Verknaðarlýsing í ákæru: Ákærða var gefið að sök að hafa með saknæmum hætti vantalið tekjur á skattframtölum sínum gjaldárin 1991, 1992 og 1993 um a.m.k. kr. 9.131.548 samkvæmt ótekjufærðum reikningum fyrir útselda vinnu í sjálfstæðri starfsemi sinni. Leiddi það til lægri álagningar og greiðslu á tekjuskatti og útsvari en vera bar um samtals kr. 3.606.961, án álags. Ákærða var einnig gefið að sök að hafa vantalið virðisaukaskattsskylda veltu sína um a.m.k. kr. 9.131.548, sem leiddi til þess að hann komst hjá því að greiða til ríkissjóðs kr. 2.237.229 virðisaukaskatt af þeirri fjárhæð.

Dómurinn taldi sannað, með skýlausri játningu ákærða, að hann hefði gerst sekur um þau brot sem honum voru gefin að sök í ákæru.

Dæmd viðurlög: 4 mánaða varðhald, óskilorðsbundið. Fésekt kr. 4.000.000, vararefsing 8 mánaða varðhald.

Brot talin varða við 1. mgr., sbr. 6. mgr. 107. gr. laga nr. 75/1981, um tekjuskatt og eignarskatt, sbr. 1. gr. laga nr. 42/1995 og 262. gr. almennra hegningarlaga nr. 19/1940, sbr. 1. gr. laga nr. 39/1995, sbr. 24. gr. laga nr. 91/1989, um tekjustofna sveitarfélaga, sbr. ákvæði laga nr. 90/1990, og við 1. mgr., sbr. 6. mgr. 40. gr. laga nr. 50/1988 um virðisaukaskatt, sjá 3. gr. laga nr. 42/1995 og 262. gr. almennra hegningarlaga nr. 19/1940, sbr. 1. gr. laga nr. 39/1995.

Verknaðarlýsing í ákæru: Ákærða, sem framkvæmdastjóra X hf., var gefið að sök að hafa brotið gegn lögum um staðgreiðslu opinberra gjalda með því að hafa við staðgreiðsluskil á opinberum gjöldum starfsmanna félagsins árið 1993, afhent innheimtumanni ríkissjóðs rangar skilagreinar þar sem launagreiðslur félagsins alla mánuði ársins utan september, október og desember voru vantaldar og með þeim hætti frestað því að gera fullnaðarskil á verulegum hluta þess skilaskylda staðgreiðslufjár sem haldið hafði verið eftir af launum starfsmanna skv. lögum nr. 45/1987, þannig að vangoldin afdregin skilaskyld staðgreiðsla fyrir árið 1993 eftir að lokaskilagrein vegna desember hafði borist nam samtals kr. 7.264.016.

Dómurinn taldi sök ákærða sannaða.

Dæmd viðurlög: 30 daga skilorðsbundið varðhald.

Brot talin varða við 1. mgr., sbr. 7. mgr. 30. gr. laga nr. 45/1987 um staðgreiðslu opinberra gjalda, sbr. 2. gr. laga nr. 42/1995.

Verknaðarlýsing í ákæru: Ákærða var gefið að sök að hafa brotið gegn lögum um virðisaukaskatt með því að hafa ekki staðið skil á virðisaukaskatti innheimtum á árunum 1994 og 1995, samtals að fjárhæð kr. 888.901.

Málinu lokið með sektargerð dómara í framhaldi af játningu ákærðu.

Ákvörðuð viðurlög: Fésekt kr. 440.000, vararefsing 30 daga varðhald.

Brot talin varða við 1. mgr. 40. gr. laga nr. 50/1988 um virðisaukaskatt, sbr. 3. gr. laga nr. 42/1995.

Verknaðarlýsing í ákæru: Ákærða var gefið að sök að hafa brotið gegn lögum um virðisaukaskatt með því að hafa ekki staðið skil á virðisaukaskatti innheimtum á árunum 1992 og 1993, samtals að fjárhæð kr. 580.080.

Málinu lokið með sektargerð dómara í framhaldi af játningu ákærða.

Ákvörðun viðurlaga: Fésekt kr. 250.000, vararefsing 30 daga varðhald.

Brotin talin varða við 1. mgr. 40. gr. laga nr. 50/1988 um virðisaukaskatt, sbr. 3. gr. laga nr. 42/1995.

