Ákæruvaldið gegn A.

Verknaðarlýsing í ákæru: Ákærða var sem starfandi framkvæmdastjóra og varamanni í stjórn og ákærða X sem framkvæmdarstjóra og stjórnarmanni einkahlutafélagsins G gefið að sök að hafa brotið gegn lögum um virðisaukaskatt með því að hafa hvorki staðið skil á virðisaukaskattsskýrslum fyrir G ehf. á lögmætum tíma né staðið innheimtumanni ríkissjóðs skil á virðisaukaskatti sem innheimtur hafði verið í nafni G ehf. á árunum 2000, 2001 og 2002 samtals að fjárhæð kr. 12.799.188.

Þá var ákærðu báðum einnig gefið að sök brot gegn lögum um staðgreiðslu opinberra gjalda með því að hafa ekki staðið skil á skilagreinum staðgreiðslu á lögmætum tíma fyrir G ehf. vegna ársins 2000, að hafa ekki staðið skil á skilagreinum staðgreiðslu vegna áranna 2001 og 2002 og að hafa ekki staðið innheimtumanni ríkissjóðs skil á staðgreiðslu opinberra gjalda sem haldið var eftir af launum starfsmanna G ehf. á árunum 2000, 2001 og 2002 samtals að fjárhæð kr. 4.764.060.

Héraðsdómur Reykjavíkur 3. desember 2004, mál nr. S-1763/2004:

Við þingfestingu málsins felldi ákæruvaldið niður mál á hendur ákærða X. Talið var sannað með skýlausri játningu ákærða A og öðrum gögnum málsins að hann hefði gerst sekur um þá háttsemi sem honum var gefið að sök í ákæru.

Dæmd viðurlög: 6 mánaða fangelsi skilorðsbundið til 3 ára. Fésekt kr. 35.000.000, vararefsing 10 mánaða fangelsi

Brot ákærða talin varða við 1. mgr. 40. gr. laga nr. 50/1988 um virðisaukaskatt, sbr. 3. gr. laga nr. 42/1995, og 2. mgr. 30. gr. laga nr. 45/1987 um staðgreiðslu opinberra gjalda, sbr. 2. gr. laga nr. 42/1995, og 1. mgr. 262. gr. almennra hegningarlaga nr. 19/1940, sbr. 1. gr. laga nr. 39/1995 og 139. gr. laga nr. 82/1998.

_______________________________________ 

Ákæruvaldið gegn A.

Verknaðarlýsing í ákæru: Ákærða var gert að sök að hafa hvorki skilað skilagreinum staðgreiðslu opinberra gjalda á lögmætum tíma í sjálfstæðri atvinnustarfsemi sinni né staðið innheimtumanni ríkissjóðs skil á staðgreiðslu opinberra gjalda sem haldið var eftir af launum starfsmanna hans á árinu 2002 samtals að fjárhæð 12.930.926. Þá var ákærða einnig gefið að sök að hafa sem framkvæmdarstjóri og stjórnarmaður L ehf. hvorki staðið skil á skilagreinum staðgreiðslu opinberra gjalda á lögmætum tíma, né staðið skil á staðgreiðslu opinberra gjalda af launum starfsmanna L ehf. á árinu 2003 samtals að fjárhæð kr. 14.492.517.

Héraðsdómur Reykjavíkur 2. nóvember 2004, mál nr. 1756/2004:

Talið sannað með skýlausri játningu ákærða og öðrum gögnum málsins að hann hefði gerst sekur um þá háttsemi sem honum var gefið að sök í ákæru.

Dæmd viðurlög: 6 mánaða fangelsi skilorðsbundið til 2 ára. Fésekt kr. 55.000.000, vararefsing 12 mánaða fangelsi

Brot ákærða talin varða við 2. mgr. 30. gr. laga nr. 45/1987 um staðgreiðslu opinberra gjalda, sbr. 2. gr. laga nr. 42/1995 og 1. mgr. 262. gr. almennra hegningarlaga nr. 19/1940, sbr. 1. gr. laga nr. 39/1995 og 139. gr. laga nr. 82/1998.

_______________________________________ 

Ákæruvaldið gegn A.

