Verknaðarlýsing í ákæru: Ákærðu, sem daglegum stjórnendum Y hf., var gefið að sök að hafa brotið gegn lögum um virðisaukaskatt með því að hafa gefið rangar upplýsingar um virðisaukaskattsskylda sölu vöru og þjónustu sem fram fór í starfsemi félagsins á árunum 1990, 1991, 1992, 1993 og 1994 og hafa ekki staðið skil á innheimtum virðisaukaskatti, samtals kr. 8.229.776. Einnig, sem daglegum stjórnendum X hf., með því að hafa gefið rangar upplýsingar um virðisaukaskattsskylda sölu vöru og þjónustu sem fram fór í starfsemi félagsins á árunum 1993 og 1994 og að hafa ekki staðið skil á virðisaukaskatti sem félagið innheimti, samtals kr. 2.138.482. Ennfremur brot gegn lögum um tekjuskatt og eignarskatt, lögum um tekjustofna sveitarfélaga og almennum hegningarlögum með því að hafa ekki tekjufært í bókhald Y hf. á árunum 1990, 1991, 1992, 1993 og 1994 tekjur að upphæð kr. 38.084.507, auk þess að hafa ekki talið fram til skatts sömu upphæð og með því að hafa ekki tekjufært í bókhald X hf. á árunum 1993 og 1994 tekjur að upphæð kr. 8.756.691, auk þess að hafa ekki talið fram til skatts sömu upphæð.

Ákærðu fundin sek um þá háttsemi sem þeim var gefin að sök.

Dæmd viðurlög: Hvort ákærðu dæmt í 5 mánaða fangelsi, skilorðsbundið. Hvort um sig dæmt til greiðslu 3.000.000 kr. fésektar, vararefsing 5 mánaða fangelsi.

Brot talin varða við 1. mgr., sbr. 6. mgr. 40. gr. laga nr. 50/1988 um virðisaukaskatt, sjá 3. gr. laga nr. 42/1995 og 1. mgr. 262. gr. almennra hegningarlaga nr. 19/1940, sbr. 1. gr. laga nr. 39/1995 og 139. gr. laga nr. 82./1998, og við 1. mgr., sbr. 6. mgr. 107. gr. laga nr. 74/1981 um tekjuskatt og eignarskatt, sbr. 1. gr. laga nr. 42/1995 og 1. mgr. 262. gr. almennra hegningarlaga nr. 19/1940, sbr. 1. gr. laga nr. 39/1995 og 139. gr. laga nr. 82/1998, sbr, 24. gr. laga nr. 91/1989 um tekjustofna sveitarfélaga, sjá 2. mgr. 22. gr. laga nr. 4/1995. Allt sbr. 2. gr. almennra hegningarlaga.

Verknaðarlýsing í ákæru: Ákærða, sem framkvæmdastjóra og prókúruhafa X ehf., voru gefin að sök brot gegn lögum um virðisaukaskatt og rangfærslur upplýsinga í opinberu starfi með því að hafa útbúið fyrir félagið og afhent skattstjóra 10 tilhæfulausar virðisaukaskattsskýrslur fyrir uppgjörstímabilin frá 19. janúar til 30. apríl 1998, þar af 9 bráðabirgðaskýrslur þar sem ranglega voru tilgreind kaup félagsins á hráefni og innskattur vegna þeirra og eina skýrslu þar sem ranglega var tilgreind undanþegin velta og innskattur. Með því að hafa misnotað aðstöðu sína sem starfsmaður skattstofu til að skrá inn í tölvukerfi virðisaukaskatts rangar upplýsingar samkvæmt hinum innlögðu skýrslum og rangar staðfestingar á afgreiðslum þeirra, en þær færslur í tölvukerfið heimiluðu innheimtumanni ríkissjóðs að greiða félaginu innskatt sem það fékk útborgaðan, samtals kr. 1.627.794. Einnig með því að hafa án nokkurra skýrslugjafa af hálfu X ehf. fyrir 40 uppgjörstímbil frá 1. maí 1998 til 28. mars 1999, misnotað stöðu sína sem starfsmaður skattstjóra til að skrá beint inn í tölvukerfi virðisaukaskatts rangar upplýsingar í þágu félagsins, 34 sinnum um vikuleg hráefniskaup og innskatt af þeim og 6 sinnum um undanþegna veltu og innskatt á tveggja mánaða tímabilum og rangar staðfestingar um afgreiðslur þeirra, sem heimiluðu innheimtumanni ríkissjóðs útborgun á innskatti til X ehf. samtals kr. 9.241.527. Þá voru ákærða gefin að sök meiri háttar bókhaldsbrot með því að hafa í rekstri X ehf. allt árið 1998 og fyrri hluta ársins 1999 vanrækt að halda lögboðið bókhald og vanrækt að varðveita fylgiskjöl í samræmi við góða bókhalds- og reikningsskilavenju og að hafa vanrækt að semja ársreikning félagsins fyrir árið 1998.