Verknaðarlýsing í ákæru: Ákærðu A, sem framkvæmdastjóra X hf., og B, sem ásamt A sá um fjármál félagsins, var gefið að sök að hafa brotið gegn lögum um staðgreiðslu opinberra gjalda með því að hafa við útborgun launa á tímabilinu maí til og með nóvember 1993 ekki afhent á lögmæltum tíma skilagreinar vegna staðgreiðslu opinberra gjalda og ekki staðið innheimtumanni ríkissjóðs skil á þeim greiðslum, sem haldið hafði verið eftir af launum starfsmanna félagsins, samtals að fjárhæð kr. 2.686.206.

Málinu lokið með sektargerð dómara í framhaldi af játningu ákærðu.

Ákvörðuð viðurlög: Ákærðu greiði hvor um sig kr. 675.000 í sekt, vararefsing 70 daga varðhald.

Brot talin varða við 1. mgr. 30. gr. laga nr. 45/1987 um staðgreiðslu opinberra gjalda, sbr. 2. gr. laga nr. 42/1995.

Verknaðarlýsing í ákæru: Ákærða, sem framkvæmdastjóra X hf., var gert að sök að hafa brotið gegn lögum um virðisaukaskatt með því að hafa ekki staðið innheimtumanni ríkissjóðs skil á innheimtum virðisaukaskatti félagsins að frádregnum innskatti fyrir mánuðina júlí og ágúst 1992 sem skv. virðisaukaskattsskýrslu var kr. 2.301.689. Brot á lögum um staðgreiðslu opinberra gjalda með því að hafa ekki staðið ríkissjóði skil á kr. 352.990 sem hann hafði í október og nóvember 1992 haldið eftir af launum starfsmanna fyrirtækisins. Þá voru ákærða gefin að sök skilasvik og fjárdráttur.

Dómurinn taldi sannað að ákærði hefði gerst sekur um þau brot á lögum um virðisaukaskatt sem greindi í ákæru. Hann var hins vegar sýknaður af ákæru um brot á lögum um staðgreiðslu opinberra gjalda þar sem málsskjöl þóttu ekki nægjanlega skýr og ekki var talið nægjanlega sannað gegn neitun ákærða að hann hefði haldið eftir launum starfsmanna þannig að varðaði hann refsiábyrgð. Ákærði var sakfelldur fyrir skilasvik og fjárdrátt.

Dæmd viðurlög: 8 mánaða fangelsi, allt skilorðsbundið. Fésekt kr. 1.100.000, vararefsing 3 mánaða fangelsi.

Skattalagabrotin talin varða við 1. mgr., sbr. 6. mgr. 40. gr. laga nr. 50/1988, sbr. 3. gr. laga nr. 42/1995 og 262. gr. almennra hegningarlaga nr. 19/1940, sbr. 2. gr. sömu laga.

Verknaðarlýsing í ákæru: Ákærða, sem stjórnarformanni og framkvæmdastjóra X hf., var gefið að sök að hafa brotið gegn lögum um staðgreiðslu opinberra gjalda með því að hafa við útborgun launa á tímabilinu janúar til og með júlí 1993 ekki staðið ríkissjóði skil á kr. 2.232.782 sem hann hafði haldið eftir af launum starfsmanna félagsins. Brot á lögum um virðisaukaskatt með því að hafa ekki staðið innheimtumanni ríkissjóðs skil á virðisaukaskatti sem félagið hafði innheimt frá janúar til og með október 1993, að fjárhæð kr. 3.770.299. Ákærða var einnig gefinn fjárdráttur að sök.

Dómurinn taldi sannað, með skýlausri játningu ákærða, að hann hefði gerst sekur um þá háttsemi sem greindi í ákæru.

Dæmd viðurlög: 2 mánaða fangelsi, allt skilorðsbundið. Fésekt kr. 2.800.000, vararefsing 5 mánaða varðhald.

Skattalagabrot talin varða við 1. mgr. 30. gr. laga nr. 45/1987 um staðgreiðslu opinberra gjalda, sbr. 2. mgr. 2. gr. laga nr. 42/1995 og 1. mgr. 40. gr. laga nr. 50/1988 um virðisaukaskatt, sbr. 3. gr. laga nr. 42/1995.

Verknaðarlýsing í ákæru: Ákærða voru gefin að sök brot á lögum um söluskatt fólgin í því að hafa á árunum 1987 og 1988, með því að rangfæra söluskattsskýrslur, dregið undan a.m.k. kr. 20.352.774 af söluskattsskyldri vörusölu einkafyrirtækis síns sem leiddi til þess að fyrirtækið komst hjá því að greiða til ríkissjóðs kr. 4.070.553 í sölugjald. Þá voru honum gefnar að sök, sem stjórnarformanni og framkvæmdastjóra X hf., rangfærslur við söluskattsskil félagsins á tímabilinu júlí 1988 til októberloka 1989 með því að hafa dregið undan á söluskattsskýrslum þess a.m.k. kr. 42.797.454 af söluskattsskyldri vörusölu félagsins þannig að það komst hjá að greiða ríkissjóði kr. 8.559.491 í sölugjald.