Verknaðarlýsing í ákæru: Ákærða var gefið að sök að hafa brotið gegn lögum um tekjuskatt og eignarskatt og lögum um tekjustofna sveitarfélaga með því að hafa látið undir höfuð leggjast að standa skil á skattframtölum og telja fram til skatts tekjur af sjálfstæðri atvinnustarfsemi gjaldárin 1998 og 1999 vegna tekjuáranna 1997 og 1998. Með þessari háttsemi var ákærði valdur að því að tekjuskatts- og útsvarsstofnar hans framangreind ár voru vantaldir um samtals kr. 11.370.519, sem honum bar að greiða tekjuskatt af og útsvar sem nam kr. 4.737.581.

Ákærða var einnig gefið að sök bókhaldsbrot fyrir að hafa látið undir höfuð leggjast að halda lögboðið bókhald vegna atvinnustarfsemi sinnar á árunum 1997 og 1998 og hafa ekki varðveitt fylgiskjöl bókhalds á fullnægjandi hátt.

Héraðsdómur Reykjavíkur 1. nóvember 2004, mál nr. S-331/2004:

Af upphaflegri kæru stóð aðeins eftir brot ákærða gegn lögum um bókhald. Telst sannað með játningu ákærða og öðrum gögnum málsins að hann hafi gerst sekur um það brot.

Dæmd viðurlög: Fésekt kr. 200.000, vararefsing 26 daga fangelsi.

Brot ákærða talin varða við 1. og 2. tölulið 1. mgr. 37. gr., sbr. 36. gr. laga nr. 145/1994, um bókhald, sbr. 1. gr. laga nr. 37/1995 um breytingu á þeim lögum og 2. mgr. 262. gr. almennra hegningarlaga, sbr. 1. gr. laga nr. 39/1995.

_______________________________________ 

Ákæruvaldið gegn A.

Verknaðarlýsing í ákæru: Ákærða var sem framkvæmdastjóra og stjórnarmanni einkahlutafélagsins T gefið að sök að hafa brotið gegn lögum um virðisaukaskatt með því að hafa ekki staðið innheimtumanni ríkissjóðs skil á virðisaukaskatti sem innheimtur hafði verið í nafni einkahlutafélagsins á árinu 1999 samtals að fjárhæð kr. 3.398.784. Þá var ákærða sem stjórnarmanni og framkvæmdarstjóra B ehf. gefið að sök að hafa brotið gegn lögum um virðisaukaskatt með því að hafa ekki staðið skil á innheimtum virðisaukaskatti í nafni B ehf. á árunum 1999 og 2000 samtals að fjárhæð kr. 13.388.807.

            Ákærða var einnig gefið að sök brot gegn lögum um staðgreiðslu opinberra gjalda með því að hafa ekki staðið skil á skilagreinum staðgreiðslu vegna tímabilanna apríl, maí, júlí og desember 2000, að hafa vantalið afdregna staðgreiðslu opinberra gjalda á skilagreinum vegna tímabilanna mars, september og nóvember sama ár og að hafa ekki staðið innheimtumanni ríkissjóðs skil á staðgreiðslu opinberra gjalda sem haldið var eftir af launum starfsmanna T ehf. á árinu 2000 að fjárhæð kr. 3.654.603. Jafnframt var ákærða gefið að sök að hafa ekki staðið skil á staðgreiðslu opinberra gjalda sem haldið var eftir af launum starfsmanna B ehf. á árunum 1999 og 2000 samtals að fjárhæð kr. 5.734.116.

Héraðsdómur Reykjaness 22. október 2004, mál nr. S-319/2004:

Talið sannað með skýlausri játningu ákærða að hann hefði gerst sekur um þá háttsemi sem honum var gefið að sök í ákæru.

Dæmd viðurlög: 4 mánaða fangelsi skilorðsbundið til 2 ára. Fésekt kr. 51.145.000, vararefsing 12 mánaða fangelsi.

Brot ákærða talin varða við 1. mgr. 40. gr. laga nr. 50/1988 um virðisaukaskatt, sbr. 3. gr. laga nr. 42/1995, og 2. mgr. 30. gr. laga nr. 45/1987 um staðgreiðslu opinberra gjalda, sbr. 2. gr. laga nr. 42/1995, og 1. mgr. 262. gr. almennra hegningarlaga nr. 19/1940, sbr. 1. gr. laga nr. 39/1995 og 139. gr. laga nr. 82/1998.

_______________________________________ 

Ákæruvaldið gegn A.