Sekt ákærða var talin sönnuð með afdráttarlausri játningu hans.

Dæmd viðurlög: 12 mánaða fangelsi. Fésekt kr. 25.000.000 in solidum með X ehf., vararefsing 12 mánaða fangelsi.

Brot talin varða við 1. mgr., sbr. og 8. mgr. 40. gr. laga nr. 50/1988 um virðisaukaskatt, sbr. 3. gr. laga nr. 42/1995 og 1. mgr. 262. gr. almennra hegningarlaga nr. 19/1940, sbr. 1. gr. laga nr. 39/1995, og 3., sbr. 1. mgr. 158. gr. almennra hegningarlaga, sbr. 3. gr. laga nr. 30/1998, allt sbr. 138. gr. almennra hegningarlaga. Einnig við 2. gr., sbr. 1. tl. 1. gr., 4.- 6. gr., 8.- 11. gr., 17., 19., 20. og 22. gr. sbr. 1., 2. og 5. tl. 1. mgr. 37. gr., sbr. 36. gr. laga um bókhald nr. 145/1994, sbr. 1. gr. laga nr. 37/1995, sbr. og 2. mgr. 262. gr. almennra hegningarlaga nr. 19/1940, sbr. 1. gr. laga nr. 39/1995.

Verknaðarlýsing í ákæru: Ákærða, sem framkvæmdastjóra og stjórnarmanni X hf., var gefið að sök að hafa brotið gegn lögum um virðisaukaskatt með því að hafa vantalið virðisaukaskattsskylda sölu á vöru og þjónustu sem fram fór í starfsemi félagsins og komið sér með því undan að standa skil á virðisaukaskatti sem innheimtur var í nafni félagsins á árunum 1990, 1991, 1992, 1993 og 1994, samtals kr. 3.421.862. Brot gegn lögum um tekjuskatt og eignarskatt og almennum hegningarlögum með því að hafa ekki tekjufært í bókhaldi X hf. tekjur vegna sölu félagsins á vöru og þjónustu á sama árabili og hafa með því vantalið skattskyldar tekjur félagsins um kr. 12.051.964.

Ákærði var sakfelldur fyrir þá háttsemi sem honum var gefin að sök í ákæru, að breyttum þeim fjárhæðum sem þar greindi. Sannað taldist að ákærði hefði látið hjá líða að telja fram kr. 11.690.564 af skattskyldri veltu til virðisaukaskatts og þannig komið sér hjá því að greiða kr. 2.864.188 í virðisaukaskatt. Á sama hátt var talið sannað að ákærði hefði vantalið skattskyldar tekjur félagsins um kr. 11.690.564.

Dæmd viðurlög: 45 daga fangelsi, skilorðsbundið. Fésekt kr. 1.000.000, vararefsing 2 mánaða fangelsi.

Brot talin varða við 1. mgr., sbr. 6. mgr. 40. gr. laga nr. 50/1988 um virðisaukaskatt, sbr. 1. mgr. 262. gr. almennra hegningarlaga nr. 19/1940, sbr. 3. gr. laga nr. 39/1995 og 1. gr. laga nr. 39/1995 og 2. gr. almennra hegningarlaga. Einnig við 1. mgr., sbr. 6. mgr. 107. gr. laga nr. 75/1981 um tekjuskatt og eignarskatt, sbr. 1. mgr. 262. gr. almennra hegningarlaga, sbr. 3. gr. laga nr. 42/1995 og 1. gr. laga nr. 39/1995, sbr. 2. gr. almennra hegningarlaga.

Verknaðarlýsing í ákæru: Ákærða var gefið að sök að hafa brotið gegn lögum um virðisaukaskatt með því að hafa ekki staðið skil á virðisaukaskatti sem hann hafði innheimt í rekstri einkafirma síns, X sf., á árunum 1992, 1993, 1994 og 1995, samtals kr. 3.569.425.

Sannað taldist, með skýlausri játningu ákærða, að hann hefði gerst sekur um þá háttsemi sem greindi í ákæru.

Dæmd viðurlög: 2 mánaða fangelsi, skilorðsbundið. Fésekt kr. 2.000.000, vararefsing 3 mánaða fangelsi.

Brot talin varða við 1. mgr., sbr. 6. mgr. 40. gr. laga nr. 50/1988 um virðisaukaskatt, sjá 3. gr. laga nr. 42/1995 og 1. mgr. 262. gr. almennra hegningarlaga nr. 19/1940, sbr. 1. gr. laga nr. 39/1995 og 139. gr. laga nr. 82/1998.