Dómurinn taldi sannað að ákærði hefði gerst sekur um þá háttsemi sem greindi í ákæru.

Dæmd viðurlög: 9 mánaða fangelsi, allt skilorðsbundið. Fésekt kr. 6.300.000, vararefsing 11 mánaða fangelsi.

Brot talin varða við 1. sbr. og 6. mgr. 25. gr. laga um söluskatt nr. 10/1960, sbr. 4. gr. laga nr. 33/1982, sbr. til hliðsjónar 40. gr. laga um virðisaukaskatt nr. 50/1988, sbr. 262. gr. almennra hegningarlaga nr. 19/1940, sbr. lög nr. 39/1995, sbr. 1. mgr. in fine 2. gr. almennra hegningarlaga nr. 19/1940.

Verknaðarlýsing í ákæru: Ákærða, sem stjórnarformanni og framkvæmdastjóra X hf., var gefið að sök að hafa brotið gegn lögum um virðisaukaskatt með því að hafa ekki afhent skattyfirvöldum skattskýrslur félagsins á lögmæltum tíma árið 1990 og að hafa ekki staðið innheimtumanni ríkissjóðs skil á kr. 1.305.444 af þeim virðisaukaskatti sem félagið hafði innheimt það ár. Jafnframt bókhaldsbrot, með því að hafa allan rekstrartíma félagsins vanrækt að halda lögskipað bókhald og semja ársreikninga fyrir félagið. Ákærða voru einnig gefin skilasvik að sök.

Dómurinn taldi sannað að ákærði hefði gerst sekur um þau brot sem honum voru gefin að sök.

Dæmd viðurlög: 6 mánaða fangelsi, allt skilorðsbundið. Fésekt kr. 500.000, vararefsing 3 mánaða fangelsi.

Skattalagabrotin talin varða við 1. mgr., sbr. 6. mgr. 40. gr. laga nr. 50/1988 um virðisaukaskatt, sbr. 3. gr. laga nr. 42/1995, og við 262. gr. almennra hegningarlag nr. 19/940, sbr. 25. gr. laga nr. 51/1968, sbr. 2. gr. 10. gr., sbr. 22. gr. laga nr. 145/1994 og laga nr. 37/1995

Verknaðarlýsing í ákæru: Ákærða, sem stjórnarformanni og framkvæmdastjóra X hf., var gefið að sök að hafa brotið gegn lögum um staðgreiðslu opinberra gjalda með því að hafa við útborgun launa í mánuðunum júní, júlí og ágúst 1993 ekki staðið ríkissjóði skil á kr. 298.755 sem hann hafði haldið eftir af launum starfsmanna félagsins. Þá voru honum gefin að sök brot á lögum um virðisaukaskatt með því að hafa ekki staðið innheimtumanni ríkissjóðs skil á þeim virðisaukaskatti sem félagið hafði innheimt í maí og júní 1993 að fjárhæð 1.371.801 kr. Honum var einnig gefinn fjárdráttur að sök.

Málinu lokið með sektargerð dómara í kjölfar játningar ákærða.

Ákvörðuð viðurlög: Fésekt kr. 850.000, vararefsing 60 daga varðhald.

Skattalagabrotin vörðuðu við 2. mgr. 30. gr. laga nr. 45/1987 um staðgreiðslu opinberra gjalda, sbr. 2. gr. laga nr. 42/1995 og 1. mgr. 40. gr. laga nr. 50/1988 um virðisaukaskatt, sbr. 3. gr. laga nr. 45/1995.

Verknaðarlýsing í ákæru: Ákærða var gefið að sök að hafa brotið gegn lögum um virðisaukaskatt með því að hafa ekki staðið innheimtumanni ríkissjóðs skil á virðisaukaskatti innheimtum á tímabilinu mars 1992 til febrúarloka 1993, samtals kr. 1.328.297.

Málinu lokið með sektargerð dómara í kjölfar játningar ákærða.

Ákvörðuð viðurlög: Fésekt kr. 650.000, vararefsing 30 daga varðhald.

Háttsemi ákærða talin varða við 1. mgr. 40. gr. laga nr. 50/1988 um virðisaukaskatt, sbr. 3. gr. laga nr. 42/1995.

Verknaðarlýsing í ákæru: Ákærða var gefið að sök að hafa í sjálfstæðum rekstri sínum vantalið með saknæmum hætti á framtalsárunum 1991 og 1992, tekjur að fjárhæð kr. 1.800.965. Álagning tekjuskatts og útsvars á hann af þeim sökum hafi orðið kr. 711.377 lægri en rétt var.