Verknaðarlýsing í ákæru: Ákærða var sem framkvæmdastjóra og stjórnarmanni einkahlutafélagsins B gefið að sök að hafa brotið gegn lögum um virðisaukaskatt með því að hafa ekki staðið innheimtumanni ríkissjóðs skil á virðisaukaskatti sem innheimtur hafði verið í nafni einkahlutafélagsins á árunum 1999, 2000 og 2001 samtals að fjárhæð kr. 39.322.691. Þá var ákærða einnig gefið að sök brot gegn lögum um staðgreiðslu opinberra gjalda með því að hafa ekki staðið skil á staðgreiðslu opinberra gjalda sem haldið var eftir af launum starfsmanna B ehf. á árunum 2000 og 2001 samtals að fjárhæð kr. 21.220.563.

Héraðsdómur Reykjavíkur 12. október 2004, mál nr. S-1758/2004:

Talið sannað með játningu ákærða og öðrum gögnum málsins að hann hefði gerst sekur um þá háttsemi sem honum var gefið að sök í ákæru.

Dæmd viðurlög: 7 mánaða fangelsi skilorðsbundið til 2 ára. Fésekt kr. 121.087.000, með vísan til forsendna dómsins var ákærða ekki gerð frekari vararefsing.

Brot ákærða talin varða við 1. mgr. 40. gr. laga nr. 50/1988 um virðisaukaskatt, sbr. 3. gr. laga nr. 42/1995, og 2. mgr. 30. gr. laga nr. 45/1987 um staðgreiðslu opinberra gjalda, sbr. 2. gr. laga nr. 42/1995, og 1. mgr. 262. gr. almennra hegningarlaga nr. 19/1940, sbr. 1. gr. laga nr. 39/1995 og 139. gr. laga nr. 82/1998.

_______________________________________ 

Ákæruvaldið gegn A.

Verknaðarlýsing í ákæru: Ákærða var sem stjórnarmanni einkahlutafélagsins M gefið að sök að hafa brotið gegn lögum um virðisaukaskatt með því að hafa ekki staðið innheimtumanni ríkissjóðs skil á virðisaukaskatti sem innheimtur hafði verið í nafni einkahlutafélagsins á uppgjörstímabilinu nóvember - desember 2000 samtals að fjárhæð kr. 707.064. Þá var honum einnig gefið að sök brot gegn lögum um staðgreiðslu opinberra gjalda með því að hafa ekki staðið skil á skilagreinum vegna júní - ágúst og nóvember - desember árið 2001, vantalið staðgreiðslu í skilagrein vegna janúar 2001 og ekki staðið innheimtumanni ríkissjóðs skil á staðgreiðslu opinberra gjalda sem haldið var eftir af launum starfsmanna M ehf. á árunum 2000 og 2001 samtals að fjárhæð kr. 1.302.796.

Héraðsdómur Reykjavíkur 30. september 2004, mál nr. S-330/2004:

Sannað var, með framburði ákærða að hluta og með öðrum gögnum málsins, að ákærði hefði gerst sekur um þá háttsemi sem honum var gefið að sök í ákæru.

Dæmd viðurlög: Fésekt kr. 3.920.000, vararefsing 3 mánaða fangelsi.

Brot ákærða talin varða við 1. mgr. 40. gr. laga nr. 50/1988 um virðisaukaskatt, sbr. 3. gr. laga nr. 42/1995 og 2. mgr. 30. gr. laga nr. 45/1987 um staðgreiðslu opinberra gjalda, sbr. 2. gr. laga nr. 42/1995.

_______________________________________ 

Ákæruvaldið gegn A og X hf.

Verknaðarlýsing í ákæru: Ákærða A var gefið að sök að hafa sem framkvæmdastjóri og stjórnarmaður X hf. ekki staðið innheimtumanni ríkissjóðs skil á virðisaukaskatti sem innheimtur var í starfsemi hlutafélagsins á árunum 2000, 2001 og 2002, samtals að fjárhæð kr. 5.078.716. Þá var honum einnig gefið að sök að hafa brotið gegn lögum um staðgreiðslu opinberra gjalda með því að hafa ekki staðið skil á staðgreiðslu opinberra gjalda sem haldið var eftir af launum starfsmanna X hf. á árinu 2001 samtals að fjárhæð kr. 348.944.

Héraðsdómur Reykjavíkur 30.september 2004, mál nr. S-2210/2003:

Talið sannað með játningu ákærða A og öðrum gögnum málsins að ákærðu hefðu gerst sek um þá háttsemi sem þeim var gefin að sök í ákæru.