Verknaðarlýsing í ákæru: Ákærða var gefið að sök að hafa brotið gegn lögum um virðisaukaskatt með því að hafa ekki skilað virðisaukaskattsskýrslum vegna tímabilanna janúar-október 1993 og mars-desember 1994 og með því að láta undir höfuð leggjast að telja fram virðisaukaskattsskylda veltu og virðisaukaskatt og standa skil á virðisaukaskatti sem hann innheimti í sjálfstæðri starfsemi sinni og firma síns X s.f. á árunum 1993 og 1994, samtals kr. 1.885.883.

Talið sannað, með skýlausri játningu ákærða, að hann hefði gerst sekur um þá háttsemi sem greindi í ákæru.

Dæmd viðurlög: Fésekt kr. 500.000, vararefsing 2 mánaða fangelsi.

Brot talin varða við 1. mgr. 40. gr. laga nr. 50/1988 um virðisaukaskatt.

Verknaðarlýsing í ákæru: A var gefið að sök að hafa brotið gegn lögum um virðisaukaskatt með því að hafa ekki staðið skil á virðisaukaskatti sem hann innheimti í sjálfstæðri starfsemi sinni á árunum 1992 og 1993, samtals að fjárhæð kr. 5.925.367, og gegn lögum um staðgreiðslu opinberra gjalda með því að hafa ekki staðið skil á staðgreiðslu opinberra gjalda sem haldið var eftir af launum starfsmanna ákærða á árinu 1993, samtals að fjárhæð kr. 1.272.863.

Sannað þótti, með skýlausri játningu ákærða, að hann hefði gerst sekur um þá háttsemi sem honum var gefin að sök. Dómurinn taldi að óhæfilegur dráttur hefði orðið á því að rannsókn málsins hæfist.

Dæmd viðurlög: 2 mánaða skilorðsbundið fangelsi. Fésekt kr. 1.500.000, vararefsing 2 mánaða fangelsi.

Brot talin varða við 1. mgr., sbr. 6. mgr. 40. gr. laga nr. 50/1988, um virðisaukaskatt, sjá nú 3. gr. laga nr. 42/1995 og 1. mgr. 262. gr. almennra hegningarlaga nr. 19/1940, sbr. 1. gr. laga nr. 39/1995 og 139. gr. laga nr. 82/1998, og við 1. mgr., sbr. 7. mgr. 30. gr. laga nr. 45/1987, um staðgreiðslu opinberra gjalda, sjá nú 2. mgr. 30. gr . laga nr. 45/1987, sbr. 2. gr. laga nr. 42/1995 og 1. mgr. 262. gr. almennra hegningarlaga, sbr. 1. gr. laga nr. 39/1995 og 139. gr. laga nr. 82/1998.

Verknaðarlýsing í ákæru: Ákærða var gefið að sök að hafa brotið gegn lögum um virðisaukaskatt með því að hafa ekki staðið skil á virðisaukaskatti sem hann hafði innheimt í sjálfstæðri starfsemi sinni á árinu 1994, samtals kr. 1.960.857.

Sannað þótti, með skýlausri játningu ákærða, að hann hefði gerst sekur um það atferli sem honum var gefið að sök í ákæru.

Dæmd viðurlög: 4 mánaða fangelsi, skilorðsbundið. Fésekt kr.700.000, vararefsing 60 daga fangelsi.

Brot talin varða við 1. mgr., sbr. 6. mgr. 40. gr. laga nr. 50/1988 um virðisaukaskatt, sjá 3. gr. laga nr. 42/1995 og 1. mgr. 262. gr. almennra hegningarlaga nr. 19/1940, sbr. 1. gr. laga nr. 39/1995 og 139. gr. laga nr. 82/1998.

Verknaðarlýsing í ákæru: Ákærða, sem stjórnarformanni og framkvæmdastjóra X hf., var gefið að sök að hafa brotið gegn lögum um staðgreiðslu opinberra gjalda með því að hafa ekki staðið skil á staðgreiðslu opinberra gjalda sem haldið var eftir af launum starfsmanna félagsins á árinu 1993, samtals kr. 2.169.594.

Talið sannað, með skýlausri játningu ákærða, að hann hefði gerst sekur um þau brot sem honum voru gefin að sök.

Dæmd viðurlög: Fésekt kr. 400.000, vararefsing 50 daga fangelsi.

Brot talin varða við 1. mgr., sbr. 7. mgr. 30. gr. laga nr. 45/1987 um staðgreiðslu opinberra gjalda, sjá 2. mgr. 30. gr. sömu laga, sbr. 2. gr. laga nr. 42/1995 og 1. mgr. 262. gr. almennra hegningarlaga nr. 19/1940, sbr. 1. gr. laga nr. 39/1995 og 139. gr. laga nr. 82/1998.

