókúruumboð hjá X ehf., var gefið að sök að hafa vanrækt að standa innheimtumanni ríkissjóðs skil á afdreginni staðgreiðslu opinberra gjalda launamanna X ehf. vegna greiðslutímabilanna janúar, febrúar, mars, apríl, maí, júní, júlí, ágúst, september, október, nóvember og desember tekjuárið 2001 og desember tekjuárið 2002. Þá var A gefið að sök að hafa vanrækt að standa innheimtumanni ríkissjóðs á lögmæltum tíma skil á skilagreinum staðgreiðslu opinberra gjalda vegna launagreiðslna fyrir fyrrgreind greiðslutímabil. Vangoldin afdregin skilaskyld staðgreiðsla opinberra gjalda launamanna X ehf. vegna framangreindra greiðslutímabila nam samtals kr. 796.603, auk álags, dráttarvaxta og kostnaðar.

Niðurstaða: Sannað þótti að A hefði gerst sekur um þá háttsemi sem honum var gefin að sök.

Brot talin varða við: 2. mgr. 30. gr. laga nr. 45/1987, sbr. 2. gr. laga nr. 42/1995.

Úrskurðuð sekt: A var gert að greiða 1.500.000 kr. til ríkissjóðs.

Sektarmál skattrannsóknarstjóra ríkisins á hendur A og B.

Skattaðili: X ehf. og Y ehf.

Úrskurður yfirskattanefndar nr. 361/2005 í máli nr. 259/2005, kveðinn upp 30. nóvember 2005:

Verknaðarlýsing: A, sem stjórnarmanni félaganna X ehf. og Y ehf., var gefið að sök að hafa vanrækt að standa innheimtumanni ríkissjóðs skil á afdreginni staðgreiðslu opinberra gjalda launamanna X ehf. vegna greiðslutímabilsins janúar tekjuárið 2001. Þá var A gefið að sök að hafa vanrækt að standa skil á skilagrein staðgreiðslu opinberra gjalda vegna launagreiðslna X ehf. vegna fyrrgreinds greiðslutímabils. B, sem stjórnarmanni og framkvæmdastjóra X ehf. og framkvæmdastjóra Y ehf., var gefið að sök að hafa vanrækt að standa innheimtumanni ríkissjóðs skil á afdreginni staðgreiðslu opinberra gjalda launamanna X ehf. vegna greiðslutímabilanna janúar, febrúar, mars, apríl, maí, júní, júlí, ágúst og september tekjuárið 2001. Þá var A gefið að sök að hafa vanrækt að standa skil á skilagreinum staðgreiðslu opinberra gjalda vegna launagreiðslna X ehf. vegna framangreindra greiðslutímabila. Vangoldin afdregin skilaskyld staðgreiðsla opinberra gjalda launamanna X ehf. vegna framangreindra greiðslutímabila nam samtals kr. 1.366.614, auk álags, dráttarvaxta og kostnaðar.

Þá var A og B gefið að sök að hafa vanrækt að standa innheimtumanni ríkissjóðs að fullu skil á afdreginni staðgreiðslu opinberra gjalda launamanna Y ehf. vegna greiðslutímabilanna janúar, febrúar, mars, apríl, maí, júní, júlí, ágúst, september, október, nóvember og desember tekjuárið 2000, og janúar tekjuárið 2001. Jafnframt var A og B gefið að sök að hafa vanrækt að skil á skilagreinum staðgreiðslu opinberra gjalda vegna launagreiðslna Y ehf. fyrir framangreind greiðslutímabil. Vangoldin afdregin skilaskyld staðgreiðsla opinberra gjalda launamanna Y ehf. vegna framangreindra greiðslutímabila nam samtals kr. 1.830.972, auk álags, dráttarvaxta og kostnaðar. Vangoldin afdregin staðgreiðsla opinberra gjalda launamanna X ehf. og Y ehf. tekjuárin 2000 og 2001 nam því samtals kr. 3.197.586.

A og B var gefið að sök að hafa vanrækt að standa innheimtumanni ríkissjóðs skil á virðisaukaskatti sem innheimtur var í rekstri Y ehf. vegna uppgjörstímabilanna nóvember-desember tekjuárið 2000, og janúar-febrúar tekjuárið 2001. Þá var A og B gefið að sök að hafa vanrækt að standa innheimtumanni ríkissjóðs á lögmæltum tíma skil á virðisaukaskattsskýrslum Y ehf. vegna fyrrgreindra uppgjörstímabila. Vangoldinn innheimtur virðisaukaskattur til innheimtumanns ríkissjóðs vegna framangreindra uppgjörstímabila nam samtals kr. 646.186.