Dæmd viðurlög: Ákærðu A og X hf. greiði fésekt kr. 8.150.000, vararefsing 4 mánaða fangelsi.

Brot ákærða A talin varða við 1. mgr. 40. gr. laga nr. 50/1988 um virðisaukaskatt, sbr. 3. gr. laga nr. 42/1995, og 2. mgr. 30. gr. laga nr. 45/1987 um staðgreiðslu opinberra gjalda, sbr. 2. gr. laga nr. 42/1995, og 1. mgr. 262. gr. almennra hegningarlaga nr. 19/1940, sbr. 1. gr. laga nr. 39/1995 og 139. gr. laga nr. 82/1998.

Brot ákærða X hf. talin varða við 1. mgr. sbr. 8. mgr. 40. gr. laga nr. 50/1988, um virðisaukaskatt, sbr. 3. gr. laga nr. 42/1995, og 2. mgr. Sbr. 9 mgr. 30. gr. laga nr. 45/1987 um staðgreiðslu opinberra gjalda, sbr. 2. gr. laga nr. 42/1995, og 1. mgr. 262. gr. almennra hegningarlaga nr. 19/1940, sbr. 1. gr. laga nr. 39/1995 og 139. gr. laga nr. 82/1998.

_______________________________________ 

Ákæruvaldið gegn A.

Verknaðarlýsing í ákæru: Ákærða var sem framkvæmdastjóra og stjórnarmanni einkahlutafélagsins F var gefið að sök að hafa brotið gegn lögum um virðisaukaskatt með því að hafa eigi staðið innheimtumanni ríkissjóðs skil á virðisaukaskatti sem innheimtur hafði verið í nafni einkahlutafélagsins á árunum 2001 og 2002 samtals að fjárhæð kr. 5.777.451. Þá var honum einnig gefið að sök brot gegn lögum um staðgreiðslu opinberra gjalda með því að hafa ekki staðið skil á staðgreiðslu opinberra gjalda sem haldið var eftir af launum starfsmanna F ehf. á árunum 2001 og 2002 samtals að fjárhæð kr. 2.833.848.

Héraðsdómur Reykjavíkur 29. september 2004, mál nr. 329/2004:

Talið sannað með skýlausri játningu ákærða að hann hefði gerst sekur um þá háttsemi sem honum var gefið að sök í ákæru.

Dæmd viðurlög: 2 mánaða fangelsi skilorðsbundið til 2 ára. Fésekt kr. 16.500.000, vararefsing 8 mánaða fangelsi.

Brot ákærða talin varða við 1. mgr. 40. gr. laga nr. 50/1988 um virðisaukaskatt, sbr. 3. gr. laga nr. 42/1995, og 2. mgr. 30. gr. laga nr. 45/1987 um staðgreiðslu opinberra gjalda, sbr. 2. gr. laga nr. 42/1995, og 1. mgr. 262. gr. almennra hegningarlaga nr. 19/1940, sbr. 1. gr. laga nr. 39/1995 og 139. gr. laga nr. 82/1998.

_______________________________________ 

Ákæruvaldið gegn A.

Verknaðarlýsing í ákæru: Ákærða var sem framkvæmdastjóra og stjórnarmanni einkahlutafélagsins F gefið að sök að hafa brotið gegn lögum um virðisaukaskatt með því að hafa eigi staðið innheimtumanni ríkissjóðs skil á virðisaukaskatti sem innheimtur hafði verið í nafni einkahlutafélagsins á árinu 1998 að fjárhæð kr. 853.884. Þá var honum gefið að sök brot gegn lögum um staðgreiðslu opinberra gjalda með því að hafa eigi staðið skil á staðgreiðslu opinberra gjalda sem haldið var eftir af launum starfsmanna F ehf. á árinu 2000 samtals að fjárhæð kr. 991.839.

Héraðsdómur Suðurlands 5. júlí 2004, mál nr. S-548/2003:

Ljóst var að ákærði bar refsiábyrgð á umræddum skilum fjármuna til innheimtumanns ríkissjóðs sem stjórnarmaður og framkvæmdarstjóri félagsins. Taldist því sannað að ákærði hefði gerst sekur um þá háttsemi sem honum var gefið að sök í ákæru.

Dæmd viðurlög: Brot ákærða voru ekki talin meiriháttar og honum því ekki gerð fangelsisrefsing í málinu. Fésekt kr. 3.350.000, vararefsing 3 mánaða fangelsi.