Verknaðarlýsing í ákæru: Ákærða var gefið að sök að hafa brotið gegn lögum um virðisaukaskatt í rekstri einkafirma síns, Y, með því að hafa ekki staðið skil á virðisaukaskatti fyrir uppgjörstímabil maí-júní og júlí–ágúst 1993, samtals kr. 6.483.293, og brot gegn lögum um staðgreiðslu opinberra gjalda með því að hafa ekki staðið skil á staðgreiðslu opinberra gjalda sem haldið hafði verið eftir af launum starfsmanna firmans í júní og júlí 1993, samtals kr. 983.505. Honum var einnig, sem daglegum stjórnanda X ehf., gefið að sök að hafa brotið gegn lögum um virðisaukaskatt með því að hafa ekki staðið skil á virðisaukaskatti fyrir uppgjörstímabilin janúar-febrúar til og með september-október 1995 og janúar-febrúar til og með júlí-ágúst 1996, samtals kr. 831.135, og brot gegn lögum um staðgreiðslu opinberra gjalda með því að hafa ekki staðið skil á staðgreiðslu opinberra gjalda sem haldið hafði verið eftir af launum starfsmanna félagsins fyrir greiðslutímabilin maí, júní, júlí, september og október 1996, samtals kr. 64.111.

Ákærði var talinn hafa gerst sekur um þá háttsemi sem honum var gefin að sök varðandi rekstur einkafirma síns. Hann var hins vegar sýknaður af þeirri háttsemi sem honum var gefin að sök varðandi X ehf. þar sem ekki þótti sannað að hann hefði verið daglegur stjórnandi félagsins, þannig að hann bæri ábyrgð á háttseminni.

Dæmd viðurlög: 5 mánaða fangelsi, skilorðsbundið.

Brot talin varða við 1. mgr., sbr. 6. mgr. 40. gr. laga nr. 50/1988 um virðisaukaskatt, sjá 3. gr. laga nr. 42/1995 og 1. mgr. 262. gr. almennra hegningarlaga nr. 19/1940, sbr. 1. gr. laga nr. 39/1995, sbr. einnig 139. gr. laga nr. 82/1998. Einnig við 1. mgr., sbr. 7. mgr. 30. gr. laga nr. 45/1987 um staðgreiðslu opinberra gjalda, sjá 2. mgr. 30. gr. laga nr. 45/1987, sbr. 2. gr. laga nr. 42/1995 og 1. mgr. 262. gr. almennra hegningarlaga nr. 19/1940, sbr. 1. gr. laga nr. 39/1995, sbr. einnig 139. gr. laga nr. 82/1998.

Verknaðarlýsing í ákæru: Ákærða, sem eiganda og framkvæmdastjóra X ehf., var gefið að sök að hafa brotið gegn lögum um staðgreiðslu opinberra gjalda með því að hafa ekki staðið skil á staðgreiðslu opinberra gjalda sem haldið hafði verið eftir af launum starfsmanna félagsins á árunum 1995 og 1996, samtals kr. 2.188.908. Ákærða var einnig gefinn fjárdráttur að sök.

Með skýlausri játningu ákærða taldist sannað að hann hefði gerst sekur um þá háttsemi sem greindi í ákæru.

Dæmd viðurlög: 5 mánaða fangelsi, skilorðsbundið. Fésekt kr. 4.000.000, vararefsing 3 mánaða fangelsi.

Skattalagabrot talin varða við 1. mgr., sbr. 7. mgr. 30. gr. laga nr. 45/1987 um staðgreiðslu opinberra gjalda, sjá 2. mgr. 30. gr. sömu laga, sbr. lög nr. 42/1995 og 1. mgr. 262. gr. almennra hegningarlaga nr. 19/1940.

Verknaðarlýsing í ákæru: Ákærða var gefið að sök að hafa brotið gegn lögum um virðisaukaskatt með því að hafa ekki tilkynnt um virðisaukaskattsskylda starfsemi sína, að hafa vanrækt að gera grein fyrir virðisaukaskattsskyldri sölu vöru og þjónustu skv. 79 reikningum á árunum 1992, 1993, 1994 og 1995, og að hafa ekki staðið skil á innheimtum virðisaukaskatti skv. þeim, samtals kr. 2.959.231. Brot gegn lögum um tekjuskatt og eignarskatt, lögum um tekjustofna sveitarfélaga og almennum hegningarlögum með því að hafa ekki tekjufært í bókhald tekjur skv. fyrrgreindum reikningum og þannig vantalið tekjur upp á samtals kr. 12.874.818. Jafnframt brot gegn bókhaldslögum með því að hafa látið undir höfuð leggjast að halda lögboðið bókhald fyrir starfsemi sína á árunum 1992, 1993, 1994 og 1995.