Niðurstaða: Ekki tókst að birta A að mál þetta færi í sektarmeðferð hjá yfirskattanefnd. Þar sem að afstaða gjaldanda um meðferð málsins lá ekki fyrir, þóttu skilyrði ekki uppfyllt til þess að fjalla um málið fyrir yfirskattanefnd og var málinu því vísað frá.

Sektarmál skattrannsóknarstjóra ríkisins á hendur A.

Skattaðili: X ehf.

Úrskurður yfirskattanefndar nr. 362/2005 í máli nr. 77/2005, kveðinn upp 30. nóvember 2005:

Verknaðarlýsing: A, sem framkvæmdastjóra með prókúruumboð og stjórnarformanni X ehf., var gefið að sök að hafa vanrækt að standa innheimtumanni ríkissjóðs skil á afdreginni staðgreiðslu opinberra gjalda launamanna X ehf. vegna greiðslutímabilanna janúar, febrúar, mars, apríl, maí, júní, júlí, ágúst, september, október, nóvember og desember tekjuárið 2001 og febrúar tekjuárið 2002. Þá var A gefið að sök að hafa vanrækt að standa skil á skilagreinum vegna staðgreiðslu opinberra gjalda vegna framangreindra greiðslutímabila á lögmæltum tíma, að undanskildu greiðslutímabilinu janúar tekjuárið 2001. Vangoldin afdregin skilaskyld staðgreiðsla opinberra gjalda launamanna X ehf. vegna framangreindra greiðslutímabila nam samtals kr. 1.299.097.

A var gefið að sök að hafa vanrækt að standa innheimtumanni ríkissjóðs skil á virðisaukaskatti sem innheimtur var í rekstri X ehf. vegna uppgjörstímabilanna janúar-febrúar, mars-apríl, maí-júní og september-október tekjuárið 2001 og janúar-febrúar tekjuárið 2002. Þá var A gefið að sök, að hafa vanrækt að standa innheimtumanni ríkissjóðs skil á virðisaukaskattsskýrslum vegna framangreindra uppgjörstímabila, á lögmæltum tíma, að undanskildu uppgjörstímabilinu janúar-febrúar tekjuárið 2002. Vangoldinn innheimtur virðisaukaskattur til innheimtumanns ríkissjóðs vegna framangreindra uppgjörstímabila nam samtals kr. 1.289.179.

Niðurstaða: Sannað þótti að A hefði gerst sekur um þá háttsemi sem honum var gefin að sök.

Brot talin varða við: 2. mgr. 30. gr. laga nr. 45/1987, sbr. 2. gr. laga nr. 42/1995, og 1. mgr. 40 gr. laga nr. 50/1988, sbr. 3. gr. laga nr. 42/1995.

Úrskurðuð sekt: A var gert að greiða 4.300.000 kr. til ríkissjóðs.

Sektarmál skattrannsóknarstjóra ríkisins á hendur A.

Skattaðili: X ehf. og Y ehf.

Úrskurður yfirskattanefndar nr. 363/2005 í máli nr. 448/2004, kveðinn upp 30. nóvember 2005:

Verknaðarlýsing: A, sem daglegum stjórnanda X ehf. og Y ehf., var gefið að sök að hafa vanrækt að standa innheimtumanni ríkissjóðs skil á afdreginni staðgreiðslu opinberra gjalda launamanna X ehf. vegna greiðslutímabilanna október, nóvember og desember tekjuárið 2000 og janúar, febrúar, mars, apríl, maí og júní tekjuárið 2001. Þá var A gefið að sök að hafa vanrækt að standa skil á skilagreinum staðgreiðslu opinberra gjalda vegna launagreiðslna X ehf. fyrir greiðslutímabilin maí og júní tekjuárið 2001. A var jafnframt gefið að sök að hafa vanrækt að standa innheimtumanni ríkissjóðs á lögmæltum tíma skil á skilagreinum staðgreiðslu opinberra gjalda vegna launagreiðslna X ehf. fyrir greiðslutímabilin október, nóvember og desember tekjuárið 2000, og janúar, febrúar og mars tekjuárið 2001. Vangoldin afdregin skilaskyld staðgreiðsla opinberra gjalda launamanna X ehf. vegna framangreindra greiðslutímabila nam samtals kr. 1.980.815, auk álags, dráttarvaxta og kostnaðar.