Brot ákærða talin varða við 1. mgr. 40. gr. laga nr. 50/1988 um virðisaukaskatt, sbr. 3. gr. laga nr. 42/1995 og 2. mgr. 30. gr. laga nr. 45/1987 um staðgreiðslu opinberra gjalda, sbr. 2. gr. laga nr. 42/1995.

_______________________________________ 

Ákæruvaldið gegn A

Verknaðarlýsing í ákæru: Fyrir að hafa sem fyrirsvarsmaður sameignarfélagsins X eigi staðið skil á staðgreiðslu opinberra gjalda sem haldið var eftir af launum starfsmanna X á árunum 1998 og 1999 samtals að fjárhæð kr. 1.383.780. Fyrir að hafa sem stjórnarmaður og framkvæmdastjóri einkahlutafélagsins Y eigi staðið skil á staðgreiðslu opinberra gjalda sem haldið var eftir af launum starfsmanna félagsins á árunum 1999 og 2000 samtals að fjárhæð kr. 1.251.730.

Héraðsdómur Reykjaness 12. maí 2004 mál nr. S-318/2004.

Talið sannað með skýlausri játningu ákærða A að hann hefði gerst sekur um stórfelld brot gegn þeim lagaákvæðum sem tilfærð voru í ákærunni.

Dæmd viðurlög: 45 daga fangelsisvist skilorðsbundið til 2 ára. Fésekt kr. 5.300.000, vararefsing 3 mánaða fangelsi.

Brot ákærða talin varða við 2. mgr. 30. gr. laga nr. 45/1987 um staðgreiðslu opinberra gjalda, sbr. 2. gr. laga nr. 42/1995 og 1. mgr. 262. gr. almennra hegningarlaga nr. 19/1940, sbr. 1. gr. laga nr. 39/1995 og 139. gr. laga nr. 82/1998.

_______________________________________ 

Ákæruvaldið gegn A og B

Verknaðarlýsing í ákæru: Ákærða A sem framkvæmdastjóra og stjórnarmanni P ehf. og B sem framkvæmdastjóra P ehf. var gefið að sök brot gegn lögum um virðisaukaskatt með því að hafa eigi staðið skil á virðisaukaskatti sem innheimtur hafði verið í nafni einkahlutafélagsins á árunum 2001 og 2002 samtals að fjárhæð kr. 1.160.176. Á hendur ákærða A fyrir brot gegn lögum um virðisaukaskatt með því að hafa eigi staðið skil á virðisaukaskatti sem innheimtur hafði verið í nafni einkahlutafélagsins á árinu 2002 samtals að fjárhæð kr. 733.286. Á hendur ákærðu A og B fyrir brot gegn lögum um staðgreiðslu opinberra gjalda með því að hafa  vantalið afdregna staðgreiðslu opinberra gjalda af launum starfsmanna P ehf. á öllum skilagreinum staðgreiðslu vegna greiðslutímabilanna frá mars 2001 til og með apríl 2002 sem skilað var inn, fyrir að hafa látið undir höfuð leggjast að standa skil á skilagrein vegna mars 2002 og fyrir að hafa eigi staðið skil á staðgreiðslu opinberra gjalda sem haldið var eftir af launum starfsmanna P ehf. á árunum 2001 og 2002 samtals að fjárhæð kr. 3.895.895. Á hendur ákærða A fyrir að hafa ekki staðið skil á skilagrein staðgreiðslu opinberra gjalda og afdreginni staðgreiðslu af launum starfsmanns P ehf. í júní 2002 að fjárhæð kr. 110.119.

Héraðsdómur Reykjavíkur 10. maí 2004, mál nr. 332/2004:

A og B voru sakfelld fyrir stórfelld brot gegn þeim lagaákvæðum sem tilgreind voru í ákærunni.

Dæmd viðurlög: A dæmd í 4 mánaða fangelsi skilorðsbundið til 2 ára. Fésekt 7.000.000, vararefsing 6 mánaða fangelsisvist. B dæmdur í 4 mánaða fangelsi skilorðsbundið til 2 ára. Fésekt 5.100.000 og vararefsing 5 mánaða fangelsisvist.