Málinu lokið með sektargerð dómara í kjölfar játningar ákærða.

Ákvörðuð viðurlög: Fésekt kr. 450.000, vararefsing 55 daga varðhald.

Brot talin varða við 1. mgr. 107. gr. laga nr. 75/1981, um tekjuskatt og eignarskatt, sbr. 24. gr. laga nr. 90/1990, um tekjustofna sveitarfélaga, sbr. ákvæði laga nr. 4/1995 sama efnis.

Verknaðarlýsing í ákæru: Ákærða, sem framkvæmdastjóra og stjórnarformanni X hf., voru gefin að sök brot gegn lögum um virðisaukaskatt með því að hafa ekki á árinu 1992 staðið skil á innheimtum virðisaukaskatti að fjárhæð kr. 2.142.176. Jafnframt brot gegn lögum um staðgreiðslu opinberra gjalda með því að hafa á tímabilinu frá maí 1992 til febrúar 1993 ekki staðið ríkissjóði skil á kr. 1.502.850 sem hann hafði haldið eftir af launum starfsmanna félagsins.

Dómurinn taldi sannað að ákærði hefði gerst sekur um þá háttsemi sem greindi í ákæru.

Dæmd viðurlög. Fésekt kr. 1.000.000, vararefsing 3 mánaða varðhald.

Brotin voru talin varða við 1. mgr. 40. gr. laga nr. 50/1988 um virðisaukaskatt og 1. mgr. 30. gr. laga nr. 45/1987 um staðgreiðslu opinberra gjalda.

Verknaðarlýsing í ákæru: Ákærða A, sem stjórnarformanni X hf., og ákærða B, sem framkvæmdastjóra félagsins, voru gefin að sök brot á lögum um virðisaukaskatt með því að hafa ekki á árunum 1992 og 1993 staðið skil á innheimtum virðisaukaskatti, alls kr. 1.621.788. Einnig brot á lögum um staðgreiðslu opinberra gjalda með því að hafa á árinu 1992 ekki staðið ríkissjóði skil á kr. 619.074 sem haldið hafði verið eftir af launum starfsmanna fyrirtækisins. Þá var ákærðu gefinn fjárdráttur að sök.

Dómurinn taldi sannað að ákærðu hefðu gerst sekir um þá háttsemi sem greindi í ákæru.

Dæmd viðurlög: Hvor um sig látinn sæta fangelsi í 3 mánuði, allt skilorðsbundið. Fésekt hvors ákærðu kr. 900.000, vararefsing 2 mánaða fangelsi fyrir hvorn um sig.

Skattalagabrotin talin varða við 1. mgr., sbr. og 6. mgr. 40. gr. laga nr. 50/1988 um virðisaukaskatt og 1. mgr. 30. gr. laga nr. 45/1987 um staðgreiðslu opinberra gjalda.

Verknaðarlýsing í ákæru: Ákærða voru, sem framkvæmdastjóra X hf., gefin að sök brot á lögum um virðisaukaskatt, fólgin í því að hafa á árunum 1990, 1991 og 1992 ekki staðið innheimtumanni ríkissjóðs skil á innheimtum virðisaukaskatti félagsins að frádregnum innskatti sem skv. virðisaukaskattsskýrslum var kr. 13.995.540. Að hafa brotið gegn lögum um staðgreiðslu opinberra gjalda með því að hafa á árunum 1990, 1991 og 1992 ekki staðið ríkissjóði skil á kr. 11.383.746 sem hann hafði haldið eftir af launum starfsmanna félagsins. Þá var ákærða gefið að sök að hafa, sem framkvæmdastjóri Y hf., brotið gegn lögum um virðisaukaskatt með því að hafa á árinu 1990 ekki staðið innheimtumanni ríkissjóðs skil á virðisaukaskatti þeim sem félagið hafði innheimt og að frádregnum innskatti samkvæmt virðisaukaskattsskýrslum var að fjárhæð kr. 1.724.281. Að hafa ekki staðið ríkissjóði skil á 796.674 kr. sem hann hafði haldið eftir af launum starfsmanna félagsins á árinu 1990. Ákærða var einnig gefinn fjárdráttur að sök.

Talið var sannað, með skýlausri játningu ákærða, að hann hefði gerst sekur um þá háttsemi sem honum var gefin að sök.

Dæmd viðurlög: 15 mánaða fangelsi, þar af 12 mánuðir skilorðsbundnir. Fésekt kr. 3.000.000, vararefsing 6 mánaða fangelsi.