Þá var A gefið að sök að hafa vanrækt að standa innheimtumanni ríkissjóðs skil á afdreginni staðgreiðslu opinberra gjalda launamanna Y ehf. vegna greiðslutímabilanna janúar, febrúar, mars, apríl, maí og júní tekjuárið 2001. Jafnframt var A gefið að sök að hafa vanrækt að standa skil á skilagreinum staðgreiðslu opinberra gjalda vegna launagreiðslna Y ehf. fyrir greiðslutímabilin maí og júní tekjuárið 2001, og að hafa vanrækt að standa innheimtumanni ríkissjóðs á lögmæltum tíma skil á skilagreinum staðgreiðslu opinberra gjalda vegna launagreiðslna Y ehf. fyrir greiðslutímabilin janúar, febrúar og mars tekjuárið 2001. Vangoldin afdregin skilaskyld staðgreiðsla opinberra gjalda launamanna Y ehf. vegna framangreindra greiðslutímabila nam samtals kr. 994.616, auk álags, dráttarvaxta og kostnaðar. Vangoldin afdregin staðgreiðsla opinberra gjalda launamanna X ehf. og Y ehf. tekjuárin 2000 og 2001 nam því samtals kr. 2.975.431.

A var gefið að sök að hafa vanrækt að standa innheimtumanni ríkissjóðs að fullu skil á virðisaukaskatti sem innheimtur var í rekstri X ehf. vegna uppgjörstímabilanna september-október og nóvember-desember tekjuárið 1999 og nóvember-desember tekjuárið 2000. Þá var A gefið að sök að hafa vanrækt að standa innheimtumanni ríkissjóðs á lögmæltum tíma skil á virðisaukaskattsskýrslum X ehf. vegna fyrrgreindra uppgjörstímabila. Vangoldinn innheimtur virðisaukaskattur til innheimtumanns ríkissjóðs vegna framangreindra uppgjörstímabila nam samtals kr. 1.076.419.

Niðurstaða: Ekki var talið nægilega öruggt, þrátt fyrir að engar athugasemdir hefðu verið gerðar af hálfu gjaldanda, að afdregin staðgreiðsla X ehf. og Y ehf. í maí og júní 2001, næmi þeim fjárhæðum sem byggt var á í kröfugerð skattrannsóknarstjóra ríkisins og var A ekki talinn hafa gerst sekur um vanskil á afdreginni staðgreiðslu þau tímabil. Að öðru leyti þótti sannað að A hefði gerst sekur um þá háttsemi sem honum var gefin að sök.

Brot talin varða við: 2. mgr. 30. gr. laga nr. 45/1987, sbr. 2. gr. laga nr. 42/1995, og 1. mgr. 40 gr. laga nr. 50/1988, sbr. 3. gr. laga nr. 42/1995.

Úrskurðuð sekt: A var gert að greiða 6.800.000 kr. til ríkissjóðs.

Sektarmál skattrannsóknarstjóra ríkisins á hendur A.

Skattaðili: X ehf.

Úrskurður yfirskattanefndar nr. 364/2005 í máli nr. 20/2005, kveðinn upp 30. nóvember 2005:

Verknaðarlýsing: A, sem stjórnarmanni og framkvæmdastjóra X ehf., var gefið að sök að hafa vanrækt að standa innheimtumanni ríkissjóðs að fullu skil á afdreginni staðgreiðslu opinberra gjalda launamanna X ehf. vegna greiðslutímabilanna september, október, nóvember og desember tekjuárið 2001 og janúar, febrúar, mars, apríl og maí tekjuárið 2002. Þá var A gefið að sök að hafa vanrækt að standa innheimtumanni ríkissjóðs á lögmæltum tíma skil á skilagreinum staðgreiðslu opinberra gjalda vegna fyrrgreindra greiðslutímabila. Vangoldin afdregin skilaskyld staðgreiðsla opinberra gjalda launamanna X ehf. vegna framangreindra greiðslutímabila nam samtals kr. 348.246, auk álags, dráttarvaxta og kostnaðar.