Ekki taldist sannað að ákærði hefði gerst sekur um vanrækslu á tilkynningu um virðisaukaskattsskylda starfsemi sína. Hann var því sýknaður af því ákæruatriði. Að öðru leyti þótti sannað að ákærði hefði gerst sekur um þá háttsemi sem greindi í ákæru. Hins vegar voru virðisaukaskattsbrot hans vegna ársins 1992 talin fyrnd þar sem hann var ekki yfirheyrður af skattrannsóknarstjóra ríkisins, rannsóknarlögreglustjóra ríkisins eða löglærðum fulltrúum þeirra innan fyrningarfrests.

Dæmd viðurlög: 6 mánaða fangelsi, skilorðsbundið. Fésekt kr. 2.000.000, vararefsing 3 mánaða fangelsi.

Brot talin varða við 1. mgr. sbr. 6. mgr. 40. gr. laga nr. 50/1988 um virðisaukaskatt, sbr. 3. gr. laga nr. 42/1995 og 1. mgr. 262. gr. almennra hegningarlaga nr. 19/1940, sbr. 1.gr. laga nr. 39/1995, sbr. 1. mgr. 2. gr. almennra hegningarlaga. Einnig við 1. mgr., sbr. 6. mgr. 107. gr. laga nr. 75/1981 um tekjuskatt og eignarskatt, sbr. 1. gr. laga nr. 42/1995 og 1. mgr. 262. gr. almennra hegningarlaga nr. 19/1940 og 24. gr. laga nr. 91/1989 um tekjustofna sveitarfélaga, sbr. 2. mgr. 22. gr. laga nr. 4/1995, og við 3. og 4. gr., sbr. 25. gr. laga nr. 51/1968 um bókhald, sbr. 262. gr. almennra hegningarlaga nr. 19/1940 og 1. og 3. tl. 1. mgr. 37. gr., sbr. 36. gr. laga nr. 145/1994 um bókhald, sbr. 1. gr. laga nr. 37/1995, sbr. 2. mgr. 262. gr. almennra hegningarlaga, sbr. 1. gr. laga nr. 39/1995.

Verknaðarlýsing í ákæru: Ákærða, sem framkvæmdastjóra og stjórnarformanni X hf., var gefið að sök að hafa brotið gegn lögum um virðisaukaskatt með því að hafa ekki staðið skil á virðisaukaskatti sem innheimtur hafði verið í nafni félagsins á árunum 1991 og 1993, samtals kr. 3.475.150.

Ákærði var sakfelldur fyrir þá háttsemi sem honum var gefin að sök. Sök hans var þó talin fyrnd hvað brot á árinu 1991 varðaði þar sem hann var ekki yfirheyrður af skattrannsóknarstjóra ríkisins, rannsóknarlögreglustjóra ríkisins eða löglærðum fulltrúum þeirra innan fyrningarfrests.

Dæmd viðurlög: 2 mánaða fangelsi, skilorðsbundið. Fésekt kr. 1.700.000, vararefsing 3 mánaða fangelsi.

Brot talin varða við 1. mgr., sbr. 6. mgr. 40. gr. laga nr. 50/1988 um virðisaukaskatt, sbr. 3. gr. laga nr. 42/1995 og 1. mgr. 262. gr. almennra hegningarlaga nr. 19/1940, sbr. 1. gr. laga nr. 39/1995.

Verknaðarlýsing í ákæru: Ákærðu, B sem stjórnarformanni X ehf., C sem stjórnarmanni og framkvæmdastjóra og A sem stjórnarmanni í félaginu, var gefið að sök að hafa brotið gegn lögum um virðisaukaskatt með því að hafa ekki staðið skil á virðisaukaskatti sem innheimtur var í nafni félagsins á árunum 1994 og 1995, samtals kr. 5.080.949.

B var sýknaður þar sem upplýst þótti að hann hefði ekki komið að ákvörðun um að greiða ekki þann virðisaukaskatt sem málið varðaði. C og A voru hins vegar sakfelldir fyrir þá háttsemi sem greindi í ákæru, að undanskildum vanskilum á virðisaukaskatti vegna uppgjörstímabilsins mars-apríl 1995 þar sem félagið hafði fengið heimild til nauðasamningsumleitana.

Dæmd viðurlög: C og A greiði hvor um sig fésekt kr. 1.450.000, vararefsing 2 mánaða fangelsi hvor.

Brot talin varða við 1. mgr. 40. gr. laga nr. 50/1988 um virðisaukaskatt, sbr. 3. gr. laga nr. 42/1995, sbr. 2. gr. almennra hegningarlaga nr. 19/1940.