Skattalagabrotin voru talin varða við 1. mgr., sbr. og 6. mgr. 40. gr. laga nr. 50/1988 um virðisaukaskatt og 1. mgr. og 1. sbr. og 7. mgr. 30. gr. laga nr. 45/1987 um staðgreiðslu opinberra gjalda.

Verknaðarlýsing í ákæru: Ákærða, sem stjórnarformanni og framkvæmdastjóra X hf., voru gefin að sök eftirtalin brot á lögum um virðisaukaskatt: Að því að hafa útbúið þrjá reikninga eftir reikningum á hendur X hf. með óbreyttum reikningsnúmerum og dagsetningum, en með hærri fjárhæðum en á hinum raunverulegu reikningum og notað þá í bókhaldi fyrirtækisins í því skyni að hækka innskatt og lækka þannig greiðsluskyldu virðisaukaskatts um sömu fjárhæð. Mismunur nam kr. 662.793. Að hafa staðið skil á röngum virðisaukaskattsskýrslum fyrir uppgjörstímabilin september-október og nóvember-desember 1992. Hann hafi vantalið skattskylda veltu um kr. 5.536.610 og útskatt um kr. 1.089.601.

Talið sannað, með skýlausri játningu ákærða, að hann hefði gerst sekur um þá háttsemi sem honum var gefin að sök.

Dæmd viðurlög: 3 mánaða skilorðsbundið fangelsi.

Brot talin varða við 1. mgr. og. 6. mgr. 40. gr. laga nr. 50/1988 um virðisaukaskatt.

Verknaðarlýsing í ákæru: Ákærða var gefið að sök að hafa með saknæmum hætti vantalið á skattframtölum sínum á framtalsárunum 1989, 1990 og 1991 15.800.000 kr. í tekjur af sjálfstæðri starfsemi sinni á árunum 1988, 1989 og 1990. Þetta hafi leitt til lægri álagningar og greiðslu á tekjuskatti og útsvari en vera bar um 5.982.050 kr. Ákærði hafði sætt endurákvörðun tekjuskatts og útsvars af tekjum framangreindra ára og greitt úrskurðaða hækkun að fullu.

Ákærði var talinn hafa gerst sekur um þá háttsemi sem honum var gefin að sök í ákæru, þó þannig að vantaldar tekjur hans þóttu ekki nema hærri fjárhæð en 15.421.674 kr.

Dæmd viðurlög: 3 mánaða varðhald, allt skilorðsbundið. Fésekt kr. 3.000.000, vararefsing 6 mánaða varðhald.

Háttsemi ákærða var talin varða við 1. mgr., sbr. 6. mgr. 107. gr. laga um tekjuskatt og eignarskatt nr. 75/1981, sbr. og 24. gr. laga um tekjustofna sveitarfélaga nr. 73/1980, sbr. lög nr. 90/1990.

Verknaðarlýsing í ákæru: Ákærða var gefið að sök að hafa, sem framkvæmdastjóri og stjórnarformaður X hf., ekki staðið innheimtumanni ríkissjóðs skil á virðisaukaskatti sem hann innheimti á árinu 1990, alls 1.022.622 kr. Honum var einnig gefinn fjárdráttur að sök.

Talið var sannað, með skýlausri játningu ákærða, að hann hefði gerst sekur um þá háttsemi sem honum var gefin að sök í ákæru.

Dæmd viðurlög: 3 mánaða skilorðsbundið fangelsi. Fésekt kr. 500.000, vararefsing 60 daga fangelsi.

Skattalagabrot ákærða voru talin varða við 1. mgr. 40. gr. laga nr. 50/1988 um virðisaukaskatt.

Verknaðarlýsing í ákæru: Ákærða, sem var stjórnarformaður og framkvæmdastjóri X hf., voru gefin að sök eftirfarandi skattalagabrot: Brot á lögum um staðgreiðslu opinberra gjalda með því að hafa í janúar til júlí, október til desember 1991 og janúar 1992 vanrækt að standa skil á fé sem haldið var eftir af launum til greiðslu á opinberum gjöldum, en notað það fé, samtals 261.658 kr., í rekstur X hf. Fyrir brot á lögum um virðisaukaskatt með því að hafa ekki staðið skil á þeim virðisaukaskatti sem félagið hafði innheimt á tímabilinu janúar til apríl 1992, samtals kr. 108.612. Ákærða voru einnig gefin að sök skilasvik, röng tilkynning til hlutafélagaskrár og fjárdráttur.

Dómurinn taldi sannað að ákærði hefði gerst sekur um þau skattalagabrot sem honum voru gefin að sök í ákæru. Hann var einnig sakfelldur fyrir fjárdrátt, en hins vegar sýknaður af ákæru um skilasvik og ranga tilkynningu til hlutafélagaskrár.