Niðurstaða: Sannað þótti að A hefði gerst sekur um þá háttsemi sem honum var gefin að sök.

Brot talin varða við: 2. mgr. 30. gr. laga nr. 45/1987, sbr. 2. gr. laga nr. 42/1995, og 1. mgr. 40 gr. laga nr. 50/1988, sbr. 3. gr. laga nr. 42/1995.

Úrskurðuð sekt: A var gert að greiða 7.400.000 kr. til ríkissjóðs.

Sektarmál skattrannsóknarstjóra ríkisins á hendur A.

Skattaðili: X ehf.

Úrskurður yfirskattanefndar nr. 365/2005 í máli nr. 42/2005, kveðinn upp 30. nóvember 2005:

Verknaðarlýsing: A, sem stjórnarmanni og framkvæmdastjóra með prókúruumboð X ehf., var gefið að sök að hafa vanrækt að standa innheimtumanni ríkissjóðs skil á afdreginni staðgreiðslu opinberra gjalda launamanna X ehf. vegna greiðslutímabilanna desember tekjuárið 2001 og janúar, febrúar, mars, apríl, maí, júlí, ágúst, september, október og nóvember tekjuárið 2002. Þá var A gefið að sök, vegna fyrrgreindra greiðslutímabila, að hafa vanrækt að standa innheimtumanni ríkissjóðs skil á skilagreinum vegna staðgreiðslu opinberra gjalda á lögmæltum tíma. Vangoldin afdregin skilaskyld staðgreiðsla opinberra gjalda launamanna X ehf. vegna framangreindra greiðslutímabila nam samtals kr. 2.941.843.

A var gefið að sök að hafa vanrækt að standa innheimtumanni ríkissjóðs skil á virðisaukaskatti sem innheimtur var í rekstri X ehf. vegna uppgjörstímabilanna september-október tekjuárið 2001, janúar-febrúar, júlí-ágúst, september-október og nóvember-desember tekjuárið 2002. Þá var A gefið að sök, vegna fyrrgreindra greiðslutímabila, utan tímabilsins nóvember-desember tekjuárið 2002, að hafa vanrækt að standa innheimtumanni ríkissjóðs skil á virðisaukaskattsskýrslum á lögmæltum tíma. Vangoldinn innheimtur virðisaukaskattur til innheimtumanns ríkissjóðs vegna framangreindra uppgjörstímabila nam samtals kr. 2.565.433.

Niðurstaða: Sannað þótti að A hefði gerst sekur um þá háttsemi sem honum var gefin að sök.

Brot talin varða við: 2. mgr. 30. gr. laga nr. 45/1987, sbr. 2. gr. laga nr. 42/1995, og 1. mgr. 40 gr. laga nr. 50/1988, sbr. 3. gr. laga nr. 42/1995.

Úrskurðuð sekt: A var gert að greiða 9.500.000 kr. til ríkissjóðs.

Sektarmál skattrannsóknarstjóra ríkisins á hendur A.

Skattaðili: A.

Úrskurður yfirskattanefndar nr. 366/2005 í máli nr. 68/2004, kveðinn upp 30. nóvember 2005:

Verknaðarlýsing: A var gefið að sök að hafa, að því er best verður séð af ásetningi, en í það minnsta af stórkostlegu hirðuleysi, staðið skil á röngum skattframtölum og fylgigögnum þeirra vegna álagningar opinberra gjalda gjaldárin 1998, 1999, 2000 og 2001, vegna rekstraráranna 1997, 1998, 1999 og 2000. Vantaldi A rekstrartekjur vegna sjálfstæðrar starfsemi sinnar um kr. 3.357.293 vegna rekstrarársins 1997, kr. 2.644.624 vegna rekstrarársins 1998, kr. 2.283.923 vegna rekstrarársins 1999, og kr. 2.058.930 vegna rekstrarársins 2000, eða alls kr. 10.344.770. Möguleg vantalin rekstrargjöld námu kr. 1.649.860 vegna rekstrarársins 1997, kr. 2.810.735 vegna rekstrarársins 1998, kr. 1.790.648 vegna rekstrarársins 1999 og kr. 2.104.954 vegna rekstrarársins 2000, eða alls kr. 8.356.197.