Verknaðarlýsing í ákæru: Ákærða, sem framkvæmdastjóra og stjórnarmanni hlutafélagsins X, var gefið að sök að hafa brotið gegn lögum um virðisaukaskatt með því að hafa ekki staðið skil á virðisaukaskatti sem innheimtur var í nafni hlutafélagsins á árunum 1994 og 1995, samtals kr. 6.225.036. Einnig brot á lögum um staðgreiðslu opinberra gjalda með því að hafa ekki staðið skil á staðgreiðslu opinberra gjalda sem haldið hafði verið eftir af launum starfsmanna félagsins á árunum 1994 og 1995, samtals kr. 2.243.985.

Sannað taldist, með skýlausri játningu ákærða, að hann hefði gerst sekur um þá háttsemi sem lýst var í ákæru.

Dæmd viðurlög: 3 mánaða fangelsi, skilorðsbundið. Fésekt kr. 5.000.000, vararefsing 6 mánaða fangelsi.

Brot talin varða við 1. mgr, sbr. 6. mgr. 40. gr. laga nr. 50/1988 um virðisaukaskatt, sbr. 3. gr. laga nr. 42/1995 og 1. mgr. 262. gr. almennra hegningarlaga nr. 19/1940, sbr. 1. gr. laga nr. 39/1995. Einnig við 1. mgr., sbr. 7. mgr. 30. gr. laga nr. 45/1987 um staðgreiðslu opinberra gjalda, sjá 2. mgr. 30 gr. sömu laga, sbr. 2. gr. laga nr. 42/1995 og 1. mgr. 262. gr. almennra hegningarlaga, sbr. 1. gr. laga nr. 39/1995. Allt sbr. 2. gr. almennra hegningarlaga.

Verknaðarlýsing í ákæru: Ákærða, sem stjórnarformanni X hf., var gefið að sök að hafa brotið gegn lögum um staðgreiðslu opinberra gjalda með því að hafa ekki staðið skil á staðgreiðslu opinberra gjalda sem hann hélt eftir af launum starfsmanna félagsins á árinu 1993, samtals kr. 1.481.590.

Sekt ákærða talin sönnuð með skýlausri játningu hans.

Dæmd viðurlög: 5 mánaða fangelsi, skilorðsbundið.

Brot talin varða við 1. mgr., sbr. 7. mgr. 30. gr. laga nr. 45/1987 um staðgreiðslu opinberra gjalda, sjá 2. mgr. 30. gr. sömu laga, sbr. 2. gr. laga nr. 42/1995 og 1. mgr. 262. gr. almennra hegningarlaga nr. 19/1940, sbr. 1. gr. laga nr. 39/1995, sbr. 139. gr. laga nr. 82/1998.

Verknaðarlýsing í ákæru: Ákærða, sem framkvæmdastjóra og stjórnarmanni X ehf., var gefið að sök að hafa brotið gegn lögum um virðisaukaskatt með því að hafa ekki staðið skil á virðisaukaskatti sem innheimtur hafði verið í nafni félagsins á árunum 1995 og 1996, samtals kr. 2.742.119. Brot gegn lögum um staðgreiðslu opinberra gjalda með því að hafa ekki staðið skil á staðgreiðslu opinberra gjalda sem haldið hafði verið eftir af launum starfsmanna félagsins á árinu 1996, samtals kr. 775.561.

Ákærði var sakfelldur fyrir þá háttsemi sem honum var gefin að sök. Kr. 294.985 sem ákærði greiddi í álag vegna vangreidds virðisaukaskatts voru þó dregnar frá sektarfjárhæð sem ella hefði orðið. Þá var fallist á það með ákærða að gjöld, að upphæð kr. 1.568.069, sem hann greiddi hjá tollstjóranum í Reykjavík yrðu látin renna til greiðslu á virðisaukaskatti félagsins. Því var sú fjárhæð sem miðað var við ákvörðun sektarrefsingar talin nema kr. 879.065. Ákærði sýndi fram á það að hann hefði greitt að fullu þau gjöld sem ákæran laut að og var tekið tillit til þess við ákvörðun refsingar.

Dæmd viðurlög: 2 mánaða fangelsi, skilorðsbundið. Fésekt kr.1.700.000, vararefsing 3 mánaða fangelsi.