Dæmd viðurlög: 2 mánaða fangelsi, skilorðsbundið. Fésekt kr. 100.000, vararefsing 30 daga varðhald.

Skattalagabrotin voru talin varða við 1. mgr. 30. gr. laga nr. 45/1987 um staðgreiðslu opinberra gjalda og 1. mgr. 40. gr. laga nr. 50/1988 um virðisaukaskatt.

Verknaðarlýsing í ákæru: Ákærða var gefið að sök að hafa, sem framkvæmdastjóri X hf., ranglega tilgreint á virðisaukaskattsskýrslu - bráðabirgðaskýrslu fyrirtækis, fyrir uppgjörstímbilið 1. til 5. september 1993 og dagsettri 6. september 1993, hráefniskaup að fjárhæð kr. 25.920.120 og innskatt af þeim að fjárhæð kr. 6.350.429, og afhent þá skýrslu skattstjóranum í Reykjanesumdæmi í því skyni að félagið fengi endurgreidda innskattsfjárhæðina sem virðisaukaskatt af hráefniskaupum, sem ekki höfðu verið gerð í reynd. Var synjað um þá greiðslu með úrskurði skattstjóra og fékk ákærði þannig féð ekki í hendur.

Ákærði fundinn sekur um þá háttsemi sem greindi í ákæru.

Dæmd viðurlög: 7 mánaða fangelsi, skilorðsbundið. Fésekt kr. 500.000, vararefsing 3 mánaða fangelsi.

Brot talin varða við 2. mgr., sbr. 6. mgr. 40. gr. laga nr. 50/1988 um virðisaukaskatt.

Verknaðarlýsing í ákæru: Ákærða var gefið að sök að hafa vantalið með saknæmum hætti á skattframtali sínu vegna ársins 1991, tekjur að fjárhæð kr. 2.493.002. Álagning tekjuskatts og útsvars á hann hafi af þeim sökum orðið kr. 991.965 lægri en rétt var.

Málinu lokið með sektargerð dómara í framhaldi af játningu ákærða.

Ákvörðuð viðurlög: Fésekt kr. 700.000, vararefsing 2 mánaða varðhald.

Brot talin varða við 1. mgr. 107. gr. laga nr. 75/1981, um tekjuskatt og eignarskatt, sbr. 24. gr. laga nr. 91/1989, um tekjustofna sveitarfélaga, sbr. ákvæði laga nr. 90/1990, sama efnis.

Verknaðarlýsing í ákæru: Ákærða var gefið að sök að hafa vantalið með saknæmum hætti á skattframtölum sínum á framtalsárunum 1989, 1990 og 1991 tekjur af sjálfstæðri atvinnustarfsemi sinni að fjárhæð 6.088.000 kr. Þetta hefði leitt til lægri álagningar og greiðslu á tekjuskatti og útsvari en vera bar, svo næmi 2.340.094 kr.

Málinu lokið með sektargerð dómara í framhaldi af játningu ákærða.

Ákvörðuð viðurlög: Fésekt kr. 1.300.000, vararefsing 4 mánaða varðhald.

Brotin voru talin varða við 107. gr. laga um tekjuskatt og eignarskatt nr. 75/1981, sbr. 24. gr. laga um tekjustofna sveitarfélaga nr. 91/1989, sbr. lög nr. 90/1990, og 30 gr. laga um staðgreiðslu opinberra gjalda nr. 45/1987.

Verknaðarlýsing í ákæru: Ákærðu var gefið að sök að hafa, sem stjórnarmenn og framkvæmdastjórar X hf., á árunum 1986, 1987 og 1988 dregið undan söluskattsskylda veltu á söluskattsskýrslum félagsins sem ekki var skilað á réttum tíma, ásamt því að skila ekki innheimtumanni ríkisins þeim söluskatti sem þeir höfðu innheimt eða bar að innheimta, með þeim afleiðingum að undanfelldur söluskattur á skýrslum og greiðslu nam 6.233.500 kr. sem glataðist við gjaldþrot félagsins á árinu 1989. Þá var þeim gefið að sök að hafa ekki haldið lögskipað bókhald fyrir hlutafélagið á árunum 1986 og 1987 og því ekki samið lögboðna ársreikninga fyrir þau ár.