A var gefið að sök að hafa, að því er best verður séð af ásetningi, en í það minnsta af stórkostlegu hirðuleysi, staðið skil á efnislega röngum viðrisaukaskattsskýrslum vegna allra uppgjörstímabila rekstraráranna 1997, 1998, 1999 og 2000. Vantalin skattskyld velta nam samtals kr. 10.344.770 og útskattur kr. 2.534.448. Mögulegur vantalinn innskattur nam samtals kr. 704.320.

Niðurstaða: Sannað þótti að A hefði vanrækt að gera grein fyrir skattskyldri veltu og virðisaukaskatti til greiðslu á árunum 1997, 1998, 1999 og 2000. Við ákvörðun sektar taldi yfirskattanefnd að taka yrði tillit til ákvarðana í úrskurði nefndarinnar um álagningu gjalda í rekstri skattaðila. Í þeim úrskurði taldi yfirskattanefnd að lækka bæri viðbótarveltu til virðisaukaskatts árin 1997, 1998, 1999 og 2000 og að ekki væri tilefni til ákvörðunar tekjuviðbótar í almennum skattaskilum gjaldárin 1999, 2000 og 2001. Í samræmi við úrskurð um álagningu í rekstri gjaldanda var lagt til grundvallar við ákvörðun sektar að vantalin virðisaukaskattsskyld velta hefði numið kr. 2.200.000 árið 1997, kr. 1.500.000 árið 1998, kr. 1.200.000 árið 1999 og kr. 800.000 árið 2000 og að vangreiddur útskattur hefði samkvæmt því numið samtals kr. 1.396.500 öll umrædd ár. Að teknu tilliti til vanfærðs innskatts samtals kr. 704.230 taldist vangreiddur virðisaukaskattur árin 1997, 1998, 1999 og 2000 því kr. 692.180. Að öðru leyti var A ekki gerð sekt í málinu.

Brot talin varða við: 1. mgr. 40 gr. laga nr. 50/1988, sbr. 3. gr. laga nr. 42/1995.

Úrskurðuð sekt: A var gert að greiða 1.400.000 kr. til ríkissjóðs.

Sektarmál skattrannsóknarstjóra ríkisins á hendur A.

Skattaðili: A.

Úrskurður yfirskattanefndar nr. 367/2005 í máli nr. 389/2004, kveðinn upp 30. nóvember 2005:

Verknaðarlýsing: A var gefið að sök að hafa, að því er best verður séð af ásetningi, en í það minnsta af stórkostlegu hirðuleysi, staðið skil á efnislega röngum skattframtölum fyrir tekjuárin 2000 og 2001 vegna álagningar opinberra gjalda gjaldárin 2001 og 2002 með því að vanrækja að gera þar grein fyrir launagreiðslum að fjárhæð kr. 2.654.823 (kr. 1.544.123 tekjuárið 2000, og kr. 1.110.700 tekjuárið 2001). Leiddu hinar vanframtöldu launagreiðslur til þess að A kom sér hjá greiðslu tekjuskatts og greiddi lægra útsvar en honum bar umrædd ár.

Niðurstaða: Sannað þótti að A hefði gerst sekur um þá háttsemi sem honum var gefin að sök.

Brot talin varða við: 1. mgr. 109. gr. laga nr. 90/2003, sbr. og 2. mgr. 22. gr. laga nr. 4/1995.

Úrskurðuð sekt: A var gert að greiða 750.000 kr. til ríkissjóðs og 600.000 kr. til borgarsjóðs.

Sektarmál skattrannsóknarstjóra ríkisins á hendur A og B.

Skattaðili: X ehf.

Úrskurður yfirskattanefndar nr. 402/2005 í máli nr. 19/2005, kveðinn upp 30. desember 2005:

Verknaðarlýsing: A og B, sem fyrirsvarsmönnum X ehf., en báðir gegndu þeir stöðu stjórnarformanns og framkvæmdastjóra og önnuðust sameiginlega rekstur félagsins, var gefið að sök að hafa, að því er best verður séð af ásetningi, en í það minnsta af stórkostlegu hirðuleysi, vanrækt að standa skil á skattframtali og lögboðnum fylgigögnum þess fyrir hönd X ehf. vegna álagningar opinberra gjalda gjaldárið 2001, fyrir tekjuárið 2000, vegna starfrækslu félagsins. Með því vanræktu þeir að gera grein fyrir tekjum félagsins að fjárhæð kr. 3.586.966 og gjöldum að fjárhæð kr. 2.966.523.