Brot ákærðu talin varða við 1. mgr. 40. gr. laga nr. 50/1988 um virðisaukaskatt, sbr. 3. gr. laga nr. 42/1995, og 2. mgr. 30. gr. laga nr. 45/1987 um staðgreiðslu opinberra gjalda, sbr. 2. gr. laga nr. 42/1995, og 1. mgr. 262. gr. almennra hegningarlaga nr. 19/1940, sbr. 1. gr. laga nr. 39/1995 og 139. gr. laga nr. 82/1998.

_______________________________________ 

Ákæruvaldið gegn A og B

Verknaðarlýsing í ákæru: Ákærða A voru gefin að sök eftirtalin skattalaga- og bókhaldsbrot: Brot á lögum um virðisaukaskatt með því að hafa eigi staðið skil á virðisaukaskattsskýrslum vegna uppgjörstímabilanna maí – október 1999 og hafa skilað rangri skýrslu vegna tímabilsins nóvember – desember 1999 vegna sjálfstæðrar atvinnustarfsemi ákærða og hafa vantalið innheimtan virðisaukaskatt vegna sölu hans á vinnu samkvæmt sölureikningum, sem ákærði notaði og voru ranglega gefnir út í nafni X og komið sér með þessu undan að standa skil á virðisaukaskatti samtals að fjárhæð kr. 496.174. Fyrir brot gegn lögum um tekjuskatt og eignarskatt og lögum um tekjustofna sveitarfélaga með því að hafa vantalið skattskyldar tekjur sínar af eigin atvinnurekstri í ársreikningi 1999 og á skattframtali árið 2000 vegna skattskyldra sölu hans samkvæmt áðurgreindum reikningum í nafni X og komið sér með þessu undan greiðslu tekjuskatts og útsvars að fjárhæð kr. 825.851. Fyrir bókhaldsbrot með því að hafa látið undir höfuð leggjast að halda bókhald í samræmi við það sem lög áskilja vegna atvinnustarfsemi hans á árinu 1999 og hafa ekki varðveitt fylgiskjöl bókhalds á fullnægjandi hátt.

Ákærða B voru gefin að sök eftirtalin skattalaga- og bókhaldsbrot: Brot gegn lögum um virðisaukaskatt með því að hafa rekið sjálfstæða atvinnustarfsemi á árunum 1999, 2000 og 2001 án þess að tilkynna um hana til skattyfirvalda, án þess að standa skil á virðisaukaskattsskýrslum vegna hennar og gera grein fyrir sölu hans samkvæmt sölureikningum, sem hann notaði og voru ranglega gefnir út í nafni tveggja manna sem ekkert tengdust viðskiptunum og komið sér með þessu undan að standa skil á innheimtum virðisaukaskatti samtals að fjárhæð kr. 2.809.801. Fyrir brot gegn lögum um tekjuskatt og eignarskatt og lögum um tekjustofna sveitarfélaga með því að hafa eigi talið fram skattskyldar tekjur sínar af eigin atvinnurekstri á árunum 1999 og 2000 vegna skattskyldra sölu hans samkvæmt hluta af framangreindum reikningum í nafni tveggja manna og komið sér með þessu undan greiðslu tekjuskatts og útsvars samtals að fjárhæð kr. 4.262.753. Fyrir bókhaldsbrot með því hafa látið undir höfuð leggjast að halda lögboðið bókhald vegna atvinnustarfsemi sinnar á árunum 1999, 2000 og 2001 og hafa ekki varðveitt fylgiskjöl bókhalds framangreind ár, né gert ársreikninga vegna starfseminnar svo sem lög áskilja. Þá var ákærðu A og B einnig gefin að sök skjalabrot.

Héraðsdómur Reykjavíkur 26. apríl 2004, mál nr. 2206/2003:

Þar sem talsverð óvissa var talin leika á því hvort ákærðu A og B voru sjálfstæðir atvinnurekendur eða starfsmenn V þegar þeir tóku við greiðslum þeim sem um ræddi í málinu voru þeir sýknaðir af ákærum fyrir brot á lögum um virðisaukaskatt, lögum um tekju- og eignaskatt, lögum um tekjustofna sveitarfélaga og lögum um bókhald. Báðir sakborningar voru hins vegar sakfelldir fyrir skjalabrot.

Dæmd viðurlög: A var dæmdur í 3 mánaða fangelsi og B í 8 mánaða fangelsi skilorðsbundið til 2 ára. Fésekt A kr. 400.000, vararefsing 40 daga fangelsi. Fésekt B kr. 1.200.000, vararefsing 3 mánaða fangelsi.