Verknaðarlýsing í ákæru: Ákærðu, B sem stjórnarformanni og A sem varamanni í stjórn Y hf. og báðum sem framkvæmdastjórum félagsins, var gefið að sök að hafa brotið gegn lögum um virðisaukaskatt með því að hafa ekki staðið skil á virðisaukaskatti sem innheimtur var í nafni félagsins á árunum 1991, 1992 og 1993, samtals kr. 7.265.638. Brot gegn lögum um bókhald og lögum um ársreikninga með því að hafa látið undir höfuð leggjast að halda lögboðið bókhald og gera ársreikninga vegna reksturs félagsins á árunum 1990, 1991, 1992 og 1993. Þá var ákærðu, B sem stjórnarformanni og A sem varamanni í stjórn X hf. og báðum sem framkvæmdastjórum félagsins, gefið að sök að hafa brotið gegn lögum um virðisaukaskatt með því að hafa ekki staðið skil á virðisaukaskatti sem félagið innheimti á árunum 1992 og 1993, samtals kr. 1.304.107. Brot gegn lögum um staðgreiðslu opinberra gjalda með því að hafa ekki staðið skil á staðgreiðslu opinberra gjalda sem haldið var eftir af launum starfsmanna félagsins á árinu 1993, samtals kr. 426.944, og brot gegn lögum um bókhald og lögum um ársreikninga með því að hafa látið undir höfuð leggjast að halda lögboðið bókhald og gera ársreikninga vegna reksturs félagsins á árunum 1992 og 1993. Ákærðu voru einnig gefnar að sök rangfærslur við virðisaukaskattsskil árið 1992 með því að hafa útbúið fyrir hönd Y hf. tilhæfulausan sölureikning á ákærða A að upphæð kr. 2.054.250, þar af virðisaukaskattur kr. 404.250 og þannig svikið síðastgreinda upphæð úr ríkissjóði.

Talið sannað, með skýlausum játningum ákærðu, að þeir hefðu gerst sekir um þá háttsemi sem þeim var gefin að sök í ákæru.

Dæmd viðurlög: 2 mánaða fangelsi hvor um sig, skilorðsbundið. Hvor um sig greiði 1.500.000 kr. fésekt, vararefsing 2 mánaða fangelsi fyrir hvorn ákærðu.

Brot talin varða við 1. mgr., sbr. 6. mgr. 40. gr. laga nr. 50/1988 um virðisaukaskatt, sjá 3. gr. laga nr. 42/1995 og 1. mgr. 262. gr. almennra hegningarlaga nr. 19/1940, sbr. 1. gr. laga nr. 39/1995. Einnig við 262. gr. almennra hegningarlaga nr. 19/1940, sbr. 25. gr. laga nr. 51/1968 um bókhald, sjá 1., 2., 3. og 5. tl. 1. mgr. 37. gr., sbr. 36. gr. laga nr. 145/1994 um bókhald, sbr. 1. gr. laga nr. 37/1995 um breytingu á þeim lögum, sbr. og 2. mgr. 262. gr. almennra hegningarlaga, sbr. 1. gr. laga nr. 39/1995, og við 1. tl. 1. mgr. 83. gr., sbr. 82. gr. laga nr. 144/1994 um ársreikninga, sbr. 3. gr. laga nr. 37/1995 um breytingu á þeim lögum, sbr. og 2. mgr. 262. gr. almennra hegningarlaga, sbr. 1. gr. laga nr. 39/1995. Jafnframt við 1. mgr., sbr. 7. mgr. 30. gr. laga nr. 45/1987 um staðgreiðslu opinberra gjalda, sjá 2. mgr. 30 gr. sömu laga, sbr. 2. gr. laga nr. 42/1995 og 1. mgr. 262. gr. almennra hegningarlaga, sbr. 1. gr. laga nr. 39/1995.

1995.

Verknaðarlýsing í ákæru: Ákærða, sem stjórnarformanni X hf., var gefið að sök að hafa brotið gegn lögum um virðisaukaskatt með því að hafa ekki staðið skil á virðisaukaskatti sem innheimtur hafði verið í nafni félagsins á árunum 1993 og 1994, samtals kr. 797.697. Brot gegn lögum um staðgreiðslu opinberra gjalda með því að hafa ekki staðið skil á staðgreiðslu opinberra gjalda sem haldið hafði verið eftir af launum starfsmanna félagsins á árinu 1994, samtals kr. 1.835.528. Sem stjórnarformanni Y ehf. var honum gefið að sök að hafa ekki staðið skil á virðisaukaskatti sem innheimtur hafði verið í nafni félagsins á árinu 1996, samtals kr. 518.866 og brot gegn lögum um staðgreiðslu opinberra gjalda með því að hafa ekki staðið skil á staðgreiðslu opinberra gjalda sem haldið var eftir af launum starfsmanna félagsins árið 1996, samtals kr. 1.156.843.

Sannað taldist, með skýlausri játningu ákærða, að hann hefði gerst sekur um þá háttsemi sem honum var gefin að sök í ákæru.

Dæmd viðurlög: 3 mánaða fangelsi, skilorðsbundið. Fésekt kr. 3.500.000, vararefsing 2 mánaða fangelsi.