A og B var gefið að sök að hafa, að því er best verður séð af ásetningi, en í það minnsta af stórkostlegu hirðuleysi, vanrækt að tilkynna um virðisaukaskattsskylda starfsemi X ehf. Þá var A og B jafnframt gefið að sök að hafa vanrækt að standa skil á virðisaukaskattsskýrslu fyrir uppgjörstímabil virðisaukaskatts fyrir júlí-ágúst tekjuárið 2000, og vanrækja með því að gera grein fyrir skattskyldri veltu og virðisaukaskatti (útskatti) vegna virðisaukaskattskyldrar starfsemi X ehf. Á móti útskatti átti félagið svo rétt til frádráttar innskatts, sem féll á uppgjörstímabilunum maí-júní og júlí-ágúst tekjuárið 2000.

Niðurstaða: Yfirskattanefnd taldi að skattrannsóknarstjóri ríkisins hefði ekki sýnt fram á að B hefði gegnt neinni formlegri stöðu hjá skattaðilanum eftir 1. september 2000, þegar hann lét af stjórnarsetu og framkvæmdastjórn hjá X ehf., en nokkrum dögum áður hafði hann selt A hlut sinn í félaginu. Sannað þótti að A hefði gerst sekur um þá háttsemi sem þeim var gefin að sök. Sannað þótti að B hefði gerst sekur um þá háttsemi sem honum var gefin að sök, utan þess að hann var ekki talin bera sök á vanskilum á skattframtali árið 2001.

Brot talin varða við: A: 6. mgr. 109. gr. laga nr. 90/2003, og 1. og 3. mgr. 40. gr. laga nr. 50/1988, sbr. 3. gr. laga nr. 42/1995. B: 3. mgr. 40. gr. laga nr. 50/1988, sbr. 3. gr. laga nr. 42/1995.

Úrskurðuð sekt: A var gert að greiða 400.000 kr. til ríkissjóðs. B var gert að greiða 100.000 kr. til ríkissjóðs.

Sektarmál skattrannsóknarstjóra ríkisins á hendur A.

Skattaðili: A.

Úrskurður yfirskattanefndar nr. 403/2005 í máli nr. 368/2004, kveðinn upp 30. desember 2005:

Verknaðarlýsing: A var gefið að sök að hafa, að því er best verður séð af ásetningi, en í það minnsta af stórkostlegu hirðuleysi, staðið skil á efnislega röngum skattframtölum fyrir tekjuárin 2000 og 2001 vegna álagningar opinberra gjalda gjaldárin 2001 og 2002, með því að vanrækja að gera þar grein fyrir launagreiðslum að fjárhæð kr. 4.736.690 (kr. 2.791.404 tekjuárið 2000, og kr. 1.945.286 tekjuárið 2001). Leiddu hinar vanframtöldu launagreiðslur til þess að A kom sér hjá greiðslu tekjuskatts og útsvars umrædd ár.

Niðurstaða: Sektarkröfu skattrannsóknarstjóra ríkisins var hafnað.

Úrskurðuð sekt: A var ekki gerð sekt í málinu.

Sektarmál skattrannsóknarstjóra ríkisins á hendur A.

Skattaðili: A.

Úrskurður yfirskattanefndar nr. 404/2005 í máli nr. 364/2004, kveðinn upp 30. desember 2005:

Verknaðarlýsing: A var gefið að sök að hafa, að því er best verður séð af ásetningi, en í það minnsta af stórkostlegu hirðuleysi, staðið skil á efnislega röngum skattframtölum fyrir tekjuárin 2000 og 2001 vegna álagningar opinberra gjalda gjaldárin 2001 og 2002, með því að vanrækja að gera þar grein fyrir launagreiðslum að fjárhæð kr. 2.828.207 (kr. 1.960.102 tekjuárið 2000, og kr. 868.105 tekjuárið 2001). Leiddu hinar vanframtöldu launagreiðslur til þess að A kom sér hjá greiðslu tekjuskatts og útsvars umrædd ár.

Niðurstaða: Sektarkröfu skattrannsóknarstjóra ríkisins var hafnað.

Úrskurðuð sekt: A var ekki gerð sekt í málinu.

Sektarmál skattrannsóknarstjóra ríkisins á hendur A.

Skattaðili: A.