Dómurinn taldi sannað að ákærðu hefðu gerst sekir um þá háttsemi sem greinir í ákæru og lýtur að undandrætti og vanskilum á söluskatti, að því undanskildu að talið var að undanfelldur söluskattur á skýrslum og greiðslu væri 945.783 kr. lægri en í ákæru. Dómurinn taldi að ekki væru efni til að sakfella ákærðu fyrir stórfellt hirðuleysi á færslu eða vörslu bókhalds árin 1986 og 1987. Hins vegar hafi þeir gerst sekir um að hafa ekki samið lögboðinn ársreikning fyrir árið 1987.

Dæmd viðurlög: Hvor um sig látinn sæta 5 mánaða fangelsi, þar af 3 mánuðir skilorðsbundnir. Hvorum ákærðu gert að greiða 2.500.000 kr. fésekt, vararefsing hvors um sig 5 mánaða fangelsi.

Brotin voru talin varða við 1. og 6. mgr. 25. gr. laga um söluskatt nr. 10/1960, sbr. 4. gr. laga nr. 33/1982, sbr. til hliðsjónar 40 gr. laga um virðisaukaskatt nr. 50/1988, sbr. 1. mgr. in fine 2. gr. almennra hegningarlaga nr. 19/1940. Einnig við 262. gr. almennra hegningarlaga nr. 19/1940, sbr. 25. gr. laga um bókhald nr. 51/1968.

Verknaðarlýsing í ákæru: Ákærðu voru gefin að sök skattsvik, í sjálfstæðri starfsemi sinni, með því að hafa vanrækt að skila söluskatti af seldri þjónustu sinni að fjárhæð a.m.k. 3.423.954 kr. og leynt undandrættinum með röngum söluskattsskýrslum. Undandráttur hafi numið alls a.m.k. 366.842 kr. Ákærðu var jafnframt gefið að sök að hafa útbúið og afhent skattyfirvöldum á árunum 1988 til 1990 skattframtöl og ársreikninga fyrir sjálfstæðan rekstur sinn á árunum 1987 til 1989, þar sem hún vantaldi hreinar rekstrartekjur um a.m.k. 3.481.722 kr. Þá voru henni gefin að sök margháttuð bókhaldsbrot á árunum 1987, 1988 og 1989. Ákærðu var einnig gefinn fjárdráttur að sök.

Dómurinn fann ákærðu seka um þá háttsemi sem greindi í ákæru. Andlag fjárdráttarins taldist þó lægra en þar kom fram og ákveðnum þáttum þeirra bókhaldsbrota sem ákært var fyrir var vísað frá dómi eða fallið frá þeim við flutning málsins.

Dæmd viðurlög: 9 mánaða fangelsi, þar af 6 mánuðir skilorðsbundnir. Fésekt kr. 100.000, vararefsing 28 daga fangelsi. Ákærða var einnig svipt starfsleyfi í 2 ár.

Skattalagabrot ákærðu voru talin varða við 1. mgr., sbr. 6. mgr. 25. gr. laga um söluskatt nr. 10/1960, sbr. til hliðsjónar 40. gr. laga um virðisaukaskatt nr. 50/1987, sbr. 1. mgr. in fine 2. gr. almennra hegningarlaga nr. 19/1940, sbr. og 138. gr. sömu laga, 1. og 6. mgr. 107. gr. laga um tekju- og eignarskatt nr. 75/1981 og 2. mgr. 24. gr. laga nr. 73/1980 um tekjustofna sveitarfélaga. Einnig við 1. mgr.4. gr. og 1. mgr. 5. gr. laga nr. 51/1968 um bókhald og 158. gr. almennra hegningarlaga nr. 19/1940, sbr. 138. gr. sömu laga.

Verknaðarlýsing í ákæru: Ákærða var gefið að sök að hafa, sem framkvæmdastjóri og einkaeigandi fyrirtækisins X, á árunum 1984, 1985 og janúar til og með maí 1986 vanrækt að skila söluskattsskýrslum nema fyrir janúar 1984, en samkvæmt þeirri skýrslu var engin sala, og þannig skotið undan allri söluskattsskyldri veltu fyrirtækisins sem skv. áætlun ríkisskattstjóra nam á tímabilinu kr. 9.480.000. Þessi háttsemi hefði leitt til þess að ákærði komst hjá að greiða til ríkissjóðs kr. 1.845.899 í sölugjald. Einnig var honum gefið að sök að hafa látið hjá líða að færa lögskipað bókhald fyrir starfsemi sína og efnahag og semja lögskipaða ársreikninga á umræddu tímabili.

Ákærði fundinn sekur um þá háttsemi sem greindi í ákæru.

Dæmd viðurlög: Fangelsi í 6 mánuði. Fésekt 2.000.000 kr., vararefsing 5 mánaða fangelsi.