Brot talin varða við 1. mgr. og 1. mgr., sbr. 6. mgr. 40. gr. laga nr. 50/1988 um virðisaukaskatt, sjá 3. gr. laga nr. 42/1995 og 1. mgr. 262. gr. almennra hegningarlaga nr. 19/1940, sbr. 1. gr. laga nr. 39/1995, og við 2. mgr. 30. gr. og 1. mgr., sbr. 7. mgr. 30. gr. laga nr. 45/1987 um staðgreiðslu opinberra gjalda, sjá 2. mgr. 30. gr. sömu laga, sbr. 2. gr. laga nr. 42/1995 og 1. mgr. 262. gr. almennra hegningarlaga nr. 19/1940.

Verknaðarlýsing í ákæru: Ákærða var gefið að sök að hafa brotið gegn lögum um virðisaukaskatt í rekstri einkafirma síns með því að hafa ekki staðið skil á virðisaukaskatti sem hann hafði innheimt í rekstri firmans á árunum 1991, 1992, 1993 og 1994, samtals kr. 4.368.555. Einnig bókhaldsbrot með því að hafa látið undir höfuð leggjast að semja ársreikninga fyrir einkafirmað á sama árabili.

Sannað taldist, með skýlausri játningu ákærða, að hann hefði gerst sekur um þau brot sem hann var ákærður fyrir. Virðisaukaskattsbrot ákærða vegna ársins 1991 til og með uppgjörstímabilsins september-október 1992 töldust hins vegar fyrnd þar sem hann var ekki yfirheyrður af löglærðum aðila innan fyrningarfrests og var ákærði því sýknaður af þeim. Bókhaldsbrot vegna áranna 1991 og 1992 töldust einnig fyrnd sem leiddi til sýknu af þeim hluta ákæru.

Dæmd viðurlög: 45 daga fangelsi, skilorðsbundið. Fésekt kr. 1.350.000, vararefsing 30 daga fangelsi.

Brot talin varða við 1. mgr., sbr. 6. mgr. 40. gr. laga nr. 50/1988 um virðisaukaskatt, sjá 3. gr. laga nr. 42/1995 og 1. mgr. 262. gr. almennra hegningarlaga nr. 19/1940, sbr. 1. gr. laga nr. 39/1995, og við 25. gr., sbr. 2. tölulið B-liðar 2. gr. og 18. gr. laga nr. 51/1958 um bókhald, sbr. 262. gr. almennra hegningarlaga, sjá 1., 2. og 5. tölulið 1. mgr. 37. gr., sbr. 36. gr. laga nr. 145/1994 um bókhald, sbr. 1. gr. laga nr. 37/1995, sbr. 2. mgr. 262. gr. almennra hegningarlaga, sbr. 1. gr. laga nr. 39/1995.

Verknaðarlýsing í ákæru: Ákærða var gefið að sök að hafa brotið gegn lögum um virðisaukaskatt með því að hafa ekki staðið skil á virðisaukaskatti sem hann hafði innheimt í sjálfstæðri starfsemi sinni á árunum 1990, 1991, 1992, 1993 og 1994, samtals kr. 3.360.875. Bókhaldsbrot með því að hafa látið undir höfuð leggjast að halda lögboðið bókhald og semja ársreikninga á sama árabili.

Virðisaukaskattsbrot ákærða vegna áranna 1990, 1991 og til og með uppgjörstímabilsins júlí-ágúst 1992 voru talin fyrnd þar sem hann var ekki yfirheyrður af löglærðum aðila innan fyrningarfrests. Ákærði var því sýknaður af þeim hluta ákærunnar. Bókhaldsbrot vegna áranna 1990 til og með 1993 voru einnig talin fyrnd og ákærði sýknaður af ákæru hvað þau snerti. Ákærði var sakfelldur að öðru leyti fyrir þau brot sem greindi í ákæru.

Dæmd viðurlög: 2 mánaða fangelsi, skilorðsbundið. Fésekt kr.600.000, vararefsing 60 daga fangelsi.

Brot talin varða við 1. mgr., sbr. 6. mgr. 40. gr. laga nr. 50/1988 um virðisaukaskatt, sjá 3. gr. laga nr. 42/1995 og 1. mgr. 262. gr. almennra hegningarlaga nr. 19/1940, og við 25. gr., sbr. 2. tl. b-liðar 2. gr. og 18. gr. laga nr. 51/1968 um bókhald, sbr. 262. gr. almennra hegningarlaga nr. 19/1940, sjá 1., 2. og 5. tl. 1. mgr. 37. gr., sbr. 36. gr. laga nr. 145/1994 um bókhald, sbr. 1. gr. laga nr. 37/1995 um breytingu á þeim lögum, sbr. og 2. mgr. 262. gr. almennra hegningarlaga nr. 19/1940, sbr. 1. gr. laga nr. 39/1995. Allt sbr. 2. gr. almennra hegningarlaga.