Brotin voru talin varða við 2., sbr. 1. mgr. 158. gr. almennra hegningarlaga nr. 19/1940.

_______________________________________ 

Ákæruvaldið gegn A og B.

Verknaðarlýsing í ákæru: Ákærða A, sem stjórnarmanni og ákærða B sem framkvæmdastjóra einkahlutafélagsins O, var gefið að sök að hafa eigi staðið innheimtumanni ríkissjóðs skil á virðisaukaskatti sem innheimtur hafði verið í nafni einkahlutafélagsins á árunum 2000, 2001 og 2002 samtals að fjárhæð kr. 4.801.884. Þá var ákærðu gefið að sök brot gegn lögum um staðgreiðslu opinberra gjalda með því að hafa ekki staðið skil á staðgreiðslu opinberra gjalda sem haldið var eftir af launum starfsmanna O ehf. á árunum 2000, 2001 og 2002 samtals að fjárhæð kr. 5.467.643.

Héraðsdómur Reykjavíkur, 21. apríl 2004, mál nr. 333/2004:

Við meðferð málsins fyrir dómi felldi ákæruvaldið niður mál á hendur ákærða B.

Talið sannað með skýlausri játningu ákærða A að hann hefði gerst sekur um þá háttsemi sem honum var gefin að sök í ákæru.

Dæmd viðurlög: 6 mánaða fangelsi skilorðsbundið til 3 ára. Fésekt kr. 20.600.000, vararefsing 10 mánaða fangelsi.

Brot ákærða talin varða við 1. mgr. 40. gr. laga nr. 50/1988 um virðisaukaskatt, sbr. 3. gr. laga nr. 42/1995, og 2. mgr. 30. gr. laga nr. 45/1987 um staðgreiðslu opinberra gjalda, sbr. 2. gr. laga nr. 42/1995, og 1. mgr. 262. gr. almennra hegningarlaga nr. 19/1940, sbr. 1. gr. laga nr. 39/1995 og 139. gr. laga nr. 82/1998.

_______________________________________ 

Ákæruvaldið gegn A.

Verknaðarlýsing í ákæru: Ákærða var sem framkvæmdastjóra einkahlutafélagsins S gefið að sök að hafa brotið gegn lögum um virðisaukaskatt með því að hafa eigi staðið innheimtumanni ríkissjóðs skil á virðisaukaskatti sem innheimtur hafði verið í nafni einkahlutafélagsins á árinu 2001 að fjárhæð kr. 1.403.535. Þá var honum gefið að sök að hafa brotið gegn lögum um staðgreiðslu opinberra gjalda með því að hafa ekki staðið skil á staðgreiðslu opinberra gjalda sem haldið var eftir af launum starfsmanna S ehf. á árunum 2000 og 2001 samtals að fjárhæð kr. 1.799.589. Ákærða var einnig gefið að sök að hafa í eigin rekstri brotið gegn lögum um virðisaukaskatt með því að hafa hvorki staðið Tollstjóranum í Reykjavík skil á virðisaukaskattsskýrslum né virðisaukaskatti sem hann hafði innheimt í atvinnustarfsemi sinni á árinu 2001 samtals að fjárhæð kr. 1.973.823. Að lokum var ákærða gefið að sök að hafa í eigin rekstri brotið gegn lögum um staðgreiðslu opinberra gjalda með því að hafa ekki staðið skil á staðgreiðslu opinberra gjalda sem haldið var eftir af launum starfsmanna hans á árunum 2001 og 2002, samtals að fjárhæð kr. 3.050.291.

Héraðsdómur Reykjavíkur 29. mars 2004, mál nr. 334/2004:

Talið sannað með skýlausri játningu ákærða að hann hefði gerst sekur um þá háttsemi sem honum var gefin að sök í ákæru.

Dæmd viðurlög: 2 mánaða fangelsi skilorðsbundið til 2 ára. Fésekt kr. 16.500.000, vararefsing 8 mánaða fangelsi.

Brot ákærða talin varða við 1. mgr. 40. gr. laga nr. 50/1988 um virðisaukaskatt, sbr. 3. gr. laga nr. 42/1995, og 2. mgr. 30. gr. laga nr. 45/1987 um staðgreiðslu opinberra gjalda, sbr. 2. gr. laga nr. 42/1995, og 1. mgr. 262. gr. almennra hegningarlaga nr. 19/1940, sbr. 1. gr. laga nr. 39/1995 og 139. gr. laga nr. 82/1998.