Úrskurður yfirskattanefndar nr. 405/2005 í máli nr. 365/2004, kveðinn upp 30. desember 2005:

Verknaðarlýsing: A var gefið að sök að hafa, að því er best verður séð af ásetningi, en í það minnsta af stórkostlegu hirðuleysi, staðið skil á efnislega röngum skattframtölum fyrir tekjuárin 2000 og 2001 vegna álagningar opinberra gjalda gjaldárin 2001 og 2002, með því að vanrækja að gera þar grein fyrir launagreiðslum að fjárhæð kr. 1.112.097 (kr. 625.000 tekjuárið 2000, og kr. 487.097 tekjuárið 2001). Leiddu hinar vanframtöldu launagreiðslur til þess að A kom sér hjá greiðslu tekjuskatts og útsvars umrædd ár.

Niðurstaða: Sektarkröfu skattrannsóknarstjóra ríkisins var hafnað.

Úrskurðuð sekt: A var ekki gerð sekt í málinu.

Sektarmál skattrannsóknarstjóra ríkisins á hendur A.

Skattaðili: A.

Úrskurður yfirskattanefndar nr. 406/2005 í máli nr. 367/2004, kveðinn upp 30. desember 2005:

Verknaðarlýsing: A var gefið að sök að hafa, að því er best verður séð af ásetningi, en í það minnsta af stórkostlegu hirðuleysi, staðið skil á efnislega röngum skattframtölum fyrir tekjuárin 2000 og 2001 vegna álagningar opinberra gjalda gjaldárin 2001 og 2002, með því að vanrækja að gera þar grein fyrir launagreiðslum að fjárhæð kr. 1.850.780 (kr. 1.021.100 tekjuárið 2000, og kr. 829.680 tekjuárið 2001). Leiddu hinar vanframtöldu launagreiðslur til þess að A kom sér hjá greiðslu tekjuskatts og útsvars umrædd ár.

Niðurstaða: Sektarkröfu skattrannsóknarstjóra ríkisins var hafnað.

Úrskurðuð sekt: A var ekki gerð sekt í málinu.

Sektarmál skattrannsóknarstjóra ríkisins á hendur A og X sf.

Skattaðili: X sf.

Úrskurður yfirskattanefndar nr. 407/2005 í máli nr. 450/2004, kveðinn upp 30. desember 2005:

Verknaðarlýsing: A, sem einum eiganda og raunverulegum stjórnanda X sf., var gefið að sök að hafa, að því er best verður séð af ásetningi, en í það minnsta af stórkostlegu hirðuleysi, staðið skil á röngum skattframtölum og fylgigögnum þeirra fyrir hönd X sf. vegna álagningar opinberra gjalda gjaldárin 1999 og 2000 vegna tekjuáranna 1998 og 1999, með því að vantelja rekstrartekjur í skattframtölunum um kr. 2.473.069 fyrra árið og kr. 4.732.312 hið síðara, sem til voru komnar vegna starfrækslu félagsins. Með sama hætti vantaldi A rekstrargjöld félagsins um kr. 539.170 fyrra árið og kr. 1.232.529 hið síðara.

A var gefið að sök að hafa, að því er best verður séð af ásetningi, en í það minnsta af stórkostlegu hirðuleysi, staðið skil á röngum virðisaukaskattsskýrslum vegna virðisaukaskattsskyldrar starfsemi X sf. vegna allra uppgjörstímabila virðisaukaskatts tekjuárin 1998 og 1999, með því ýmist að oftelja en þó oftast að vantelja skattskylda veltu og virðisaukaskatt (útskatt og innskatt) á virðisaukaskattsskýrslum. Nam vantalin skattskyld velta samtals kr. 7.358.795, vantalinn útskattur kr. 1.802.905, vantalinn innskattur kr. 94.036 og vantalinn virðisaukaskattur til greiðslu kr. 1.708.869.

Niðurstaða: Sannað þótti að A hefði gerst sekur um þá háttsemi sem honum var gefin að sök.

Brot talin varða við: 5. mgr., sbr. 1. mgr. 109 gr. laga nr. 90/2003, og 6. mgr., sbr. 1. mgr. 40 gr. laga nr. 50/1988, sbr. 3. gr. laga nr. 42/1995.

Úrskurðuð sekt: A var gert að greiða 4.700.000 kr. til ríkissjóðs. X sf. var ekki gerð sekt í máli þessu.