Brot ákærða voru talin varða við 1. og 2. mgr., sbr. 6. mgr. 25. gr. laga nr. 10/1960 um söluskatt, sbr. 4. gr. laga nr. 33/1982, sbr. til hliðsjónar 40. gr. laga um virðisaukaskatt nr. 50/1988, sbr. 1. mgr. in fine 2. gr. almennra hegningarlaga nr. 19/1940. Einnig við 1. mgr. 3. gr., 1. mgr. 4. gr. og 1. og 2. mgr. 5. gr. og 1. mgr. 18. gr., sbr. 25. gr. laga nr. 51/1968 um bókhald, sbr. 262. gr. almennra hegningarlaga nr. 19/1940.

Verknaðarlýsing í ákæru: Ákærðu var gefið að sök að hafa í auðgunarskyni í sameiningu sent inn á tímabilinu frá 14. maí til 5. ágúst og 24. október til 22. nóvember 1990 til skattstjórans í Reykjanesumdæmi bráðabirgðaskýrslur varðandi virðisaukaskatt og endurgreiðslur vegna innskatts af keyptu hráefni, án þess að nokkur hráefniskaup stæðu að baki. Með þessum hætti hafi ákærðu svikið frá ríkissjóði samtals kr. 3.220.059. Þá var ákærðu gefið að sök að hafa á tímabilinu frá mars til og með nóvember 1990 látið hjá líða að halda lögskylt bókhald yfir starfsemi sína.

Ákærðu fundust sek um þá háttsemi sem greindi í ákæru.

Dæmd viðurlög: Ákærði A dæmdur í 7 mánaða fangelsi, þar af 3 mánuðir skilorðsbundnir. Ákærða B dæmd í 4 mánaða fangelsi, allt skilorðsbundið. Ákærðu voru einnig dæmd til greiðslu 3.062.120 kr. í skaðabætur til ríkissjóðs.

Brot talin varða við 1. mgr., sbr. 6. mgr. 40. gr. laga nr. 50/1988 um virðisaukaskatt, og 2. mgr. 40. gr. sömu laga, sbr. reglugerð nr. 563/1983.

Verknaðalýsing í ákæru: Ákærða, sem stjórnarformanni og framkvæmdastjóra X hf., var gefið að sök að hafa haldið eftir af launum starfsmanna félagsins lífeyrissjóðsgjöldum, stéttarfélagsgjöldum og staðgreiðslusköttum, samtals að fjárhæð kr. 683.023, þar af nam vangoldinn staðgreiðsluskattur kr. 536.723.

Ákærði fundinn sekur um þá háttsemi sem greindi í ákæru.

Dæmd viðurlög: Ákærði dæmdur í 4 mánaða skilorðsbundið fangelsi og til greiðslu 500.000 kr. sektar, vararefsing 2 mánaða fangelsi.

Skattalagabrot talin varða við 30. gr., sbr. 31. gr. laga um staðgreiðslu opinberra gjalda nr. 45/1987.

Verknaðarlýsing í ákæru: Ákærða, sem framkvæmdastjóra X og vegna reksturs í eigin nafni á árunum 1982 og 1983, var gefið að sök að hafa vanrækt að skila söluskattsskýrslum fyrir janúar, febrúar og mars 1982 en tímabilið frá apríl 1982 til og með desember 1983 gefið rangar söluskattsskýrslur og þannig skotið undan allri söluskattsskyldri veltu á árunum 1982 og 1983 sem leiddi til þess að hann komst hjá því að greiða til ríkissjóðs kr. 2.283.360 í sölugjald. Einnig að hafa látið hjá líða að færa lögskipað bókhald yfir starfsemi sína og efnahag á sama árabili og semja ársreikninga fyrir bæði árin.

Ákærði var sakfelldur fyrir þá háttsemi sem greindi í ákæru, þó þannig að aðeins var talið sannað að hann hefði komið sér undan að greiða kr. 1.990.817 í sölugjald til ríkissjóðs. Bókhaldsbrot hans töldust hins vegar fyrnd nema að því er varðaði brot vegna gerðar ársreiknings fyrir árið 1983.

Dæmd viðurlög: Ákærði var dæmdur í 5 mánaða skilorðsbundið fangelsi og til greiðslu fésektar kr. 1.500.000, vararefsing 5 mánaða varðhald.

Brot talin varða við 1. mgr. og 2. mgr. 25. gr. laga nr. 10/1960 um söluskatt, sbr, 4. gr. laga nr, 33/1982, og 1. mgr. 18. gr.laga nr. 51/1968 um bókhald. (Brot sem talin voru varða við 1. gr. og 2. gr. B, 1. mgr. 3. gr., 1. mgr. og 2. mgr. 5. gr. laga nr. 51/1968 um bókhald voru fyrnd.)